. . . .


8 Nov 2014

سمینارێک لە ژێر ناوی: " شایەتحاڵە نۆروێژییەکان لە کۆبانییەوە" لە شار?


ناوەندی هەواڵ_نۆروێژ: کۆمیتەی هاوکاریی کوردی ـ نۆڕوێژی که‌ حیزبی دێموکراتی کوردستان یه‌کێک له‌ ئه‌ندامانی ئه‌و کومیته‌یه‌یه‌، لە درێژەی چالاکییەکانی خۆیدا، رۆژی پێنجشەممە، ٦ی نۆڤەمبەر، سمینارێکی لە ژێر ناوی: " شایەتحاڵە نۆروێژییەکان لە کۆبانییەوە"، بۆ دوو نووسه‌ر و کەسایەتی سیاسیی نۆروێژی به‌ ناوه‌کانی "سڤه‌ین" و "ئه‌رلێنگ" لە شاری ترۆندهایم پێک هێنا . ئه‌و دوو چالاکڤانە لە مانگی ئۆکتۆبەردا بە ماوەی ١٠ رۆژ لەسەر سنووری رۆژئاوا و باکوور ( کۆبانی ) ئامادە بوون و بەدواداچوونی رووداوەکانیان کردبوو. یەک لەوان نووسەری تەنیا کتێب بە زمانی نۆڕوێژی لەسەر کورده‌ بە ناوی " کوردستان، رابردوو، خەڵک و داهاتوو" که‌ له‌و کتێبه‌دا باسی له‌ شۆڕش کورد له‌ هه‌ر چوار پارچه‌ی کوردستان و داهاتووی کورد به‌ گشتی کردووه‌. له‌م سمیناره‌دا که‌ به‌شێکی به‌رچاو له‌ ئه‌ندامانی حیزبی دێموکراتی کوردستان ئاماده‌ بوون، له بڕگه‌ی پرسیار وه‌ڵامدا یه‌کێک له‌ ئه‌ندامانی حیزبی دێموکراتی کوردستان ئاماژه‌ی به‌ فتوای جیهادی خومه‌ینی بۆ سه‌ر گه‌لی کورد له‌ رۆژهه‌ڵاتی کوردستان و کۆمه‌ڵکوژی خه‌ڵکی بێتاوانی گونده‌کانی قاڕنێ و قه‌ڵاتان و باقی کۆمه‌ڵکوژییه‌کانی کۆماری ئیسلامی له‌ رۆژهه‌ڵاتی کوردستان کرد و له‌سه‌ر بارودۆخی رۆژهه‌ڵاتی کوردستان کۆمه‌ڵێک به‌رچاوڕوونی دایه‌ ئه‌و دوو نووسه‌ر و سیاسه‌توانه‌ نۆڕوێژییه‌.
شایانی باسه‌ ئه‌و سمیناره‌ 4 کاتژمێری خایاند


بگه‌رێوه‌|ئەم بابەتە 794 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact