. . . .


3 Nov 2014

چاوپێکەوتنی کۆمیتەی ئۆستفۆڵدی حدک لە گەڵ کومیتەی ئەنجوومەنی نیشت???


ناوەندی هەواڵ_نۆروێژ: رۆژی یەکشەممە، رێکەوتی ٢ی نوامبری٢٠١٤ هەیئەتێکی کۆمیتە ناوچەی ئۆستفۆڵدی حدک پێکهاتوو لە بەرێزان حەسەن خەمبار، نادر ئەمینی، غەفوور واوەیی، یوسف عەبدوڵڵاپوور، گوڵی حەیدەری و سۆران شێرزاد لە گەڵ ئەنجومەنی نیشتیمانی کوردی رۆژئاوا ـ کۆمیتەی نۆروێژ پێکهاتوو لە بەرێزان مەحموود برۆ، بەرپرسی ئەنجوومەنی نیشتمانی کورد و حیلمی موسا و بەرێز جگەرخوێن ئەندامانی ئەو ئەنجومەنە لە دەوری یەکتر کۆبوونەوە.
سەرتا بەرێز حەسەن غەمبار بەرپرسی کومیتە ناوچەی ئۆستفۆڵدی حیزب لە نۆروێژ وێرای بە خێرهاتنی وەڤدی ئەنجوومەنی نیشتمانی کورد لە سوریا باسێکی لە سەر وەزعیەتی رۆژهەڵاتی کوردستان‌و سیاسەتەکانی کۆماری ئیسلامی بە دژی کوردی رۆژهەڵات پێشکەش کرد. هەروەها بەرێزیان باسی پێوەندی باشی نێوان حیزبی دێموکراتی کوردستان‌و کوردانی رۆژئاوای کوردستانی بە گشتی‌و ئەنجوومەنی نیشتمانی بە تایبەتی کردو خۆشحالی خۆشی لە بابەت رێککەوتنی تەڤدەم و ئەنجوومەنی نیشتمانی کوردی لە سووریا دەربری.
دواتر بەرێز محموود برۆ باسێکی کورتی لە سەر حیزبی دێموکراتی کوردستان و رۆڵی ئەو حیزبەی لە بزوتنەوەی کورد لە چوار پارچەی کوردستان‌دا کرد. ناوبراو حیزبی دێموکراتی کوردستانی وەک یەکەم قوتابخانەی کوردایەتی‌و پێشەوا قازیشی وەک رێبەری نەتەوەیی کورد و دامەزرێنەری ئەو قوتابخانەیە زانی و وتیشی رێبازی حیزبی دێموکرات رێبازی راستی کوردایەتی‌و نیشتمانپەروەرییە‌و بە رێبازی خۆشیانی زانی. ناوبراو باسی پێوەندی گەرمی خۆیانی لە گەڵ حیزبی دێموکرات و کەسایەتیە ناسراوەکانی نێو حیزب کردو رۆڵی حیزب و ئەوانی لە خەباتی نەتەوایەتی کورد دا بەرز نرخاند. لە بەشێکی دیکەی قسەکانی دا بەرێزیان خوازیار بوو کە لە نێوان حدک و ئەنجومەنی نیشتمانی کوردی رۆژئاوا، لە نۆروێژ کاری هاوبەش لە چەشنی کۆرو کۆبونەوەو سێمیناری هاوبەش بکرێت. دواتر هەریەک لە بەشدارانی ئەو کۆبوونەوەیە لە هەردووک لایەن تێروانین‌و بۆچوونی خۆیان هێنایە بەرباس کە لە فەزایەکی دۆستانەدا کۆتایی پێهات.

بگه‌رێوه‌|ئەم بابەتە 806 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact