. . . .


11 Oct 2014

بەشداریی نوێنەرانی حیزبی دێموکراتی کوردستان لەکۆنفڕانسی کۆشکی مید?


به‌به‌شداریی هه‌یئه‌تێکی حیزبی دێموکراتی کوردستان کۆنفرانسێک له سه‌ر پرسە سیاسی‌و ئەمنیەتییەکانی رۆژهه‌‌ڵاتی نێوه‌ڕاست له کۆشکی مێدیچی فلۆرانسی ئیتالیا به‌رێوه چوو.

رۆژی هه‌ینی، 18 ی ڕەزبەر به میوانداری فه‌رمانداری شاری فلۆرانسی ئیتالیاو سندیکای روژنامه‌نووسانی ئیتالیا کۆنفرانسێک له سه‌ر باروودخی رۆژهه‌ڵاتی نێوه‌ڕاست گیراو لەو کۆنفڕانسەدا گوڵاله شه‌ڕه‌فکه‌ندی‌و کاوه ئاهه‌نگه‌ری کە لهلایه‌ن به‌ڕێوه‌به‌رانی ئه‌م کۆنفرانسەوە بانگهێشت کرابوون، وتارو باسیان پێشکێش کرد.
ئەو کۆنفرانسه‌ ‌له سێ پانێل و لە سەر سێ ته‌وه‌ری جیا به کورته باسێک له لایه‌ن فه‌رمانداری فلۆرانس ده‌ستی به‌کار کرد. سه‌ره‌تا ستێفانۆ مارسێلی، سه‌رۆکی ریکخراوی ئه‌منیه‌تی زانیاری‌و مه‌به‌ست لە گرتنی ئه‌م کۆنفرانسەی شی کردەوەو پاشان فه‌رمانداری فلۆڕانس وێڕای به‌خێرهێنانی میوانه‌کان خۆشحاڵیی خۆی لە بەشداریی که‌سایه‌تییە سیاسی‌و ئاکادیمی‌و ژورنالیستەکان لەو کۆنفرانسه‌دا ده‌ربڕی.
له پانێلی یه‌که‌می کۆنفڕانسەکەدا چه‌ند که‌سایه‌تیی ئێرانی، حەسەن شەریعەتمەداری، شەهریار ئاهی، جەمشید ئەسدی، موحسێن سازگارا، نوشابه ئەمیری، و ماریتا سخاک، ئه‌ندامی پاڕلمانی ئورووپا له سه‌ر پێوه‌ندی‌و چۆنیەتیی هه‌ڵسووکه‌وتی ئورووپا و ئامریکا له‌گه‌ڵ ئێران وتاریان پێشکه‌ش کرد.
پانێلی دووهه‌م ته‌رخان کرابوو به کۆمه‌لێک رۆژنامه‌نووس‌و که‌سایه‌تی سیاسی له سه‌ر کێشه‌کانی رۆژهه‌ڵاتی ناوه‌ڕاست‌و لەو پانێلەش‌دا گێرمانۆ دۆتۆری، ریکاردۆ کریستیانۆ، عه‌بدولا موهتەدی، سه‌عد کەیوان، عێرفان ره‌شید، ولۆدێک گۆلدکۆڕن لە سەر پرسە سیاسی‌و ئەمنیەتییەکانی سوریه، عێراق، کوردستان‌و ئێران بۆ بەشداران دووان.
لە پانێڵی کۆتایی کۆنفڕانسەکەش‌دا کە له ژێر ناوی' ڕزگارکردنی خه‌ڵکانی ڕۆژهه‌ڵاتی نێوه‌ڕاست' گیرا، کارلۆتا سامی، نوێنه‌ری کومیساریای به‌رزی په‌نابه‌ری له باشووری ئورووپا ئوروپا، گوڵاله شه‌ڕه‌فکه‌ندی، ئەندامی کۆمیتەی ناوەندیی حیزبی دێموکراتی کوردستان، عیزه‌دین ئه‌لزیر، سەرۆکی کۆمه‌ڵگای ئیسلامیی فۆڕانس، نه‌بی ئه‌لموره‌یدن، نوێنه‌ری کۆمه‌ڵگای سوورییە له ئیتالیا، ریکاردۆ نوری، نوێنه‌ری رێکخراوی لێبوردنی نێوده‌وڵه‌تی له ئیتالیا باسەکانیان پێشکێش کرد.
گوڵاله شه‌ڕه‌فکه‌ندی، کۆمیتەی ناوەندیی حیزبی دێموکراتی کوردستان له وتاره‌که‌یدا سه‌ره‌تا به ئاماژه به دابه‌شبوونی کوردستان بەسەر چوار وڵاتدا، باسی له مامەڵەو چۆنیەتیی هەڵسوکەوتی ئەو چوار وڵاتە لەسەر پرسی کرد کرد که هه‌میشه له سه‌ر دژایەتیی چارەسەری پرسی کورد بۆ به‌ڕێوه‌بردنی به‌رنامه‌کانیان لەگەڵ یەک کۆک بوون.
گوڵاڵە شه‌ڕه‌فکه‌ندی لە بەشێکی دیکەی باسەکەی‌دا په‌ژرایه سه‌ر ئه‌و کاره‌ساته‌ی ئێستا له کوردستان بەهۆی داعیشه‌وه بەسەر خەڵک هاتووەو گوتی هەر یارمه‌تیی پزیشکی و ئینسانی به ته‌نیا بۆ کوردستان بەس نیه و ده‌بێ کۆمه‌ڵگای نێوده‌وله‌تی هه‌ڵوێستی جیددیتر له خۆی به نیسبەت داعیش بنوێنێ. ئەو هه‌روه‌ها ئاماژه‌ی به‌وه کرد که کۆماری ئیسلامی له سه‌ره‌تای شۆڕشه‌وه وه‌ک داعیش له‌گه‌ڵ خه‌ڵکی کوردستان ره‌فتاری کردووهو کۆمه‌ڵگای نێونه‌ته‌وه‌یی بێدەنگ ڕاگرتووه و له کێشه‌ی سوریه‌دا له حالی حازر به هۆی چۆنیەتییتی ته‌عامولی رۆژئاوا، کۆماری ئیسلامی بە نیشان دانی قورسایی خۆی زیاترین قازانجی لێ دەکا.
شایانی باسه شاندی حیزبی دێموکراتی کوردستان جیا لە بەشداری لە باسەکانی ئەو کۆنفڕانسەدا، لە پەراوێزی کاری کۆنفڕانسیش‌دا کۆمەڵە دیدارو چاوپێکەوتنێکی لەگەڵ بەشداران‌و نوێنەرانی لایەنەکان لەو کۆبوونەوەیەدا پێک هێنا.

بگه‌رێوه‌|ئەم بابەتە 6658 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact