. . . .


22 Sep 2014

کۆبوونەوەی نێوان کومیتەی حدک و چەندین هێز و لایەنی کوردستانی لە وڵا?


ناوەندی هەواڵ_نۆروێژ: ئێوارەی رۆژی یەکشەممە رێکەوەتی٢١ی سێپتامبری٢٠١٤ کۆبوونەوەیەک بە بەشداری هاورێ حەسەن حاتەمی، ئەندامی رێبەری حیزب و بەرپرسی بەشی پەیوەندی هێزە کوردستانیەکان لە دەرەوەی وڵات، کۆمیتەی نۆروێژ و بەشی پەیوەندییەکانی حیزب لە نۆروێژ پێک هات.
سەرەتا لە لایەن هاورێ خوسرەو قادری بەرپرسی بەشی پەیوەندییەکانی حیزب لە نۆروێژ بە گەرمی بە خێرهاتنی نۆێنەری هێزولایەنە سیاسی‌یەکان کرا و مەبەستی لە گیرانی ئەو کۆبوونەوەیەی بۆ بەشداران باس کرد. پاشان کاک حەسەن حاتەمی تیشکی خستەسەر ئاڵوگۆڕەکانی دوایی رۆژهەڵاتی ناوەراست بەگشتی‌و کوردستان بەتایبەتی. هەروەها هێرشی داگیرکەرانەی رێکخراوی دەوڵەتی ئیسلامی ـ داعیش بۆ باشوور و رۆژئاوای کوردستان و پێویستی یەکیەتی و یەکریزی دەنگی کورد لەسەر بنەمای بەرژەوەندی نەتەوەیی لەم قوناغە هەستیارە دا.
دواتر هەرکام لە نۆێنەری هێزولایەنە کوردستانییەکانیش راوبۆچوونی خۆیان هێنا بەرباس و زۆر بە گەرمیش سپاسی کۆمیتەی حیزبی دێموکراتیان کرد بۆ پێکهێنانی ئەم کۆبوونەوەیە.
لەکۆتایی ئەم کۆبوونەوەیە دا، بەگشتی سەرجەم هێزو لایەنەکانی کوردی جەختیان لە سەر پەیوەندی پتەو و بەردەوام کردەوە.
بەشدارانی ئەم کۆبوونەوەیە بریتی بوون لە:
پارتی دێموکراتی کوردستان
بزووتنەوەی گۆڕان
یەکیەتی نیشتمانی کوردستان
پارتی کرێکارانی کوردستان ـ پ‌ک‌ک
کۆمەڵەی شورشگێری زەحمەتکێشانی کوردستانی ئێران
سازمانی خەباتی کوردستانی ئێران
رێکخراوی خەباتی شۆرشگێری کوردستان
حیزبی زەحمەتکیشانی کوردستان
پارتی یەکیەتی دێموکراتی، پ‌ی‌د
کۆنگرەی نەتەوەی کوردستان، کنک


بگه‌رێوه‌|ئەم بابەتە 627 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact