. . . .


25 Aug 2014

بەرێوەچوونی کۆریادێک بە بۆنەی دووهەمین ساڵوەگەڕی کۆچی دوایی مامۆ?


ناوەندی هەواڵ- نۆروێژ: کۆریادێک بە بۆنەی دووهەمین ساڵی کۆچی دوایی شاعیری مەزنی گەلەکەمان مامۆستا شێرکۆ بێکەس لە شاری فرێدریکستادی نۆروێژ بەرێوە چوو.
رۆژی یه‌ک شه‌ممه‌ ڕێکەوتی ٢٤/٨/٢٠١٤ کاتژمێر ٣ بۆ ٦ ئێوارێ کۆریادێک بە بۆنەی کۆچی ماموستا شیرکۆ بیکه‌س له‌ لایان ره‌وەندی کوردی له‌ ناوچه‌ی ئۆستفۆڵدی نۆروێژ بەرێوە چوو. لەم کۆریادەدا جگە لەهەڵۆ بێکەس کوڕی مامۆستا شێرکۆ بێکەس، ده‌یان که‌س له‌ نوسه‌ر شاعیران و چالاکانی سیاسیی بەشداری ئەم یادکردنەوەیە بوون. شاعیران و ئەدیبانی کوردی بەشدار لەم کۆریادەدا چەندین بابەتی فەرهەنگی و ئەدەبیان لە سەر کەسایەتی بەرزی شێرکۆ بێکەس و رۆڵی ناوبراو لە شێعر و ئەدەبی کوردیدا پێشکەش کرد. سەرەتای کۆریادەکە بە چەند کۆپلە شێعری کوڕی مامۆستا شێرکۆ بێکەس هەڵۆ شێرکۆ بێکەس دەستی پێکرد و دواتر سپاسی خۆی پێشکەش بە پێکهێنەرانی کۆرەکە و بەشدار بووان کرد. هاوکات کۆمەڵێک لە نووسەر و شاعیرانی کورد بە بابەت و لیکۆلینه‌وه‌یی ئەدەبی له‌ سه‌ر که‌سایه‌تی به‌رزی ماموستا شیرکۆ بیکه‌س و رۆڵی ناوبراو لە فەرهەنگ و ئەدەبی کوردی بۆ بەشدار بووان دوان: ره‌فیق غەفوور ، بیهروز سەله‌واتی، ماموستا عوسمان، مه‌ریوان هه‌ڵەبجه‌یی، کامران شافعی، کاروخ گەرمیانی، خالید رەشید پوور و هه‌روه‌ها هونه‌رمەندی کورد هێدی قادری به‌ هاوکاری لەگەڵ بەرێزان بەهمەن هه‌ولێری و ئاکام پورخزری بە چالاکی هونەری کۆره‌که‌یان زیاتر رازانده‌وه‌ و گڕوتینێکی تایبەتیان بە کۆرەکە بەخشی. پێویستە بگوترێ کە کومیتەی حیزبی دێموکرات لەم ناوچەیە لە زۆربەی ئەم چالاکییانەدا بەشداری بەرچاویان هەبووە کە بەریزان، گوڵی حەیدەری، حەسەن خەمبار و غەفوور واوەیی ئەندامانی کومیتە ناوچەی ئۆستفۆڵد بەشدار بوون.

حیزبی دیموکراتی کوردستان- کومیتەی نۆروێژ

بگه‌رێوه‌|ئەم بابەتە 851 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact