. . . .


18 Jun 2014

سەردانی نوێنەرایەتی هێزە کوردستانیەکان لە وڵاتی ئوتریش لە بارەگای ?


ناوەندی هەواڵ- ئوتریش: مەبەست لەم سەردانە، دەربڕینی پشتیوانی هێزە کوردستانیەکان بوو، بۆ حکومەتی هەرێمی کوردستان و هێزی پێشمەرگەی کوردستان.
هەیئەتی ناوبراو پیکهاتبوو لە نوێنەرایەتی ئەم حیزب و ڕێکخراوانە:
1. پارتی دیمۆکراتی کوردستان
2. یەکیەتی نیشتیمانی کوردستان
3. حیزبی دیمۆکراتی کوردستان
4. حیزبی دیمۆکراتی کوردستانی ئێران
5. بزووتنەوەی گوڕان
6. حیزبی شیوعی کوردستان
7. کۆمیتەی مەڵبەندی کوردی لە ڤییەن
8. حیزبی سوسیالیست دێمۆکراتی کوردستان
لە دانیشتنێک دا، کە نزیکەی کاتژمێرو نیوێکی خایاند، تێکڕای هێزە کوردستانییەکانی بەشدار پیداگریان کردەوە لەسەر هاوکاری و پشتیوانیی خۆیان بۆ حکوومەتی هەرێمی کوردستان‌و پێشمەرگەکانی ئەم بەشەی خاکی کوردستان کە ئێستا لە سنووری کوردستان سینگیان قەڵغانی پاراستنی هەرێمی کوردستان‌و دانیشتوانیەتی، دەربڕی. هاوکات هەموو ئەو حیزب و لایانانە دووپاتیان کردەوە کە هێزی نەتەوەیی ڕۆڵەکانی خاک و نیشتمانی کوردستان پڕ متمانەترین و بە هێزترینە بۆ ڕووبەڕوو بوونەوەی هەر جۆرە هەڕەشەیەک کە لەم بەشی خاکی کوردستان دەکرێ.
نوێنەری حکوومەتی هەرێمی کوردستان بەڕێز کاک دوکتور مستەفا رەمەزان پێشوازییەکی گەرمی لە هەیئەتەکە کردو خۆشحاڵیی خۆی دەربڕی کە ڕۆڵەکانی نەتەوەکەمان لە کاتە سەخت و دژوارەکان دا بە دەم خەمەکانی نیشتمانەوە دێن‌و ناکۆکییە سیاسە ناوخۆییەکان لە وەها کاتێک دا دەخەنە لاوەو بەرژەوەندی نەتەوەی دەکەنە ئامانجی سەرەکییان.
hizbekan-2014.jpg

بگه‌رێوه‌|ئەم بابەتە 707 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact