. . . .


21 May 2014

به‌شداریی کۆمیته‌ی کانادای حیزبی دێموکڕاتی کوردستان له‌ سمینارێ??


کۆمیته‌ی ڕۆژئاوای کانادای حیزبی دێموکڕاتی کوردستان له‌ سمینارێکی ماڵی کورد له‌ ڤانکوێردا بۆ باس له‌ سه‌ر پرسی کورد به‌شداری کرد.
له‌و سمیناره‌دا که‌ ڕۆژی یه‌کشه‌ممه، ١٨ی مانگی مه‌ی به به‌شداریی ژماره‌یکی به‌رچاو له کوردانی هه‌موو به‌شه‌کانی کوردستان به‌رێوه‌چوو، خاتوو لۆری فره‌یزه‌ر، نوسه‌ری ناسراوی کانادایی که کتێبێکی له‌سه‌ر کورد به‌ ناونیشانی "وشه‌ نه‌گوتراوه‌کان" نووسیوه‌ له‌گه‌ڵ خاتوو ئاڤا هۆما، مامۆستای ‌ زانکۆیی جۆرج براون له ئانتاریۆ باسه‌کانیان پێشکێش کرد.
له‌و سمیناره‌دا پرسه‌کانی پێوه‌ندیدار به‌ مێژووی خه‌باتی کوردو هه‌روه‌ها چه‌وسانه‌و بێبه‌شیی ژنان له‌ مافه‌کانیان له‌ ئێرانی بنده‌ستی رێژیمی ئیسلامیی ئێراندا قسه‌یان له‌سه‌ر کراو هه‌ر دوو کۆڕگێر له‌سه‌ر نێوه‌ڕۆکی ئه‌و کتێبانه‌ی له‌و پێوه‌ندییه‌دا نووسیویانه‌، بۆ به‌شداران دوان.
له‌ بڕگه‌یه‌کی دیکه‌ی ئه‌و سمیناره دا په‌یامی ماڵی کوردله‌لایه‌ن خه‌لیل ئه‌شکانی، به‌رپرسی پێوه‌ندییه‌کانی حیزبی دێموکراتی کوردستان له ڕۆژئاوای کاناداوه‌ خوێندرایه‌وه‌ که‌ له‌ودا باس له‌ به‌ربه‌ست‌و رێگرییه‌کانی کۆماری ئیسلامی له‌سه‌ر چالاکیی ڕۆژنامه‌نووسان به‌ گشتی‌و رۆژنامه‌نووسان له‌ ڕۆژهه‌ڵاتی کوردستان کرابوو.
له‌و په‌یامه‌دا به‌ ئاماژه‌ به‌ تێچووی زۆری چالاکیی ڕۆژنامه‌نووسی‌و هه‌ڵسووڕان له‌ بواری مافه‌کانی مرۆڤ‌ له‌ ڕۆژهه‌ڵاتی کوردستان ئاماژه‌ به‌ عه‌دنان حه‌سه‌نپور و خوسره‌وو مه‌سعود کوردپور کرابوو که‌ له‌سه‌ر ئه‌و چالاکییانه‌ له‌لایه‌ن ده‌زگای قه‌زایی ڕێژیمه‌وه‌ سزای زۆر قورسی زیندان له‌ دوورخراوه‌ییان به‌سه‌ردا سه‌پاوه‌.

بگه‌رێوه‌|ئەم بابەتە 720 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact