. . . .


22 Mar 2014

بەرێوە چوونی جەژنی سەری ساڵی نوێ لە ناوچەی ئۆستفۆڵدی نۆروێژ


ناوەندی هەواڵ_نۆروێژ: ناوەندی هەواڵ_نۆروێژ:ئێوارەی رۆژی ٢٠ی٣ی٢٠١٤ رێورەسمێک لە لایەن کوردانی هەر چوارپاچەی کوردستانەوە لە ناوچەی ئۆستفۆڵد بەرێوە چوو سەرەتای رێورەسمەکە بە سروودی نەتەوایەتی ئەی رەقیب دەستی پێ کرد، دوا بە دوای سروودی دوژمن شکێنی ئەی رەقیب پەیامی کۆمەڵەی کوڵتووری کوردەکان لەم ناوچەیە خوێندرایەوە، دوا بە دوای خوێندنەوەی ئەم پەیامە، ئاگری نەورۆز داگیرسێندرا کە کوڕانی و کچانی نیشتمانپەروەر لە دەوری ئاگر کردیان بە شایی و هەڵپەرکێ، شایانی باسە کە خەڵکێکی بەرچاو لە کوردانی هەر چوار بەشی نیشتمان بەشداری ئەم رێورەسمە ببوون و هەروەها رۆژێک دواتر کۆمیتەکانی حیزبی دێموکراتی کوردستان رێکخراوی ژنان،لاوان و کۆمەڵەی کولتووری رێورەسمێکیان بە بۆنەی نوێبوونەوەی ساڵی تازە لە ناوچەی ئۆستفۆڵدی شاری فرێدریکستاد پێکێنا.
سەرەتای رێورەسمەکە بە دەقیقەیەک بێدەنگی بۆ گیانی پاکی شەهیدانی حیزب و گەل دەستی پێ کرد، دواتر شێعرێکی مامۆستا پەشێولە لایەن هاورێ سۆران شێرزادەوە پێشکەشی مەراسمەکە کرا، دواتر بەرێز حەسەن غەمبار پەیامی کومیتەکانی حیزب، لاوان، ژنان و کۆمەڵەی کولتووری بە هاوبەشی پێشکەش کرد، ناوبراو وێرای هێنانە بەرباسی رابردووی نەورۆز و هەروەها خەباتی دوور و درێژی کوردان بۆ پاراستنی شوناس و کولتووری خۆیان باسی لە خەبات و گیانبازی رۆڵەکانی نیشتمان هەر لە دێرزەمانەوە هەتا هەنوکە کرد کە ئاگری نەورۆز و نەورۆزیان هەتا ئێستا بە داب و نەریتی کوردەوارییەوە بۆ ئێمە پاراستووە، بەشێکی تری رێورەسمەکە داگیرساندنی ٢١مۆم بوو بە ئاماژە بە بیست و یەک تێشکی خۆری ئاڵای کوردستان کە هەر کامەیان لە لایەن لاوانی تازە پێگەیشتووەوە گوڵێکیان پێشکەش کرا ، بابەتێکی کورتی مێژووی، روانگەو بۆچوونە مێژووییەکان لە سەر نەورۆز لە لایەن سۆران شێرزاد پێشکەش کرا.
لە بەشێکی تری رێورەسمەکەدا چەند گۆرانییەکی خۆشی فولکلور بوو کە بە هاوبەشی لە لایەن بەهمەن هەولیری و سەید حەسەن کۆساری پێشکەشی رێورەسمەکە کران کە لە پێشوازی خەڵی بەشدار بوو رووبەروو بووە دووا بەشی رێورەسمەکە شایی و گۆرانی بەشداربووان بوو.
جێگای ئاماژەیە کە هەر لە م رۆژە دا هەیئەتێکی دوو کەسی کومیەتە ناوچەی ئۆستفۆڵد نادر ئەمینی و گوڵێ حەیدەری بەشداری رێورەسمێکی تری کوردانیان لەم ناوچەیە کرد کە نادر ئەمینی پەیامی کۆمیتەی حیزبی لەم ناوچەیە پێشکەشی رێورەسمەکە کرد.

بگه‌رێوه‌|ئەم بابەتە 861 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact