. . . .


18 Mar 2014

بە بەشداری کۆمەڵێکی بەرچاو لە کوردانی ئاڵمان، یادی کیمیابارانی هەڵ?


ناوەندی هەواڵ- ئاڵمان: رۆژی یەکشەممە رێکەوتی 16.03.2014، لە سەر بانگەوازی حیزب ولایەنە سیاسیەکانی کوردستان یادی ساڵوەگەڕی کارەساتی کیمیابارانی هەڵەبجە بە دەستی رژێمی گۆڕبەگۆڕی بەعس کرایەوە. بۆ ئەو مەبەستە کوردستانیانی دانیشتووی ئاڵمان، لە سەنترۆمی شاری کۆلن بە دوروشمی "هەڵەبجە ئەو زامەی کە هەرگیز سارێژ نابێت" سەری رێزوپێزانییان بۆ 5000 هەزار قوربانی ئەو کۆمەڵکوژیە دانواند. لەو یادکردنەوەدا کۆمیتەی هاوکاری هێزە کوردستانیەکان و کۆڕوکۆمەڵەکان، داوایان لە دەوڵەتی ئالمان کرد کە لە لایەک سه‌رجه‌م ئه‌و کۆمپانیا و که‌س‌و لایەنە‌ بەرەگەز ئاڵمانیانەی که‌ بە فرۆشتنی ئامرازی پێویست بۆ کیمیاباران کردنی هەڵەبجە بە رژیمی ئەو کاتی بەعس، دەستیان هەبووە و لەو جەنایەتە دژی مرۆڤانەیەدا بەشدار بوون دادگایی بکرین ‌و سزا بدەرین و هەروەها پاشماوەی دانیشتوانی هەڵەبجە و خه‌ڵکی زیان لێکه‌وتوی ئەو شارە قەرەبوو بکرێنەوە.
بەشێکی دیکەی ئەکسیۆنەکە بریتی بوو لە پشتیوانی دەربڕین لە داخوازی خەلکی هەڵەبجە بۆ بە پاریزگا کردنی ئەو شارە.
لەو یادکردەنەویەدا چەندین پەیام بە زمانی ئاڵمانی و کوردی بەو بۆنەوە خۆیندرایەوە. جێی وەبیر هێنانەوەیە، کۆمیتەی حیزبی دیموکراتی کوردستان لە ئاڵمان لە ریکخستن و پێک هێنانی ئەویادکردەنەوەدا ڕۆڵی بەرچاوی هەبوو.
حیزبی دێموکراتی کوردستان
کۆمیتەی ئاڵمان

بگه‌رێوه‌|ئەم بابەتە 621 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact