. . . .


10 Mar 2014

به‌ڕێوه‌چوونی سمینارێک به‌بۆنه‌ی 8 ی مارس له‌لایه‌ن کومیته‌??


ناوەندی هەواڵ- فینلاند: کومیتەی فینلاند یه‌کیه‌تیی ژنانی دێموکراتی کوردستان بە بۆنەی ٨ی مارس رۆژی جیهانی ژن سیمینارێکی پێک هێنا.
ئه‌و سمیناره‌ که‌ به‌بەشداری گوڵاڵە شەرەفکەندی‌و کاوە ئاهەنگەری؛ ئەندامانی کمیتەی ناوەندی حیزبی دێموکراتی کوردستان لە شاری تورکو بەرێوەچوو، بە ڕاگرتنی خولەکێک بێدەنگی بۆ رێز لێنان لە گیانی پاکی شە هیدانی رێگای رزگاری، بە تایبەت سێ کچە خوێندکاری شەهیدی ئەودواییانە کە بە هۆکاری نادیارەوە گیانیان لە دەست دا، ده‌ستی به‌کاره‌کانی کرد.
له‌ به‌شی یه‌که‌یمی سمیناره‌که‌دا گوڵاڵە شەرەفکەندی باسێکی گرینگ‌و بەپێزی له‌باره‌ی ژن‌و پێگەی ژن لە کۆمەڵگای کوردی‌دا هێنایە گۆڕێ‌و لە بەشێکی دیکەی باسه‌که‌ی‌دا تیشکی خسته‌سه‌ر چۆنیەتی خۆراگریی ژن‌و هەڵوێستی ژن لە بەرامبەر هەلاواردنی نەتەوەیی‌و رەگەزی، کە له‌ ئێستادا به‌ سەرەکی‌ترین کێشەی ژنی کورد داده‌نرێن.
لە پانێلی دووهەمی سمیناره‌کش‌دا کاوە ئاهەنگەری ڕاو وبۆچونی چەند بەشداربووی لەسەر ژن‌و کێشەی ژن و کۆمەڵگای پیاوسالاری‌و کارتێکەریی ئایین‌و سوننەت وەرگرت‌و پاشان بە شێوەیەکی زانستی شرۆڤەی باسەکەی کرد کە سەرنجی میوانان‌و بەشداربوانی راکێشا.
ناوبراو لە دریژەی باسەکەیدا بە دڵ گەرمیەوە هانی ژنانی دا بۆ بەکردەوە هاتنە نێو مەیدانی خەبات بۆ وەدەست هێنانی مافە زەوت کراوەکانیان‌و ڕوو بە ژنان گوتی وه‌ک چۆن مافی کورد به‌ کادۆ له‌لایه‌ن ده‌وڵه‌تی باڵاده‌سته‌وه‌ به‌ کورد نادرێ، مافی ژنانیش به‌ کدۆ له‌لایه‌ن پیاوانەوە به‌ ژن نادرێ، کەوایە پێویستە خۆتان بێنە مەیدان وخەباتەکە بە گوڕتر بکەن، خەبات رێگایەکی دورو دریژەو پرۆگرام و ستراتیژی دریژ خایەنی دەوێ.
لە برگەکانی دیکەی بەرنامەکەدا چەند پارچە موزیک لە لایەن دوو لاوی هونەرمەند دیار و پێشەوا میرسەیدی پێشکێش کران‌و چەند دیمەنی جوانی هەلپەرکێ لە لایەن گروپی هەڵپەرکێێ لاوانەوە پیشان درا.
شایانی باسه‌ بەشێکی دیکەی رێوڕه‌سمه‌که‌ بۆ پێشاندانی جل‌و بەرگی ڕەسەنی کوردی لە لایەن کۆمەڵێک لە ژنان‌و پیاوان ته‌رخان کراو لەکۆتاییدا لەلایەن یه‌کیه‌تیی ژنانەوە چه‌پکه‌گوڵی ڕێزلێنان پێشکەش به‌ گوڵاڵە شەرەفکەندی‌و کاوە ئاهەنگەری کرا.

بگه‌رێوه‌|ئەم بابەتە 985 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact