. . . .


17 Feb 2014

بەڕێوەچوونی کۆنفڕانسی کومیتەی گشتی حدک لە وڵاتی دانمارک


ناوەندی هەواڵ- دانمارک: ڕۆژی شه‌ممه‌ ڕێکەوتی ١٥ فێوریەی ٢٠١٤ی زایینی کومیته‌ی حیزبی دیموکراتی کوردستان له‌ وڵاتی دانمارک به‌ به‌شداری بەشێکی بەرچاوی ئەندامانی حیزب لەو وڵاتە و بە چاوەدێری نوێنه‌رانی کومسیۆنی ته‌شکیلات و کومسیۆنی چاوه‌دیری به‌ سه‌ر به‌رنامه‌ و ئه‌ساسنامه‌ی حیزبدا، کۆنفرانسی خۆی بۆ نوی کردنه‌وه‌ی کومیته گشتی له‌و وڵاته‌ بەڕێوەبرد. سه‌ره‌تای کۆنفرانس به‌ سروودی نه‌ته‌وایه‌تی ئه‌ی ڕه‌قیب و ساتی به‌ پێوه‌ وه‌ستان بۆ ڕیزگرتن له‌ گیانی پاکی شه‌هیدانی حیزب و گه‌ڵ ده‌ستی پێ کرد. پاشان به‌رنامه‌ی کاری کۆنفرانس ڕاگەیەندرا و دوابە دوای ئەو داوا له‌ نوێنه‌ری کومسیۆنی ته‌شکیلات، به‌ریز سه‌ید ئه‌حمه‌د حوسێنی کرا وته‌یه‌ک پێشکه‌شی به‌شدارانی کۆنفرانس بکات. ناوبراو باسێکی سه‌باره‌ت به‌ ئه‌ندام و ئەرکی سه‌ر شانی ئه‌ندام پێشکه‌شی به‌شداران کرد. ئینجا هاوڕێ حوسێن حه‌سه‌ن زاده‌ به‌رپرسی کومیته‌ی دانمارک ڕاپۆرتی کارو تێکۆشانی نێوان دوو کۆنفرانسی بۆ به‌شدارانی خوێنده‌وه‌. به‌ریزیان له‌ ڕاپۆرتی کومیته‌ دا ئاوڕێ له‌ کار وتێکۆشانی به‌شه‌کانی کاری کومیته‌ دابووه ‌و وێڕای خستنه‌ ڕووی خاڵه‌ به‌هێزو لاوازه‌کانی کاری کومیته‌، پێشنیار و ڕێنوێنییەکانی خۆی له‌ هه‌رکام له‌ به‌شه‌کاندا هێنابووە به‌رباس بۆ ئه‌وه‌ی کومیته‌ی داهاتوو به‌پێ توانا و ئێمکان که‌ڵکیان لێ وه‌ربگرن.
ئه‌وجار نۆره‌ گه‌یشته‌ هاوڕێیانی به‌شداری کۆنفرانس و بۆ باس له‌ سه‌ر ڕاپۆرتی کومیته‌ وقسه‌کانی به‌ریز سه‌ید ئه‌حمه‌د حوسێنی، که‌ به‌ شێوه‌یه‌کی زۆر چالاکانە و ته‌واو دیموکراتیک له‌ باسه‌کاندا به‌شدارییان کرد. پاش ڕاگه‌یاندنی پشوو له‌ به‌شی دووهه‌می کاری کۆنفراسدا،به‌ریزان سه‌ید ئه‌حمه‌د حوسێنی نوێنه‌ری به‌شی ته‌شکیلات ومحمد ئێسماعیلی نوێنه‌ری به‌شی پاریزگاری له‌ به‌رنامه‌ وئه‌ساسنامه، به‌ پێ پیویست وه‌ڵامی پرسیاری به‌شدارانیان دایه‌وه‌.
ئاخرین به‌شی کاری کۆنفرانس ته‌رخان کرابوو بۆ هه‌ڵبژاردنی کومیته‌ی نوێ که‌ چه‌ندین که‌س له‌ هاوڕێیان خۆیان بۆ وه‌ئه‌ستۆگرتنی ئه‌رکی حیزبی پاڵاتبوو و له‌ لە هەڵبژاردنێکی تەواو دێموکراتیک دا بەرپرسایەتی و بەڕێوەبەری کومیتەی حیزبی دیموکراتی کوردستان لە وڵاتی دانمارک،یان گرتە ئەستۆ. کۆنفرانس پاش زیاتر له‌ پێنج کاتژمێر کاری بەردەوام، له‌ نێو خۆشحالی به‌شداراندا کۆتایی پێ هات.
حیزبی دیموکراتی کوردستان- کومیته‌ی دانمارک

بگه‌رێوه‌|ئەم بابەتە 859 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact