. . . .


26 Jan 2014

به‌رزڕاگرتنی یادی دامه‌زرانی کۆماری کوردستان له‌ تۆرۆنتۆی کانا??


ناوەندی هەواڵ- کانادا: له‌ تۆرۆنتۆی کانادا به‌ به‌ڕێوه‌بردنی ڕێوڕه‌سمێک یادو بیره‌وه‌ریی شه‌ست‌و هه‌شت ساڵه‌ی دامه‌زرانی کۆماری کوردستان به‌رز ڕاگیرا.
رۆژی یه‌کشه‌مه، 6ی ڕێبه‌ندان به‌رامبە‌رله‌گه‌ڵ‌ 26 ی ژانویه‌ی 2014و ڕێوڕه‌سمێک به‌بۆنه‌ی 2ی ڕێبه‌ندان، ساڵرۆژی دامه‌زرانی کۆماری کوردستان له‌ تۆرۆنتۆی کانادا به‌ به‌شداریی حیزب‌و لایه‌نه ‌سیاسیه کوردستانییه‌کان‌و کوردانی هۆگری کۆماری کوردستان به‌ڕیوه‌ چوو.

ئه‌و کۆڕیاده‌ به‌ سروودی نه‌ته‌وایه‌تیی ئه‌ی ڕه‌قیب‌و ڕاگرتنی ده‌قیقه‌یه‌ک بێده‌نگی بۆڕێزگرتن له‌ یادو بیره‌وه‌ریی شه‌هیدان ده‌ستی پێ کردو پاشان‌ په‌یامی ده‌فته‌ری سیاسیی حیزبی دێمۆکڕاتی کوردستان ‌ له‌لایه‌ن جه‌عفه‌ر موقه‌ده‌م، به‌رپرسی کومیته‌ی تۆرۆنتۆی حیزبه‌وه‌ خوێندرایه‌وه.

له‌ درێژه‌ی ئه‌و ڕێوڕه‌سمه‌دا په‌یامه‌کانی پارتی دێمۆکڕاتی کوردستان، یه‌کیه‌تیی نیشتمانی کوردستان، کۆمه‌ڵه‌ حیزبی کومۆنیست‌و به‌ره‌ی یه‌کگرتووی گه‌لی ئه‌هواز به‌وبۆنه‌یه‌ خوێندرانه‌وه‌.

ئه‌و ڕێوڕه‌سمه‌ به‌ گۆرانی‌و هه‌ڵپه‌رکێی به‌شداران به‌رده‌وام بوو.

بگه‌رێوه‌|ئەم بابەتە 6080 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact