. . . .


13 Jan 2014

دیداری نێوان دوو هەیئەتی پارتی دیموکراتی کوردستان و حیزبی دیموکراتی ک?


ناوەندی هەواڵ- بریتانیا: سەرلەبەیانی ڕۆژی دووشەممە رێکەوتی ١٣ی جانیوێری ٢٠١٤ی زایینی، بەرێزان مەولوود سوارە ئەندامی رێبەری و نوێنەری حیزب لە بریتانیا و کاک فەرزاد حیکمەت بەرپرسی کۆمیتەی حیزب لەو وڵاتە، بە مەبەستی باس و ڕاوێژ سەبارەت بە ڕووداوەکانی ناوچەی خۆرهەڵاتی ناوەڕاست، کوردستان و بە تایبەت ڕەوشی هەرێمی کوردستان و هەروەها پەیوەندییەکانی نێوان دوو لایەن و هاوکاری زیاتر لە داهاتوو دا، دیدارێکیان لەگەڵ بەڕیزان کەمال ئامێدی بەرپرسی ناوچە و کاک خوسرەو ئاژگەیی کارگێری ناوچە و بەرپرسی رێکخستنی ناوچەی پارتی دیموکراتی کوردستان لە بریتانیا پێک هێنا..
لەم دانیشتنە دا جەخت لەسەر هاوکاری و هاورێزی مالی کورد و پتەوتر کردنی پیوەندیەکانی نێوان هەرودولا کرایەوە و هەیئەتی حدک پشتیوانی دووبارەی حیزبمانیان لە پارتی دێموکراتی کوردستان، حکومەتی هەرێمی کوردستان و ئەزموونی هەرێم کە رووناکی دەرو دل خۆشکەرە بۆ هەموو بەشەکانی تری کوردستان دووپات کردەوە. پشتگیری کردنی کابینەی نوێ بنکە فەراوان و مەسەلەی باری ئەمنی و ئاسایشی هەرێمی کوردستان و هەروەها ئیدانەی هەموو هەرەشەکانی حکومەتی ناوەندی بەتایبەت لێدوانی ئەم دوایانەی مالکی لەسەر برینی بودجەی هەرێم، تەوەرێکی دیکەی ئەو دیدارە بوون. پشتگیری سەرۆکی هەرێمی کوردستان لە مافەڕەواکانی کوردانی رۆژئاوا و دانیشتن لەگەڵ لایەنەکانی ئەو بەشە لە کوردستان بە ئەرێنی وەسف کرا و هەروەها سەفەری بەرێزیان وەك سەرۆکی هەرێمی کوردستان بۆ کوردستانی باکوور و پێداگری لەسەر مافەکانی گەلی کوردو پشتیوانی لەپروسەی ئاشتی بۆ کوردستان و ترکیە بەهەنگاوێکی موسبەت درایە قەڵەم. هاورێیانی پارتی دێموکراتی کوردستان پشتیوانی و برایەتی و هاوکاری خۆیان لەگەل حیزبی دێموکرات کوردستان دووبارە کردەوە و ڕایانگەیاند کە ئەو دۆستایەتی و پێکەوە بوونە دەگەرێتەوە بۆ کۆماری کوردستان پیویستەو دەبێ کورد لە هەموو پارچەکان پشتگیر و هاوکاری یەکتر بن.
حیزبی دێموکراتی کوردستان
کۆمیتەی بریتانیا
hdk-pdk1-2014.jpg

بگه‌رێوه‌|ئەم بابەتە 675 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact