. . . .


23 Dec 2013

بەریوەچوونی رێورەسمی جێژنی 26ی سەرماوەز ڕۆژی هه‌ڵ کردنی ئاڵا و ڕۆژی ?


ناوەندی هەواڵ- دانمارک: رۆژی شەممە 21ی دسامبری 2013ی زایینی بەرانبەر بە 30ی سەرماوەزی 1392ی هەتاوی، بە بۆنەی 26ی سەماوەز رۆژی هەڵکردنی ئالای و پیشمەرگەی کوردستان و هەروەها شەوی یەلدا ساڵوەگەڕی لە دایک بوونی رێبەری مەزنی حیزبی دیموکراتی کوردستان شەهید دوکتور عەبدوولڕەحمان قاسملوو، بە بەشداری بەشێکی زۆر لە ئەندامانی حیزبی دیمکراتی کوردستان و کوردانی دانیشتووی وڵاتی دانمارک، ڕێوڕەسمێکی پڕ شكۆ بەڕێوەچوو.
سەرەتا ی رێورەسمەکە بە سرودی نەتەوایەتی ئەی رەقیب وخولەکێک بێدەنگی بو رێزگرتن لە خەبات و گیان بازی وروحی به‌رزی شەهیدانی حیزب و گەل دەستی پێکرد. پاشان لە لایەن به‌ریزخالید ڕەواندووست بەرپرسی کومیتەی ناوچەی شیلەندی حیزبی دیموکراتی کوردستان، پەیامی کومیتەی حیزب بەو بۆنەوە خوێندرایه‌وە. لەو پەیامە دا وێرای بەخێرهێنانی بەشداران، ئاورێک لەچلونایەتی دیاری کردنی ناوی پێشمەرگە و ناوزەد کردنی رۆژی 26ی سەرماوەز بە رۆژی پێشمەرگەی کوردستان دراوە و پیروزبایی شەوی یەلدا و لە دایک بوونی شەهیدی نەمر دوکتور قاسملوو ورۆژی 26ی سەرماوەز رۆژی پێشمەرگە لە بەشداران و پێشمەرگەکانی حیزب و گەل کرا.
لە بەشێکی دیکەی پەیامەکەدا تیشک خرابووە سەر ئالوگورەکانی ناوچەی ڕۆژهەڵاتی ناوەڕاست و ململانێ وخەباتی کوردەکان لە چوارپارچەی کوردستان، بەروونی باس لە هەلومەرجی ئاستەمی ناوچەکە و کاروکردەوە دژی گەلیێەکانی رژیمی ئێران و زیندان و ئەشکەنجە وئێعدامی بە کۆمەڵی لاوان وپەرەپێدانی برسيەتی وهەژاری وبێکاری خەڵک کرابوو.
پاشان پەیامی کومیتەی دانمارکی یەکێتی ژنانی دیموکرات کوردستان، لە لایەن خاتوو سنور محەممەدزادە ئەندامی بەرێوبەری کومیتەی ژنانەوە خوێندرایەوە.
لە ناوەرۆکی پەیای یەکێتی ژنان دا باسێک لە سەر پێشمەرگە و خوشەویستی و رێزی ئەو ڕۆڵە قارەمانانە لە ناو دڵی خەلک دا کرابوو.
پاشان پارچە شێعرێک لە ژێرناوی " بو پێشمەرگە " هونراوەی کاک بەکرە مارەغانی لەلایەن ناوبراوەوە پێشکەش کرا. لە برگەیەکی دیکەی بەرنامەکەدا پێشمەرگە و تێکوشەری دێرین کاک ناسرپیرانی وتارێکی سەبارەت بە پێشمەرگە و رۆژی 26ی سەرماوەز پێشکەشی ئامادەبووان کرد،هەروەها کاک ئاسو ئامادە، لاوی چالاکی ڕێزەکانی حیزب، لە چەند وتەیەک دا پیروزبایی لە پێشمەرگەو ئەندامانی حیزب کرد.
مەراسمەکە بە موزیک و شایی وهەڵپه‌رکه ‌هه‌تا دره‌نگانی شه‌و به‌رده‌وام بوو.

بگه‌رێوه‌|ئەم بابەتە 904 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact