. . . .


12 Dec 2013

جەلال سه‌عید کورد و هونه‌ری به‌جێهێشت


ئێوارەی 2013/12/9، "جه‌لال سه‌عید"ی گۆرانبێژی میللی‌ و دێرینی نه‌ته‌وه‌که‌مان،بەهۆی نەخۆشیی دڵەوە لە نەخۆشخانەی فریاكەوتنی شاری هەولێر ماڵئاوایی له‌ ژیان کرد.
جەلال سەعید ، ساڵی 1953ی زایینی لە گه‌ڕه‌کی باغی سیسه‌ی شاری مهاباد لەدایك بووە و تا پۆلی سێی سه‌ره‌تایی له‌و شاره‌ خوێندووه‌ و پاشان به‌ره‌و هه‌ولێر کۆچیان کردووه‌ و دواساته‌کانی ژیانی هه‌ر له‌و شاره‌ ژیا.
ساڵی 1970ی زایینی پێ ده‌نێته‌ ناو دنیای هونه‌ره‌وه‌ و ساڵی 1978 گۆرانیی (چاو رەش)ی تۆمار ده‌کات و ئەو گۆرانییه‌ له‌ لایان خه‌ڵکه‌وه‌ پێشوازییه‌کی زۆری لێ ده‌کرێت و به‌و گۆرانییه‌ش ده‌ناسرێت.
جه‌لال سه‌عید یه‌کێک له‌و که‌سانه‌ بوو که‌ بایه‌خێکی یه‌کجار زۆری به‌ هۆنه‌ره‌ میللییه‌کان و گۆرانییه‌ فۆلکلۆره‌کان ده‌دا و سەدان گۆرانیی فۆلکلۆری کوردی له‌ فه‌وتان رزگار کردووه‌ و لەگەڵ ئەوەشدا گۆرانیی بۆ دەیان تابلۆی ھەڵپەڕکێی کوردی چڕیوە. هه‌ر ئه‌وه‌ش ببووه‌ هۆی ئه‌وه‌ی که‌ له‌ ناو میووزیکی کوردیدا جێگه‌ و پێگه‌ی خۆی هه‌بێ .

بگه‌رێوه‌|ئەم بابەتە 866 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact