. . . .


18 Nov 2013

بەرێوەچوونی خۆپێشاندانێک لە شاری کوڵنی ئاڵمان بۆ مه‌حکومکردنی کۆ?


ناوەندی هەواڵ- ئاڵمان: رۆژی شەممە، ٢٥ی خەزەڵوەری ١٣٩٢ ی هەتاوی، بە بەشداریی جەماوەرێکی بەرچاو لە حیزب‌و لایەنەکانی کوردستانی رۆژهەڵات‌و رێکخراوو داکۆکیکارانی بواری مافی مرۆیی‌و کەسایەتییەکانی کورد و کۆمەڵێک هونەرمەندی نیشتەجێی شاری کۆڵن، خۆپێشاندانێکی ئیعترازی بە دژی شەپۆلی نوێی ئێعدامەکان، بە تایبەت ئێعدامی شێرکۆ مەعاریفی‌و حەبیبوللا گوڵپەریپور و رەزا ئیسماعیلی و هەروەها بەرتەسک کردنەوەی هەرچی زیاتری فەزای سیاسی لە ئیران‌و بەتایبەت لە کوردستان لەلایەن رێژیمی کۆماری ئیسلامیەوە بە دوای هاتنە سەرکاری سەرکۆماری نوێی ئێران و وادەو بەڵێنی گۆڕانکاری بەرەو کرانەوەی سیاسی لە ئێراندا، بەڕێوە چوو.
ئه‌و خۆپێشاندانە لە بەر دەرکی وێستگەی گشتیی قەتاری شاری کوڵن به‌ به‌رزکردنه‌وه‌ی پلاکارد‌و وێنەی شێرکۆ مەعاریفی و حەبیبوڵلا گوڵپەریپور و رەزا ئیسماعیلی‌و دروشمدان دژی کۆماری ئیسلامی دەستی پێ‌کرد.
لە درێژەی خۆپێشاندانەکەدا، پەیامی کومیتەی هاوبەشی به‌ڕێوه‌بردنی خۆپێشاندانەکە‌و راگەیه‌ندراوی بەشداربووان خوێندرایەوەو هەروەها لەلایەن هونەرمەندانەوە چه‌ند پارچە مۆسیقاو کاری هونەری پێشکەش کرا.
شایانی باسە داوای بەشدارانی ئەو ئاکسیۆنە بریتی بوو لە:
ــ راگرتنی ئێعدام لە ئێران
ــ ئازاد کردنی زیندانیانی سیاسی بێ هیچ مەرج و بەهانەیەک
ــ ئەم تاوانانە بێ سزا نەمێنێتەوە
ــ تاوانباران و بەڕێوەبەرانی ئەو ئیعدامانە بدرێنە دادگایەکی نێوده‌وڵه‌تی
ــ دیاریکردنی مافی چاره‌نووس، مافی بێ‌ئەملاوئەولای گەلی کوردە لە کوردستانی ئێران دا
ــ راگرتنی فشاری سیاسی لەسەر نەتەوەکانی ئێران
ــ لابردنی فشار لەسەر تێکۆشەرانی رێگای ئازادی و داکۆکیکارانی بواری مرۆیی
جێی وەبیر هێنانەوەیە ئەو خۆپێشاندانە لەلایەن کومیتەی هاوبەشی حیزبەکانی رۆژهەڵاتی کوردستان‌و رێکخراوە مەدەنی و مرۆییەکانی رۆژهەڵاتی کوردستان کاری رێکخستنی بۆ کرابوو که‌ تێێدا
کۆمیتەی ئاڵمانی حیزبی دیموکراتی کوردستان وەک ئەندامی ئەو کۆمیتەیە چالاکانه‌ به‌شدار بوو.

بگه‌رێوه‌|ئەم بابەتە 591 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact