. . . .


23 Sep 2013

پێکهێنانی سمیناریک به‌ بۆنه‌ی ٢١ساڵه‌ی شه‌هیدانی میکونۆس له‌ ?


ناوەندی هەواڵ- دانمارک: لە ٢١مین ساڵیادی شه‌هید کرانی دوکتورسادق شه‌رەفکەندی و هاوڕێیانی، لە لایەن تێرۆریستانی ڕژیمی ئیسلامی ئێرانەوە لە ڕێستورانی میکونۆس لە ئاڵمان، ڕۆژی شه‌ممه‌ ٢١/٩/٢٠١٣، کومیته‌ی حیزبی دیموکراتی کوردستان له‌ دانمارک سمیناریکی بۆ به‌ریز کاک مسته‌فا شلماشی ئه‌ندامی ده‌فته‌ری سیاسی حیزب و به‌رپرسی کومیته‌ی ده‌ره‌وه‌ی و‌ڵات پێکهێنا.
سه‌ره‌ تای سمینارکه‌ به‌ سروودی نه‌ته‌وایه‌تی ئه‌ی ره‌قیب و خووله‌کیک بێ ده‌نگی بۆ ریز گرتن له‌ شه‌هیدانی کوردو کوردستان وبه‌تاێبه‌تی دوکتوور شه‌ره‌فکه‌ندی و هاوڕێیانی ده‌ستی پێ کرد. پاشان له‌ لایه‌ن به‌ریز حوسێن حه‌سه‌ن زاده‌ به‌رپرسی کومیته‌ی دانمارک، ویرای به‌ خیر هێنانی به‌شداران، سمیناره‌که‌ی کرایەوە و پاشان له‌ لایه‌ن به‌ریوه‌به‌ری به‌رنامه‌ به‌ریز خالید ڕه‌واندووست داوا له‌ کاک مسته‌فا شڵماشی کرا بۆ پێشکه‌ش کردنی باسەکەی بێتە پشت تریبوون.
به‌ریز کا ک مسته‌فا سمیناره‌که‌ی به‌ ئاوردانه‌وه‌ له‌ وه‌زعی ئێران وهه‌ڵبژاردنی روحانی به‌ سه‌رکۆماری ئێران ده‌ست پێ کرد. له‌ به‌ شێک له‌ قسه‌کانی دا باسی له‌و خەباتە بێ وچان و قوربانی دانە بێسنوورەی گەلی کورد کرد کە له‌ ماوه‌ی ده‌یان دەیان ساڵی ڕابردوو دا فیدای ئازادی و سه‌ربه‌ستی کوردستانی کردووه‌ و وتی: ئیعتراف ده‌که‌ین که‌ حیزبی دیموکراتی کوردستان به‌ شێکی زۆر له‌و شانازییه‌ی پێ ده‌برێ و خۆزگه‌ی خواست ئه‌وه‌نده‌ شه‌هیدمان نه‌ بووایه‌. ئێستا ئه‌گه‌ر چاو له‌ ڕۆژه‌کانی ساڵ بکه‌ین و یا سەعاتە‌کانی ساڵ بینینه‌ به‌ر چاوی خۆمان، هێچ ڕۆژ و سەعاتیکی ساڵ نییه‌ که‌ ئێمه‌ شه‌هیدمان تێدا نه‌دابێت. له‌ ٩ی سپتامبری ١٩٦٨ی زایینی مه‌لا ئاواره‌ یه‌کێک له‌ ڕێبه‌رانی بزووتنه‌وه‌ی ٤٦-٤٧ وله‌ ١٧ی سپتامبری ١٩٩٢ دا دوکتوور شه‌ره‌فکه‌ندی یان شه‌هید کرد. دوژمن باش دەیزانی که‌ شه‌ره‌فکه‌ندی جێگره‌وه‌ی دوکتوور قاسملووە و که‌ به‌ حه‌ق وابوو هه‌ر بۆیه‌ بۆی له‌ به‌رنامه‌ دابوو و سه‌رئه‌نجام له‌ بازنه‌یه‌کی تیرۆریستی نێوده‌وڵه‌تی دا به‌ مه‌رامی گڵاوی گه‌یشت بۆ له‌ داوخستن و تیرۆر کردنی. به‌ و تیرۆره‌ دوژمن توانی زه‌ربه‌یه‌کی قوورس له‌ بزووتنه‌وه‌ی کورد و حیزبی دیموکراتی کوردستان بدات، به‌ڵام هاوکات خوێنی ئەو شەهیدانە بە فیڕۆ نەچوو و جگە لەوەی کە دادگایەکی سه‌ربه‌خۆ دا سه‌رانی کۆماری به‌ ناو ئێسلامی به‌ داڕێژەر و ئەنجامدەری ئه‌سڵی ئه‌و تیرۆره‌ ناسران، هاوکات بووتە پەڵەیەکی ڕەش بە ناوچانی ئەو حکومەتەوە.
بەڕێز شەڵماشی له‌ به‌شێکی دیکه‌ی قسه‌کانی دا وتی: حزبی دیموکراتی کوردستان وەک ئاڵا هەڵگر و ڕێکخەری سەرەکی بزووتنەوەی شۆڕشگێڕانەی گەلی کورد لە ڕۆژهەڵاتی کوردستان، خاوەن رابردووێکی خوێناوی و پڕ قوربانییە. ئه‌م حیزبه‌ زیاتر له‌ ٣ کەس لە ڕێبەرانی لێوەشاوە و زیاتر لە ٣٠ لە ئەندامانی ڕێبەری خۆی لە دەستد اوە، بەڵام نەک هەر بۆ تاکە ساتێک لە خەبات و تێکۆشان نەوەستاوە، بەڵکوو ئێستا بە ئیمانێکی زیاتر و ئیرادەیەکی قاییمترەوە لە مەیدان دا ماوەتەوە و بەدەوام لە خەبات و دڵنیاشم کە گەلەکەمان قەدری ئەو خەبات و تێکۆشانە دەگرێ و ئامادەشە داکۆکی لێبکات. ئه‌گه‌ر ئێمه‌ یه‌کگرتوو بین ده‌تووانین هه‌موو شتێک بۆ گه‌له‌که‌مان بکه‌ین، ئامانجی شه‌هیدانمان کاتیک وه‌دی دێت که‌ کورد ناو ماڵی خۆی ڕیکبخات و به‌ یه‌که‌وه‌ بچینه‌ ناو خه‌باتی سیاسی و دیپلۆماسی و تەنانەت ئه‌گه‌ر پیویست بێ خه‌باتی چه‌کداریش.
له‌ به‌شێکی دیکه‌ دا کاک مسته‌فا باسی له‌ پێکهێنانی کۆنگره‌ی نه‌ته‌وه‌یی کورد کرد و ئه‌وه‌ی به‌ ده‌سکه‌وت و شانازی بۆ کورد له‌ قه‌ڵه‌مدا که‌ لانی که‌م 39 حیزب و لایه‌نی کوردستانی له‌ ده‌وری یه‌ک کۆببنه‌وه‌ بۆ یه‌کخستنی ماڵی کورد و پێکهێنانی کۆنگره‌ی نه‌ته‌وه‌یی کورد.
ئەو سمینارە بە پرسیار بەشداران و وڵامی بەڕیز شەڵماشی کۆتایی پێهات.
شایانی ئاماژه‌ پێ کردنه‌ که‌ به‌ شێکی به‌رچاو له‌ کوردانی هه‌ر چوار پارچه‌ی کوردستان ونوێنه‌رانی پارتی دیموکراتی کوردستان و یه‌کییه‌تی نیشتمانی کوردستان ،حیزبی شوعی کوردستان و ڕیکخراوی چاوه‌دیری کوردوساید (چاک) به‌شداری سمینارکه‌ بوون.
حیزبی دیموکراتی کوردستان- کومیته‌ی دانمارک

بگه‌رێوه‌|ئەم بابەتە 791 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact