. . . .


10 Sep 2013

به‌ڕێوه‌چوونی سمینارێک له‌ رۆژئاوای کانادا له‌لایه‌ن ئەندام??


ناوەندی هەواڵ- کانادا: رۆژی شەممه‌، ٧ ی سێپتامبری٢٠١٣، لە دەڤەری ڤانکووڤێر لە لایەن کۆمیتەی رۆژئاوای ئاوای کانادای حیزبی دێموکراتی کوردستان، سمینارێک بۆ هاوڕێیان مستەفا شەڵماشی، ئەندامی دەفتەری سیاسی‌و بەرپرسی کۆمیتەی دەرەوەی وڵاتی حیزبی دێموکراتی کوردستان‌و حەسەن حاتەمی، ئەندامی رێبەری‌و بەرپرسی کۆمیتەی باکووری ئەمریکا پێک هات.
ئەو سمینارە بەسروودی نەتەوایەتیی "ئەی رەقیب" و خولەکێک وەستان بۆ گیانی پاکی نەمرانی رێی ئازادی کورد و کوردستان، دەستی پێ‌کردو دواتر ئەنوەر کەریمی، بەرپرسی کۆمیتەی رۆژئاوای کانادا وێرای بەخێر هێنانی گەرمی بەشداران‌و ئەندامانی رێبەری حیزب وتەیەکی کورتی له‌باره‌ی سیماره‌که‌ پێشکەش کرد.
له‌و سمیناره‌دا مسته‌فا شەڵماشی قسه‌کانی خۆی بە یادێک لە شەهیدانی ڕێبەر، قازی، قاسملوو و شەرفکەندی‌و تێکۆشەری نەمر مەلا ئاوارە دەست پێ‌کرد کە ٢ ی سێپتامبر ساڵرۆژی ئیعدام کرانی بوو.
تەوەری باسەکەی کاک مستەفا بەریتی بوو لە: ململانێ‌و شه‌ڕ‌و بارگرژی‌یه‌کان له‌ ناوچەی رۆژهەڵاتی نێوەراست، ئەنجامەکانی راپەڕینی وڵاتانی عەربی، میسر و سووریە وەک دوو نموونه‌ی پڕ رووداو و نەخشی ئیسلامی سیاسی و سێکۆلاریزمی بێ دێموکراسی، مەسەلەی کورد لە نیو ئاڵوگۆڕەکان داو دروستبوونی پردێک له‌ نێوان بڕیادەرانی جیهانی‌و کورد، گوازرانەوەی قوناخی خەباتی کورد، یەکگرتن بە جیاوازییەکانەوە، زمانی دیپڵۆماسی و زمانی رەقابەتی سالم، کورد و گوتاری یەکگرتوو، یەکیەتیی نەتەوەیی، کۆنگرەی نەتەوەیی کورد، رۆژهەلاتی کوردستان، هێزە سیاسییەکانی و پێوەندییەکانیان، حیزبی دێموکراتی کوردستان و ئەم قوناغە، حیزبی دێموکراتی کوردستان‌و حدکا، حیزبی دێموکراتی کوردستان‌و هیزە سیاسییەکانی دیکەو جووڵانەوەی جەماوەری و حیزبەکان و دەرئەنجامێکی کورت.
باسەکەی حه‌سه‌ن حاتەمی‌ش له‌و سمیناره‌ بەریتی بوو لە: ناتەبایی جمهووریەت و ویلایەت لە ئێران، سیستێمی ئالۆزی کۆماری ئیسلامی، یازدەیەمین خولی هه‌ڵبژاردنه‌کانی سه‌رۆک کۆماری‌و و چوارمین دەوره‌ی شووڕاکان لە ئیران، هەڵبژێرانی حەسەن رووحانی لەنێو قەیرانەکانی نێوخۆیی و دەرەکی رێژیمی ئێران دا، بەڵێنەکانی رووحانی و کەند و کۆسپەکانی، کابینە و هاوکارەکانی رووحانی، فەسڵی سێیەمی یاسای بنەڕەتی و شوینی ئیجرا کردنی به‌ڵێنییەکانی رووحانی، گرینگی پێدانی دانوستانی ئەتۆمی و کەم کردنەوەی کیشەکان لەگەڵ رۆژئاوا و بەتایبەتی ئەمریکا لە ڕێگای سەرکۆماریی، وزارەتی دەرەوە، شووڕای بەرزەیی بەرگری، پێک هێنانی گرووپی ئابووری بۆ چارەسەری قەیرانی قوڵ لەم بوارە دا، و کێشەی سووریە و ئەگەری لێدانی و تێوەگلانی رێژیمی ئێران، شەڕی سارد و گەرم و بەربەرەکان لە سوریە و دەرووبەری و نەخشی سپای قودس و قاسم سولەیمانی و هاوبیرەکانی.
شایانی باسه‌ له‌و سمیناره‌دا ژمارەیەک لەهیزە سیاسی‌یەکانی کوردستان و پتر لە ١٠٠ کەس لە کوردانی دانێشتووی ڕۆژئاوای کانادا به‌شدار بوون‌و دوایین به‌شی سمیناره‌که‌ش بۆ پرسیار و ڕه‌خنه‌ی به‌شداران‌و وه‌ڵامی کۆڕگیڕه‌گان ته‌رخان کرابوو.

بگه‌رێوه‌|ئەم بابەتە 970 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact