. . . .


2 Sep 2013

بەریوەچوونی جیژنی٢٥ی گەلاویژ ٦٨ ساڵەی دامەزرانی حیزبی دێمۆکراتی کو?


ناوەندی هەواڵ- دانمارک: ڕۆژی شەممە 31/8/2013 کومیتەی حیزبی دێمۆکراتی کوردستان لە وڵاتی دانمارک و لە شاری "بغوندبی" بەبۆنەی ٦٨هەمین ساڵڕۆژی دامەزرانی حیزبی دێموکراتی کوردستان رێورەسمێکی بە شکۆی بەرێوە برد.
سەرەتای رێورەسمەکە بە سرودی نەتەوایەتی ئەی رەقیب و خولەکێک بێ دەنگی بۆ رێزگرتن لە یادی شەهیدانی کورد و کوردستان دەستی پێکرد. لەو رێورەسمەدا کە بەشێکی بەرچاو لە ئەندامان و لایەنگرانی حیزبی دێمۆکراتی کوردستان، نوێنەرایەتی چەندین حیزب و ڕێکخراوی کوردستانی لە وڵاتی دانمارک و کۆمەڵێکی بەرچاو لە کوردانی دانیشتووی دانمارک بەرێوە چوو، پەیامی کومیتەی حیزبی دێمۆکراتی کوردستانی لە وڵاتی دانمارک، لە لایەن بەڕێز خالید ڕەواندووست،ەوە بەم بۆنەوە پێشکەشکرد. هاوکات پەیامی پەیامی پیرۆزبایی کۆمیتەی یەکێتی ژنانی دێموکراتی کوردستان، لە وڵاتی دانمارک لە لایەن خاتوو ئارەزو خالیدنژاد پێشکەش کرا. دواتر پەیامی پارتی دێمۆکراتی کوردستان لە لایەن خاتوو نەزیرە پێشکەش کرا. بەرێز هاورێ مەحمود پەیامی کۆمیتەی یەکێتی نیشتمانی کوردستانی خوێندەوە. هەروەها بروسکەی پیرۆزبایی حیزبی شوعی، چاک و کۆمەڵەی کوردانی سوریە پێشکەش بە بەرێوەبەرانی مەراسمەکە کرا. خاتوو سنوور محەممەدزادە پێشکەشکاری بەرنامە چەندین کۆپلە شێعری لە نێو ئاخنی بەرنامەکان دا پێشکەش بە بەشدار بووان کرد. پێویست بە ئاماژەیە کە هێز و لایەنە بەشدارەکان لەو ریورەسمەدا بریتی بوون لە :
یەکیەتی نیشتمانی کوردستان
پارتی دێمۆکراتی کوردستان
کۆمەڵەی شۆرشگێری زەحمەتکێشانی کوردستان
رێکخراوی کوردستانیی حیزبی کومونیستی ئیران (کۆمەڵە)
حیزبی شوعی کوردستان
کۆمەڵەی کوردانی سوریە
یەکێتی ئافرەتانی پارتی دێموکراتی کوردستان و
رێکخراوی چاوەدێری کوردۆسایت (چاک).
لە دوا برگەی رێورەسمەکەدا ، هونەرمەندی دەنگ خۆش دەشتی سەردەشتی بە هاوکاری سام سنەیی چەندین گۆرانی خۆشی شایی و هەڵپەرکێیان پێشکەش بە بەشداربووان کرد کە ئەم یادەی خۆشتر کرد و تا درەنگانی شەو درێژەی کێشا.
حیزبی دیموکراتی کوردستان- دانمارک

بگه‌رێوه‌|ئەم بابەتە 705 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact