. . . .


20 Aug 2013

یادکردنه‌وه‌ی 25 گه‌لاوێژ له‌ تۆرۆنتۆی کانادا


ناوەندی هەواڵ- کانادا: یادی دامه‌زرانی حیزبی دێموکڕاتی کوردستان له‌ وڵاتی کانادا کرایه‌وه‌.
رۆژی یه‌کشه‌ممه‌، 27 ی گه‌لاوێژ، له‌ شاری تۆرۆنتۆی کاناداو به‌ به‌شداریی چه‌ند حیزب‌و لایه‌نی سیاسی‌و جیم کاریگیانیس ئه‌ندام پارله‌مانی کانادا ڕێوڕه‌سمی یاده‌وه‌ره‌ی 68 ساڵه‌ی دامه‌زرانی حیزبی دیمۆکراتی کوردستان به‌رێوه‌ چوو.

له‌و ڕێوڕه‌سمه‌دا که‌ به‌ سرودی نه‌ته‌وه‌یی ئه‌ی ره‌قیب‌و ده‌قیقه‌یه‌ک بێده‌نگی بۆ یادی شه‌هیدان ‌ده‌ستی پێ کرد، حه‌سه‌ن حاته‌می ئه‌ندامی رێبه‌ری حیزب باسێکی کورتی له‌ سه‌ر 25 گه‌لاوێژ و چۆنیه‌تی دامه‌زرانی حیزبی دێموکڕاتی کوردستان‌و سیاسه‌تی‌و مێژووی حیزبی دێموکڕات پێشكێش کردو، پاشان په‌یامی حیزب‌و رێکخراوه‌کانی به‌شدار به‌و بۆنه‌یه‌ خوێندرانه‌وه‌‌.

له‌ بڕگه‌یه‌کی دیکه‌ی ئه‌و ڕێوڕه‌سمه‌دا جیم کاریگیانیس، ئه‌ندام پارله‌مانی کانادا له‌ سه‌ر لیستی حیزبی لیبراڵی ئه‌و وڵاته‌ وته‌یه‌کی پێشکه‌ش کرد که‌ جێگای سه‌رنجی به‌شداربووانی مه‌راسیمه‌که‌ بوو.

شایانی باسه‌ له‌ کۆتاییش‌دا به‌شداربوان به‌ شایی‌و هه‌ڵپه‌ڕکێ خۆشحاڵی‌و شادیی خۆیان بۆ ئه‌و بۆنه‌ پیرۆزه‌ ده‌ربڕی.

بگه‌رێوه‌|ئەم بابەتە 860 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact