. . . .


19 Aug 2013

عومه‌ر باڵه‌کی: بۆ بانگهێشت کردن بۆ کۆنگرەی نەتەوەیی چالاکانی ناو


لە بەرنامەی رەهەندی پێشهاتەکاندا لە دەنگی ئەمریکا بە میوانداری عومەر باڵەکی ئەندامای لیژنەی ئامادەکاری کۆنگرەی نەتەوەیی کورد و ئەندامی دەفتەری سیاسی حیزبی دێمۆکراتی کوردستان و هەروەها خەلیل ئیبراهیم ئەندامی لیژنەی ئامادەکاری کۆنگرە و نێونەری لایەنە ئیسلامیەکان لە سەر باس و خواستەکان لەسەر کۆنگرەی نەتەوەیی لە گەڵ موعتەبەر شێراونی کەوتنە گفتوگۆ.
عومەر باڵەکی لە وەڵامی پرسیارێک کە ئێوە دەتوانن نێونەرایەتی رۆژهەڵات بکەن لە کۆنگرەکە دا، چونکە جەلالی جەلالی‌زداە دەلێت کە حیزبە رۆژهەڵاتیەکان نێونەرانی هەموو رۆژهەڵات نین و ناتوانن نوێنەر بن لە کۆنگرەدا، عومەر باڵەکی لەوەلامدا ئاوا وەلامی ئەو پرسیارە دەداتەوە: پێوانەی نوێنەرایەتی کردن هەڵبژاردنە، خەباتە، موبارزەیە و مقاومەتێکە کە چەندین ساڵە ئەو حیزبانەی هێشتۆتەوە بۆیە ناتوانرێ بگوترێ کە ئێمە نوێنەری رۆژهەڵات نین، بەڵام لەگەڵ ئەوەشدا ئێمە چالاکانی ناوخۆی رۆژهەڵاتمان لە بیرە و لە بیرمان نەکردون.
بڕیاربوو له‌ 24 ی مانگی هه‌شت کۆنگره‌ی نه‌ته‌وه‌یی کورد ده‌سـت به‌ کاره‌کانی بکات، به‌ڵام پاش کۆبوونه‌وه‌ی ئه‌ندامانی لیژنه‌ی ئاماده‌کاری کۆنگره‌که‌ له‌ 15 ی مانگی هه‌شت و هه‌ڵسه‌نگاندنی ئه‌و کات و کارانه‌ی له‌ به‌رده‌میاندا ماوه‌، وا دیاره‌ بڕیار دراوه‌ به‌سـتنی کۆنگره‌که‌ دوابخرێت.
عومه‌ر باڵه‌کی (نوێنه‌ری حیزبی دیموکراتی کوردستان) ده‌ڵێت له‌گه‌ڵ هه‌مو رای جیاواز، ڕوحییه‌ی "برایه‌تی و ئیقناع کردن" و هه‌سه‌ت به‌ به‌رپرسیاره‌تی کردن و حاڵه‌تی گوزه‌شه‌ت کردن به‌سه‌ر کۆبونه‌وه‌کاندا زاڵ بووه‌.
ئه‌مه‌ بابه‌تی به‌رنامه‌ی ڕه‌هه‌ندی پـێشـهاته‌کانی ئه‌م هه‌فته‌یه‌ بو که‌ موعته‌به‌ر شیروانی ڕۆژی یه‌کشه‌ممه‌ به‌ڕێوه‌ی برد و میوانه‌کانی به‌رنامه‌ دوو ئه‌ندامانی لیژنه‌ی ئاماده‌کاری کۆنگره‌ی نه‌ته‌وه‌یی کورد عومه‌ر باڵه‌کی و خه‌لیل ئیبراهیم.
خه‌لیل ئیبراهیـم (نوێنه‌ری ئیسلامییه‌کان) ده‌ڵیت گفتوگۆکان به‌ شێوه‌ی حه‌قیقی و دوور له‌ حیزبایه‌تی و پارچه‌گه‌رایی و ناوچه‌گه‌ری ده‌کرێن. ئه‌و داوای گوتاری هاوبه‌ش و نوێ ده‌کات بۆ گه‌یشتن به‌ ئامانجی گه‌لی کورد.

بگه‌رێوه‌|ئەم بابەتە 764 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact