. . . .


19 Aug 2013

بەڕێوەچوونی خۆپیشاندانێک لە ڤانکۆڤەری کانادا، دژ بە کوشتاری بە کۆم


ناوەندی هەواڵ- کانادا: به‌شداری کومیته‌ی حیزبی دێمۆکراتی کوردستان له رۆژئاوای کانادا-ڤانکۆڤه‌ر له خۆپێشاندانی کوردستانیانی دانیشتوی ڤانکۆڤه‌ر بۆ ده‌ربرینی ناره‌زایه‌تی دژ بە کۆمه‌ل کوژی کوردانی بێ تاوانی رۆژئاوای کوردستان.
ڕۆژی شه‌ممه رێکه‌وتی ١٧ی ئوتی ٢٠١٣ی زایینی،خۆپێشاندانێک له لایه‌ن چه‌ند حیزب و ڕێکخراوی کوردستانی ،مالی کورد،کورد تی ڤی، ژماره‌یه‌ک چالاکوانی سیاسی وهه‌روه‌ها ژماره‌یه‌کی به‌رچاو له کوردستانیانی دانیشتوی ڤانکۆڤه‌ری کانادا، به مه‌به‌ستی ناره‌زایه‌تی ده‌ربرینی کوردانی تاراوگه دژ به‌ کوشتن و به بارمته‌گرتنی ژن و مناڵ و خه‌لکانی بێ تاوانی کورد له ڕۆژئاوای کوردستان له لایه‌ن ئینسان کۆژانی به‌ره‌ی نوسره‌ و هێزه چه‌کداره توندره‌وه‌ ئیسلامییەکانی سه‌ر به قاعیده، له به‌ر ده‌م کۆنسولگه‌ری ئامریکا له ڤانکۆڤه‌ر ئه‌نجام درا. دواتر له لایه‌ن کومیته‌ی ئاماده کردنی ئه‌م خۆپێشاندانه نامه‌یه‌ک له سه‌ر ویست و داخوازیه‌کانی کوردستانیانی دانیشتوی ڤانکۆڤه‌ری کانادا درا به کۆنسولگه‌ری ئه‌مریکا له ڤانکۆڤه‌ر. ناوه‌رۆکی نامه‌که وێڕای ده‌ربرینی نارزایه‌تی ده‌رحه‌ق به کوشتن و بڕینی خه‌لکی بێ تاوانی ڕۆژئاوای کوردستان، داوای هه‌لویست و هاوکاری له ده‌وله‌تی ئه‌مریکا به‌رامبه‌ر به کێشه‌ی ڕه‌وای گه‌لی کورد له ڕۆژئاوای کوردستان کرابوو. پاشان خۆپێشانده‌ران به شێوه‌یه‌کی هێمنانه به رێپێوان به‌ره‌و ناوه‌ندی میدایی سی بی سی کانادا وه‌ڕێکه‌وتن و کات ژمێر٣:٣٠ دوا نیوه‌ڕوه کۆتاییان به خۆپێشاندانه‌که هێنا. پێویسته بگوتریه کومیته‌ی حیزبی دێموکراتی کوردستان وێرای چه‌ند حیزب و رێکخراوی کوردستانی و چالاکوانی سیاسی و کوردستانیانی بریتیش کولومبیا له‌م چالاکیه ئینسانی و نه‌ته‌وه‌یه دا بە شێوەیەکی بەرچاو به‌شدار بوون.
حیزبی دێموکراتی کوردستان
کومیته‌ی ڕۆژئاوای کانادا-ڤانکۆڤه‌ر

بگه‌رێوه‌|ئەم بابەتە 1047 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact