. . . .


16 Aug 2013

بەرێوەچوونی شەوه ئاهەنگێکی کوردی لە وڵاتی دانمارک بە هاوکاری کۆمیت?


ناوەندی هەوال- دانمارک: رۆژی یەک شەممە رێکەوتی ١١ ئاگۆست بە بۆنەی کۆتایی هاتنی پشووی هاوێن و جێژنی رەمەزان لە لایەن کۆمیتەکانی حیزبی دێموکراتی کوردستان و یەکیتی نیشتمانی کوردستان و بە هاوکاری کۆمیتەی یەکێتی ژنان دیموکراتی کوردستان و رێکخراوی یەکێتی ژنان لە دانمارک شەو ئاهەنگێک بۆ کوردانی نیشتەجێ لە ناوچەی شیلەندی دانمارک بەرێوە چوو.
سەرەتا رێوورەسمەکە بە سروودی نەتەوایەتی ئەی رەقیب و دەقیقەیەک بی دەنگی بۆ رێز گرتن لە گیانی پاکی شەهیدان دەستی پێکرد پاشان پەیامی هاوبەش بەو بۆنەوە لە لایەن ئارام غولام پێشکەش کرا. شایانی ئاماژە پێکردنە کە لە لایەن هەر دوو کۆمیتەوە جەخت لە سەر هاوکاری و هاوئاهەنگی بۆ کۆ کردنەوەی کوردانی نیشتەجێی وڵاتی دانمارک لە دەوری یەکتر کردەوە. هەر دوو لایەن ئاواتیان خواست کە لەمەوبەدواوە لەم بارەوە زیاتر هاوکاری یەکتری بکەن. شەوئاهەنگەکە بە بەشداری هونەرمەندان حەمە غوڵامی و سام بەرێوەچوو کە ئاهەنگەکەیان بە گۆرانی و مۆسیقای دڵڕفێنی کوردی رازاندەوە. هەروەها لە لایەن یەکێتی ژنان و رێکخراوی یەکێتی ژنان لە دانمارک چەندین یاری و کێبەرکێ بۆ منداڵان بەرێوەچوو، کە بوە هۆی خۆشحاڵی جگەگۆشەکان. رێورەسمەکە درەنگانی شەو بە موزیک و گۆرانی، لە نێو شادی و خۆشی بەشداربوان کۆتایی پێهات.
حیزبی دێموکراتی کوردستان-کۆمیتەی دانمارک

بگه‌رێوه‌|ئەم بابەتە 682 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact