. . . .


29 Jul 2013

بەڕێوەچوونی سمینارێکی ٣ ڕۆژە لە لایەن کومیتەی حدک و کۆمەڵەی کوردی ??


ناوەندی هەواڵ- ئوتریش: بەرنامەیەکی ٣ رۆژە، کە هاوکات سمینار و کۆبوونەوەی زانیاری گەیاندن بوو له‌ لایه‌ن کۆمیته‌ی حیزبی دیمۆکراتی کوردستان و کۆمه‌ڵه‌ی کوردی تاراوگه‌ له‌ وڵاتی ئوتریش بۆ ژمارەیەک لە بنەماڵە کوردەکان و ئوتریشی و نەتەوەکانی دیکە نیشتەجێ لەم وڵاتە بەڕێوە چوو . بەرنامەکە دوانیوه‌ڕۆژی ٢٦/٧/٢٠١٣ ده‌ستی پێکرد و له‌ دوانیوه‌ڕۆی ٢٨/٧/٢٠١٣ کۆتای پێهات.
له‌م به‌رنامه‌یه‌دا نزیک بە ٣٠ که‌س به‌شداریان کرد.
به‌رنامه‌ی ئه‌م دوو ڕۆژه‌ به‌م شێوه‌ییه‌ی خواره‌وه‌ به‌ڕێوه‌چوو.
به‌خێرهاتنکردنی به‌شداران به‌ هه‌ردوو زمانی کوردی و ئاڵمانی له‌ لایه‌ن کاک په‌رۆش قادری ئەندامی کۆمیتەی حدک لەو وڵاتە،.
سفره‌و و خوانی شام که‌ له‌ لایه‌ن کۆمیته‌ی حیزب ئاماده‌ کرابوو
شه‌وێک له‌ گوێی ئاگردان که‌ کۆبونه‌وه‌یه‌کی ده‌وری ئاگر بوو تا شه‌ودره‌نگانێکی خایاند.
به‌یانی ڕۆژی دواتر به‌رنامه‌که‌ به‌م شێوه‌یه‌ درێژه‌ی پێدرا:
باسێک له‌ سه‌ر "تاراوگه‌نشینی و کێشە کۆمەڵایەتیەکانی بە تایبەتی کێشەکانی مەیدانی کار" له‌‌ وڵاتی نیشته‌جێ بوون که‌ له‌ لایه‌ن دوکتۆر عەلی مازوچی ئەندامی حدک و دوکتۆرای بوارە زانستیەکانی سیاسی بە زمانی ئاڵمانی و کوردی پێشکه‌ش کرا. کاک دوکتۆر عەلی مازوچی لەم پەیوەندیەدا هێندێک زانیاری بە کەڵک و پێشنیاری دا بە بەشدارانی کۆڕەکە. ئه‌م به‌شه‌ی سیمیناره‌که‌ که‌ نزیکه‌ی کاتژمێریێکی خایاند له‌ گه‌ڵ پێشوازیه‌کی گه‌رمی به‌شداران به‌ره‌وڕوو بوو.
وێڕای کەلوپەلی یاری و خافلان و سه‌رگه‌رمی بۆ منداڵان، تۆپێن و واڵیبال و مه‌له‌کردن له‌ مه‌یدانی به‌ربڵاوی شوێنی گیراو بۆ سیمیناره‌که‌ چه‌ند بابه‌تێکی دیکه‌ی سه‌رگه‌رمی بوون که‌ له‌ سروشتی جوان و ڕازاوه‌ی داوێنه‌کانی کێوی ئاڵپ دا به‌ڕیوه‌چوون.
حیزبی دیموکراتی کوردستان- کومیتەی ئوتریش

بگه‌رێوه‌|ئەم بابەتە 885 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact