. . . .


23 Jun 2013

بەشداری هەیئەتێکی کومیتەی ڕۆژئاوای کانادای حدک لە کۆڕی ماتەمینی ٢ ک


ناوەندی هەوال- ڕۆژئاوای کانادا: رۆژی پێنج شەممه ڕێکەوتی ٢٠ی مانگی ژوئێنی ٢٠١٣ی زایینی، ئەندامانی کۆمیتەی ڤه‌نکۆڤه‌ری حیزبی دێموکراتی کوردستان بۆ بەرز ڕاگرتنی یاد و بیرەوەری دو لاوی گیان به‌خت کردووی یارسانی،که ماوه‌یه‌ک له‌وه پێش بۆ ناره‌زایه‌تی ده‌ربڕین دژ به زوڵم و سته‌م و بێ ڕێزی کردنی ده‌سه‌ڵات دارانی ڕێژیمی کۆنه په‌رستی ئیسلامی ئێران بەرانبه ر به ئاینی هاونیشتیمانانی کوردی یارسان، که له بەردەم فەرمانداری شاری هەمەدان ئاگریان له جەسته ی خۆیان بەردابوو، به دەعوەتی ڕەسمی ئەنجومەنی کوردانی یارسانی له شاری ڤه‌نکۆڤه‌ر، به شداریان لە کۆڕەیادێک دا کرد.
ئەم کۆڕیاده که کۆمەڵێکی زۆر لە کوردانی یارسانی و ژماره‌یه‌ک له کوردستانیانی هەر چوارپارچەی کوردستان، دانیشتوی ڤه‌نکۆڤه‌ری و هه‌روه‌‌‌ها چه‌ند حیزبی کوردستانی تێدا بەشدار بوون، بە خولەکێک بێدەنگی بۆ ڕێزگرتن له یادی هەموو شەهیدانی کوردستان، و ئەو دوو لاوە دەستی پێ کرد. لە درێژەی کۆڕەکە دا هاوڕێ ئه‌نوەر کەریمی بەرپرسی کۆمیتەی حیزبی دیموکراتی کوردستان، پەیامی سەره خۆشی و هاودەردی و هاوکات پشتگیری کومیته‌ی حیزبی دێموکراتی کوردستانی له رۆژئاوای کانادا پێشکه‌ش به هاونشتیمانانی کوردی یار سان به گشتی و بنه‌ماڵەی ئه‌و دوو ڕۆڵه گیان به‌خت کردووی گەلەکەمان به تایبه‌تی کرد. هاوڕی ئه‌نوه‌ر که‌ریمی له‌ په‌یامی سه‌رەخۆشی کومیته‌ی حیزبدا، وێڕای مه‌حکوم کردنی سیاسه‌تی دژی ئینسانی و سته‌م و سوکایه‌تی کردنی کاربه‌ده‌ستانی ڕێژیمی کۆماری ئیسلامی ئێران دژ به گه‌لی کورد به گشتی و هاونیشتیمانانی کوردی ئاینی یارسان به تایبه‌تی، هیوای خواست که ڕۆڵەکانی گه‌‌‌لی کورد ئه‌مه دواجار بێت له به‌رامبه‌ر زوڵم و سته‌م و نابه‌رابه‌ری کوماری ئیسلامی دا ئاگه‌ر له جه‌سته‌ی خۆیان به‌رده‌ن، چونکا ڕێگای گەیشتن به ئامانجه‌کانمان، به‌رده‌وام بوون له خه‌بات و تێکۆشان دایه و هه‌ر له‌و ڕێگایه‌‌وه ده‌توانین خزمه‌تی پتر به گه‌له‌که‌مان بکه‌ین. هه‌روه‌ها له‌و په‌یامه‌دا داواکرا هه‌موو لایه‌ک هه‌وڵی یه‌کگرتووی و یه‌کڕیزی خه‌باتی گه‌لی کورد بده‌ین و هه‌موو لایەک رێز له ئایین و زاراوه‌و داب و نەریته جۆراوجۆره‌کانی گەلەکه‌مان بگرین و هه‌وڵی گەیشتن به ئامانجه نه‌ته‌وه‌ییه‌کانمان و دامزراندنی کیانێکی کوردی بده‌ین،که لەم کیانه دا هه‌موو لایه‌ک ده‌توانین پەره به ئایین و داب و نه‌ریتەکانی خۆیان به بێ جیاوازی بدەن.
کۆبوونه‌وه‌که به پێشکه‌ش کردنی وتاری چەند حیزبی کوردستانی و هه‌روه‌ها چه‌ندین کەسایەتی له زانایانی کوردی یارسانی دانیشتووی شاری ڤە‌نکۆڤه‌ر درێژەی پێدرا. دوا به‌شی کۆڕەکه پێشکه‌ش کردنی مۆسیقای تایبه تی کوردانی یارسان بوو، که له لایه ن چه‌ند کەس لە ماتەم گێڕانەوە پێشکه‌ش کرا.

کومیته‌ی حیزبی دێموکراتی کوردستان
ڕۆژئاوای کانادا- ڤه‌نکۆڤه‌ر
hdk-yarsan-1.jpg

بگه‌رێوه‌|ئەم بابەتە 911 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact