. . . .


20 May 2013

به‌رێوه‌ چوونی سمیناریک له‌ لایه‌ن کۆمیته‌ی ئاڵمانی "حدک" سه‌??


ناوەندی هەواڵ- ئاڵمان: ڕۆژی یەکشەممە ڕێکەوتی ١٩-٥-٢٠١٣ی زایینی، له‌ لایه‌ن کۆمیته‌ی ئاڵمانی حیزبی دیموکراتی کوردستان، سمیناریک سه‌باره‌ت به‌ پرسی هه‌ڵبژاردنه‌کانی خۆلی یازده‌هەمی سه‌رۆک کۆماری ئێران له‌ شاری دارمشتاد به‌ڕێوه‌ چوو.
له‌م سمیناره‌دا که‌ به‌ به‌شداری کۆمه‌ڵێک له‌ ئه‌ندامانی "حیزبی دیموکراتی کوردستان " له‌ ئاڵمان و‌ هه‌روه‌ها نوێنه‌رانی بەشیک لە حیزب و ڕێکخراو و کۆمەڵە کوردییەکان به‌رێوه‌ چوو، سه‌ره‌تا هاوڕێ سۆڵتان گۆڵاوی به‌رپرسی کومیته‌ی حیزبی دیموکراتی کوردستان له‌ وڵاتی ئاڵمان، وێڕای بە خێرهێنانی ئامادە بووان، له‌ باسیکی کورتدا ئاما‌ژه‌ی به‌وه‌ کرد که‌ مه‌به‌ست له‌ به‌رێوه‌ چوونی سمیناره‌که‌، ئاڵوگۆڕێ بیروڕا له‌ لایه‌ن ئه‌ندامانی حیزب و هه‌روه‌ها مێوانه‌کانی به‌شدار له‌ سمیناره‌ و گواستنه‌وه‌ی باس و بۆچوونه‌کان بۆ رێبه‌ری حیزب پێناسه‌ کرد. سۆڵتان گۆڵاوی هه‌روه‌ها ئاماژه‌ی به‌وه کرد که‌ له‌ چه‌ند مانگ له‌ مه‌وپێش دا کومیته‌یه‌کی تایبه‌ت به‌ پرسی هه‌ڵبژاردنه‌کان له‌ لایه‌ن "حدک" ده‌ستی به‌کار کردوه‌. له‌ درێژه‌ی سمیناره‌که‌ دا مه‌حموود شه‌ریفی ئه‌ندامی پێشووی ده‌سته‌ی نووسه‌رانی رۆژنامه‌ی کوردستان له‌ باسیکدا تیشکی خسته‌ سه‌رناکۆکییه‌کان نێوان باڵه‌کانی ڕژیم که‌ له‌ کاتی هه‌لبژاردندا زیاتر خویان ده‌نوێنن. شه‌ریفی له‌ باسه‌که‌ی خۆیدا ئاماژه‌ی به‌وه‌ کرد که‌ سێ لایه‌نی ره‌هبه‌ر، ڕێفۆرم خواز و ده‌وڵه‌ت، سێ کوچکه‌ی ئه‌م ده‌وره‌ له‌ هه‌لبژاردنه‌کانی ئێران پێک دێنن و سناریوه‌کانی هه‌رکام له‌و لایه‌نانه‌ی سه‌باره‌ت به‌ هه‌ڵبژاردنه‌کان خسته‌ به‌رباس. لە کۆتایی سمینارەکە دا بەشێکی بەرچاو لە ئامادەبووان ڕا و سەرنجەکانی خۆیان سەبارەت بەو پرسە هێنایە زمان و چەندین پرسیاریان ئڕاستەی پانێل گێڕکە کرد‌ کە لە لایەن بەڕێزیانەوە زۆر بە وردی وڵام درانەوە.
جی ئاماژه‌یه‌ له‌ په‌راوێزی ئه‌م سمیناره ‌دا بەشێکی بەرچاو لە ئه‌ندامانی حیزبی دیموکراتی کوردستان، نیشتەجێی وڵاتی ئاڵمان، به‌ بۆنه‌ی زیاتر ئاشنابوون و ئاڵوگوڕی بیروڕا ماوه‌ی ٢ رۆژ پێکه‌وه‌ کۆبوونەوە و چەندین باس و خواسی جیاواز و هەنووکییەیان هێنایە بەر باس و کاتێکی خۆشیان پێکەوە به‌ سه‌ر برد.‌‌

کومیتەی حیزبی دیموکراتی کوردستان- ئاڵمان

بگه‌رێوه‌|ئەم بابەتە 796 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact