. . . .


19 May 2013

کۆبوونه‌وه‌ی ساڵانه‌ی یه‌کیه‌تی ژنانی دێموکڕاتی کوردستان له‌


ناوەندی هەواڵ- سوید: رۆژی شه‌ممه‌ رێکه‌وتی ١٨/٠٥/٢٠١٣ کۆبوونه‌وه‌ی ساڵانه‌ی یه‌کیه‌تی ژنانی دێموکراتی کوردستان، به‌ به‌شداری بەرپرسی کۆمیتەی سوئێدی یەکێتی ژنانی دێموکراتی کوردستان و زۆربه‌ی زۆری ئه‌ندامانی ئه‌و یه‌کیه‌تیه‌و هەر وەها ئەندامانی ناوەندی سوئێدی کوردی له‌ شاری ڤێسترۆس پێک هات.
سه‌ره‌تا خوله‌کێک بێده‌نگی بۆ رێز لێنان له‌ گیانی پاکی شه‌هیدانی رێگای ئازادی راگه‌یاندرا.
پاشان خاتوو شوعله قادری دوای به‌خێر هێنانی به‌شداران،‌ مه‌به‌ستی کۆبوونه‌وه‌که‌ی شی کردوه‌و و باسێکی له‌سه‌ر چۆنیەتی کاری رێکخراوی ژنان و شێوەی هاوکاری نیوان یەکێتی ژنانی دێموکڕاتی کوردستان و ناوەندی سوئێدی کوردی و هەر وەها ماف و ئه‌رکی ئه‌ندامان پێشکه‌ش کرد‌. له‌ میانه‌ی باسه‌که‌ی دا ئاماژه‌ی به‌ هه‌نگاو هه‌ڵێنانه‌وه‌ له‌ بواری بردنه‌ سه‌ری زانیاری و پێویستی خۆ پێگه‌یاندنی ژنان تا راده‌ی به‌شدار بوون له‌ بڕیاراتی سیاسی دا کرد. لە دوایین بەشی قسەکانی دا خاتوو شوعلە باسی کۆنفرانسی گشتی یەکێتی ژنانی دێموکڕاتی کوردستان لە وڵاتی سوئێدی کرد کە بڕیارە لە مانگی جون دا پێک بێت‌و داوای کرد کرد کە ئەندامان زۆر چالاکانە بەشداری بکەن.
بڕگه‌یەکەی دیکەی کۆبوونه‌وه‌که‌ ته‌رخان کرابوو بۆ ده‌ربڕینی راوو بۆچوونی به‌شداران که‌ هه‌موویان به‌ نۆره‌ی خۆیان نه‌زه‌رات‌و تێبینیه‌کانیان له‌ هه‌موو بواره‌کان دا له‌ مه‌ڕ به‌رێوه‌بردنی کارو چالاکیه‌کانی یه‌کیه‌تی ژنان ده‌ربڕی.
له‌ دوایین به‌شی کۆبوونه‌وه‌که دا نۆره‌‌ گه‌یشته‌ هه‌ڵبژاردنی کۆمیته‌ی کارگێڕی تازه‌ که‌ به‌ خۆشیه‌وه‌ پێشوازی لێکراو هاوڕێیان کۆمیته‌یه‌کی ٤ که‌سی (٣ کەسی ئەسڵی و یەک نەفەر وەک هاوکار) بۆ به‌ڕێوه‌بردنی کاره‌کانی یه‌کێتی ژنان له‌ شاری ڤێسترۆس هه‌ڵبژارد.
له‌ کۆتایی دا پڕ به‌ دڵ سپاسی هه‌موو به‌شدار بووان ده‌که‌ین که‌ زۆر چالاکانه‌ به‌شدارییان کرد و هیوای سه‌رکه‌وتن بۆ کۆمیته‌ی کارگێری تازه‌ی یه‌کیه‌تی ژنانی دێموکڕاتی کوردستان له‌ شاری ڤێسترۆس ده‌خوازین.


یه‌کیه‌تی ژنانی دێموکڕاتی کوردستان
١٩/٠٥/٢٠١٣

بگه‌رێوه‌|ئەم بابەتە 758 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact