. . . .


8 Apr 2013

بەڕێوەچوونی مەراسیمی ڕۆژی شەهیدانی کوردستان لە ناوچەی ئۆستفۆڵدی ?


ناوەندی هەواڵ_نۆروێژ: رێکەوتی 07.04.2013 زایینی، کاتژمێر ١ی پاش نیوەڕۆ بە بەشداری بەشێکی بەرچاو لە کوردانی نوڕوێژ و حیزب و ڕێکخراوە سیاسیە کوردستانیەکانی ولاتی نوڕویژ ، لە لایەن هەر دووک کومیتە ناوچەکانی ئۆستفۆڵدو ئۆسلۆ، ئاکێشهوسی حیزبی دێموکراتی کوردستانەوە بە بۆنەی ١٠ی خاکەلیوە ٦٦ە مین ساڵڕۆژی لە سیدارەدانی پیشەوا قازی محەممەد سەرۆک کۆماری کوردستان و سەیفی قازی و سەدری قازی ، بە شکۆیەکی تەواوەوەبەڕێوە چوو.
سەرەتا بە سرودی شەهیدان و ڕاگەیاندنی دەقیقەیەک بێدەنگی بۆ ڕیزگرتن لە شەهیدانی ١٠ی خاکەلێوە و سەرجەم شەهیدانی کوردو کوردستان دەستی پێکرد.
لە لایەن بەڕێوەبەرانی بەرنامە ، بەڕیزان نازێ عەلی دوست و جەعفەر ڕەسووڵی بە چەند کۆپلە شێعرێکی شۆرشگێرانە مەراسیمی ڕۆژی شەهیدانی کوردستانیان کردەوە.
پاشان داوا لە بنەماڵەی شەهیدانی ئامادەبوو لە مەراسیمەکە کرا کە مۆمی ڕێزلێنان لە یادی بەرزی شەهیدان کە لە لایەن هێلێن پووریانەوە لە شێوەی ئاڵای پیرۆزی کوردستان ئامادە کرابوو داگیرسێنن.
ئینجا لە لایەن غەفوور ساڵحزادە پەیامی کومیسیۆنی کۆمەڵایەتی حیزبی دێموکڕاتی کوردستان خوێندرایەوە.
ئەو پەیامانەی کە بەو بۆنەوە خوێندرانەوە بریتی بوون لە:
پەیامی یەکیەتی ژنانی دێموکڕاتی کوردستان لە لایەن خوشکە گوڵێ حەیدەری
پەیامی کۆمەڵەی کولتووری کوردی لە ناوچەی ئۆستفۆڵد لە لایەن سەعید پووریان
پەیامی یەکیەتی لاوانی دێموکراتی ڕۆژهەڵاتی کوردستان لە نوڕوێژ لە لایەن شوانە نارستی
پەیامی پەرلمانتاری نوڕوێژی سەر بە حیزبی کاری ئەو وڵاتە لە لایەن تور ئێریک
بەڕیز ئیریک لە بەشێک لە قسەکانی دا وتی ئەمن ئەمرۆ بە دیتنی وینەی سەدان شە‌هید کە بە خۆینی خۆیان خەباتیان بۆ وەرگرتنی مافی روای کورد کردوە سەرسام بووم. کوردەکان ریکخستنیان زۆر بەهێزەو و بەجیدی زۆر باش بۆ مافی خۆیان هەنگاو دەنێن. بە ژینۆساید ناساندنی کورد ئەمسال لە پارلەمانی نورویژ بە رەسمی ناسرا ئەوەش ئاکامی کارو تێکۆشان و ماندوبوونی زۆر بووە.
لە پارلەمانی نورویژ گروپی دۆستانی کورد هەیە کە پیشتیوانی لە ماف وداوکانی کوردان دەکا. ناوبراو لە درێژەی قسەکانیدا وتی: رەفیقان، ئازادی ئێوە، ئازادی منە، یان ئازادی من، ئازادی ئێوەیە، دێمۆکراسی شتێک نیە کە بدرێ، بەڵکوو دەبێ بستێندرێ، بەرێزان ئێمە رێگایەکی زۆر دوورمان لەبەرە تا بە خۆمان بڵەین، ئێستا ئازادین.
بۆخۆتان دەزانن کە لە مێژ نیە روداوێکی ناخۆش لە نوروێژ روی دا کە 69 کەس گیانی لەدەست دا، ٦٩ کەس کە بۆ مافی یەکسانی خوازی هەولیان دەدا.

پەیامی کەم ئەندامانی حێزبی دێموکڕاتی کوردستان لە ئۆستفۆڵد لە لایەن محەممەد غەمبار
پەیامی یەکیەتی نیشتمانی کوردستان کەرتی ئۆستفۆڵد لە لایەن سامان شۆرش
پەیامی پارتی دێموکڕاتی کوردستان ناوچەی ئۆستفۆڵد
پەیامی بزوتنەوەی گۆڕان کەرتی ئۆستفۆڵد لە لایەن عەلی سوور
پەیامی سازمانی خەباتی کوردستانی ئێران لە ناوچەی ئۆستفۆڵد لە لایەن مەحموود یوسفی
پەیامی کومیتەی ئەوروپای پارتی ئازادی کورد لە سووریە لە لایەن مەحمود برۆ
پەیامی ڕێکخراوی دیموکڕاتیکی یارسان لە لایەن فەرزاد سەلیمی
بروسکە لە لایەن ڕێکخراوی سەوزی ئەوروپی- کوردستانی لە ئۆستفۆڵد
پەیامی کۆمەڵەی کولتوری کوردستانی لە ئۆستفۆڵد لە لایەن وەستا سالار
پاشان لە لایەن بەڕیزان محەممەد غەریبی ، حاجی حوسەین حەداد، سلێمان سلێمانپوور ، محەممەد غەمبار چەپکە گووڵی ڕێزلێنان پێشکەش بە بنەماڵەی سەربەرزی شەهیدانی ئامادەبوو لەو مەراسیمە دا کرا
پێویستە ئاماژەی پی بکرێ کە ساڵۆنی مەراسیمەکە بە وێنەی شەهیدان کە لەلایەن کومیتەی نۆڕوێژی حیزبی دێموکڕاتی کوردستان ئامادە کرابوو ڕازابووەوە.
هەروەها لە لایەن هونەرمەندی نیگار کێشی لاو محەممەد هاشمی کە چەندین تابلۆی لە وینەی سەرکردەکانی گەلی کورد و کۆمەڵێک تابلۆی لە جینایەتەکانی کۆماری ئیسلامی دژ بە گەلی کورد کێشابوو سەرنجی ئامادەبووانی مەراسیمەکەی بۆ لای خۆی راکێشابوو.
پاش پیشکەش کردنی چەپکە گووڵ بە هەریەک لە کیژی دەست و پەنجە ڕەنگین هێلێن پووریان و هونەرمەندی نیگار کێش محەممەد هاشمی بۆ ماوەی نیو کاتژمێر پشوو راگەیندرا.
بەڕیز هاشم ڕۆستەمی وتارێکی بە بۆنەی ڕۆژی شەهیدانی کوردستانەوە پێشکەش کرد، رۆستەمی باسی له‌ چۆنیه‌تیی دامه‌زرانی کۆماری کوردستان‌و نه‌خشی پێشه‌وا قازی محه‌مه‌د له‌ دامه‌زران‌و ده‌سکه‌وته‌کانی کرد.‌
ئەوجار کاک خالید عەبدوولا زادەوە شێعرێکی بەو بۆنەوە خوێندەوە.
پاشان هەریەک لە بەڕیزان حاجی حوسەین حەداد ،مامۆستا عوسمان ، هیدایەت نووری، نادر جەلیلیان پارچە شێعرێکیان کە بەو بۆنەوە ئامادە کرابوو بۆ ئامادەبووان خوێندەوە.
هەروەها هونەرمەندانی هەست ناسک سەید حەسەن کۆساری و بەهمەن هەولێری مقامێکی بەسۆزیان کە بۆ ئەو بۆنە ئامادە کردبوو پێشکەش کرد
بە گێڕانەوەی بیرەوەریەک لە لایەن عەبدوولا شەخسە پێشمەرگەی قارەمان و دێرینی حیزبی دێموکڕاتی کوردستان و پەیامی کومیتە ناوچەکانی ئۆستفۆڵد و ئۆسلۆ، ئاکیشهوس لە لایەن سەردار مەرەسەنە کۆتایی بە مەراسیمەکە هات.

شایانی باسە کە مەراسیمی ڕۆژی شەهیدانی کوردستان لە لایەن تیمی کوردکاناڵەوە فیلمبەرداری کراوە.

حیزبی دێموکڕاتی کوردستان
کومیتە ناوچەکانی ئۆستفۆڵد و ئۆسلۆ، ئاکێشهوس

بۆ بینینی وێنەکان بە قەبارەی گەورە، لەسەر ئاڵبۆمەکە کرتە بکە

وێنەگر: ئاری مەعروفی


بگه‌رێوه‌|ئەم بابەتە 1419 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact