. . . .


7 Apr 2013

بەڕێوەچوونی کۆبوونەوەیەکی سیاسی تەشکیلاتی لە شاری تۆرکووی فینلان?


ناوەندی هەواڵ- فینلاند: کومیته‌ی فینلاندی حیزبی دێموکڕاتی کوردستان کۆبوونه‌وه‌یه‌کی سیاسی ته‌شکیلاتیی بۆ ئه‌ندامانی حیزب له‌و وڵاته‌ پێک هێنا.
له‌و سمیناره‌دا که‌ ڕۆژی شه‌ممه‌، 17 ی خاکه‌لێوه‌ به‌ ئاماده‌بوونی بەرێز کاک مسته‌فا شه‌ڵماشی، ئه‌ندامی ده‌فته‌ری سیاسیی حیزب‌و به‌رپرسی کومیته‌ی به‌ڕێوه‌به‌ریی حیزبی دیموکراتی کوردستان له‌ ده‌ره‌وه‌ی وڵات‌ و بەرێز کاک حه‌مه‌ره‌سووڵ که‌ریمی، ئه‌ندامی ڕێبەری حیزب به‌ بەشداریی بەشێکی بەرچاو لە ئەندامانی حیزبی دێمۆکراتی کوردستان له‌ وڵاتی فینلاند به‌رێوه‌چوو، سه‌ره‌تا حەمەرەسول کەریمی مەبەستی سەرەکی ئەو کۆبوونەوە سیاسی تەشکیلاتی‌یەی بۆ بەشدارن باس کرد و باسێکی تەشکیلاتی لە پەیوەندی لەگەڵ چۆنیەتی خۆ ڕێکخستن بۆ هەرچی زیاتر چالاک کردنی قەوارەی حیزب کرد و هەروەها ئاورێکی خێرای لە کاروچالاکی‌یەکانی حیزبی دێمۆکرات و ئەرک و بەرپرسایەتیی ئەندامانی لە پێوەندی لەگەڵ کارو چالاکی‌یەکانی حیزب دایەوە و لەو بەستێنەدا چەندین مەسەلەی پەیوەندیدار بە تەشکیلاتی حیزبی پێشکەش کرد.
له‌ بەشی دووهەمی کۆبوونەوەکە که‌ بۆ باسی سیاسی ته‌رخان کرابوو، مستەفا شەڵماشی بە ئاماژە بە ئاڵوگۆڕو رووداوەکانی ناوچەو جێهان و ئەو دەرفەتانەی بۆ کورد لە هەموو بەشەکانی کوردستان هاتۆتە ئاراوە، باسیان لەوە کرد کە پێگەی کورد لە چاو ساڵانی رابردوو چ لە ئاستی ناوچەیی‌و چ لە ئاستی جیهانی‌دا لە پلەیه‌کی باش دایە، لە بەشێکی دیکەی وتەکانی ئاماژەی بە بارودۆخی مەسەلەی کورد لە باشوور و باکوور و ڕۆژئاوایی کوردستان کرد و هاوکاتیش پرسی کوردی لە ڕۆژهەڵاتی کوردستان لە ژێر ڕووناکایی کێشەی کورد لە پارچەکانی دیکەی کوردستان دا باس کرد. سەبارەت بە مەسەلەی دیپلۆماسی کورد بە گشتی و حیزبی دێموکراتی کوردستان چەندین نموونەی هێنایەوە و گووتی کە بە هەوڵ و هیممەتی سیاستەمەدارانی کورد و خەبات و تێکۆشانی ڕۆڵەکانی کورد بە دژی داگیرکەران، ئەمرۆ کورد و پرسی نەتەوەیی کورد لە دەوڵاتان و کەسایەتی‌یە دیارەکانی دونیا شاراوە نییە.
ئه‌ندامی ده‌فته‌ری سیاسیی حیزب لە درێژەی باسەکەیان‌دا ئاماژەی بەوە دا کە ئاڵوگۆڕە سیاسی‌یەکان و رەوتی خێرای رووداوەکان هاوکاری‌و هاوئاهەنگی‌و یەکگرتوویی زیاتری هێزو لایەنە سیاسییەکانی کوردستانی پێویستە بۆ ئەوەی کورد باشتر بتوانێ لە قۆناغە هەستیارەدا هه‌نگاوی بەرەو پێش هەڵبێنێتەوە.

بگه‌رێوه‌|ئەم بابەتە 5211 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact