. . . .


31 Mar 2013

بەڕێوەچوونی کۆڕیادی ١٠ی خاکەلێوە، ڕۆژی شەهیدانی کوردستان لە شاری س


ناوەندی هەوال- سوید: دوانیوەڕۆی رۆژی یەکشەممە ١١ی خاکەلێوەی ١٣٩٢ی هەتاویی، کاتژمێر ١٣ تا ١٥، کۆڕیادێک بۆ یادکردنەوە و ڕێزگرتن لە یەکەمین سەرکۆماری کوردستان پێشەوا قازی محەمەد و هاوڕێیانی بەڕێوەچوو.
بەخێرهێنانی بەشداران لەلایەن کاک حەسەن ئەهوەنەوە، رێورەسمەکە بە سروودی نەتەوایەتی ئەی رەقیب و پاراستنی خولەکێک بێدەنگی بۆ رێزگرتن لە گیانی پاکی سەرجەم شەهیدانی رێگای ئازادی و رزگاریی کوردستان دەستیپێکرد.
پاشان بەڕێز کاک '' قاسمی قازی'' باسێکی لە سەر هەلومەرجی ئەودەمی کوردستان، کە کۆماری تێدا دامەزراو هەروەها دەسکەوتەکانی و ئەزموونەکانی کۆماری بۆ نەتەوەی کورد پێشکەشکرد.
دواین بەشی کۆڕیادەکە بە نیشاندانی کورتە فیلمێکی رێورەسمی ١٠ی خاکەلێوە لە بنکەی دەفتەری سیاسی حیزب و گۆڕستانی شەهیدانی حیزب، کۆتایی پێهات.
جێی ئاماژەیە، ژمارەیەک لە رێبوارانی ئەمەگناسی رێگای شەهیدان بەشداری کۆڕیادەکە بوون و رێورەسمەکە کاتژمێر ١٥ی دوانیوەڕۆ کۆتایی هات.
حیزبی دێموکراتی کوردستان- کۆمیتەی ستۆکهۆڵم
١١ی خاکەلێوەی ١٣٩٢ی هەتاوی

بگه‌رێوه‌|ئەم بابەتە 835 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact