. . . .


19 Mar 2013

بەبەشداری کوردانی هەرچوار پارچەی کوردستان، جێژنی نەورۆزی ٢٧١٣ی کور?


ناوەندی هەواڵ_نۆروێژ: رۆژی چوارشەممە، رێکەوتی ٢٠ی مارشی ٢٠١٣ی زایینی بەبەشداری کوردانی هەرچوار پارچەی کوردستان، جێژنی نەورۆزی ٢٧١٣ی کوردی لە نۆروێژ بە شکۆوە بەرێوەچوو.
سەرەتا بەشداربوان لە بەردەم ئیستگای شەمەنەفەری ئۆسلۆ وە بەرەو پارلمانی نۆروێژ کەوتنەرێ، پاشان کە کوردوستانیان کەیشتنە جێگای مەبەست، بەرنامەی لەپێشدا دارێژراو دەستی بە کارەکانی کرد، دوایی بە سروودی نەتەوایەتی ئەی رەقیب و ١ خولەک بێدەنگی بۆ گیانی پاکی شەهیدانی گەلی کورد، ئینجا پەیامی نەورۆزی لە لایەن بەرێز رەفیق غەفور یەکێک لە بەرێوەبەرانی جێژنی نەورۆزەوە پێشکەش کرا، لە پیامە نەورۆزیەکەدا هاتبوو: ئەمجارە لە رەوشێکی نوێ و بە مژدەی نوێ و سەرکەوتنی نوێوە پێ ئەنێینە ساڵی 2713ی کوردییەوەو نەورۆز پیرۆز ئەکەین. نەورۆزی ئەمساڵ پێمان ئەڵیت کە قوربانیدان و خەباتی گەلی ئێمە بێهودە نەبووە. رەنج و تێکوشانی خەڵکی کورد لە هەموو پارچەکانی نیشتیمان و دەرەوەی نیشتیمان و تەنانەت لە زیندانیشدا، قۆناغەکانی سەرکەوتن و پێشکەوتنی مەزنی بەخۆوە بینیوەو دەسکەوتی نوێی بەدەستهێناوە. گەشەکردنێکی روون و بەرچاو لە هەڵویستی نەتەوەیی گەلی ئێمە لە ئارادایە. بەدەنگەوە هاتن و هاوکاریی لە هەموو بەشەکانی کوردستانەوە بۆ رۆژاوای نیشتیمان. پشتگیریی لە بەرخۆدانی باکوری کوردستان و خاوەندارێتی لە شەهیدان و قوربانیانی دەستی تیرۆر، داخوازیی ئازادی بۆ بەڕیز ئۆجەلان و زیندانیان و ستاتوس بۆ کوردستان. خۆپیشاندان و هەڵوێستی ئازایەنەی گەلی کورد لە هەمبەر هێرش و سێدارەو تاوانەکانی رژێمی ئێران دژ بە تێکۆشەرانی گەلی ئێمە لە رۆژهەڵاتی کوردستان، هاوهەڵوێستی و یەکدەنگی لەسەر پرسە نەتەوەیی و چارەنووسسازەکان لەبەرامبەر حکومەتی عێراق و بەرەوە پێشەوەبردنی باشووری کوردستان. خۆپیشاندان و خاوەندارێتی رەوەندی کورد لە پرس و خواستە نەتەوەییەکان.. ئەمانە هەموو شایەتی هەڵوێستی هۆشیارانەو نەتەوەییانەی گەلی ئێمەن.
ئەم رەوشە جیاوازە لە ئێمە ئەخوازێ کە ئیتر جیاواز نەورۆز و ساڵی نوێ پیرۆز بکەین، چونکە ئێمەی کورد جیاوازین. ئێمە جیاوازین چونکە گەورەترین گەلی دنیای بێ دەوڵەتین. ئێمە جیاوازین چونکە خاوەنی دەوڵەمەندترین خاکی رۆژهەلاتی ناوەڕاستین و بێبەشین لە سامانەکەی. ئێمە جیاوازین چونکە ویستەکانمان جیاوازن.. ئێمە جیاوازین چونکە ئازادی بۆ گەلی خۆمان و گەلانی ناوچەکە ئەخوازین و دەوڵەتانی ناوچەکەش بندەستی و کۆیلەیەتی ئێمە ئەخوازن، ئێمە جیاوازین چونکە داواکاری ئاشتی و دادپەروەری و پێکەوەژیانی شکۆمەندانەین و دەسەڵاتدارانی ناوچەکەش شەڕو ئۆپەراسیۆنی سەربازی وەڵامیانە....
کەواتە بەم جیاوازیانەوە پێویستە ئیتر بیرکردنەوە و پەیام و کارکردن و پەیوەندیشمان پێکەوە، جیاواز بێت. ڕەوشەکە ئاوا ئەخوازێ کە ئیتر گەلی کوردو پارت و رێکخراوو رۆشنبیرو سیاسەتمەدارەکانی بیر لە ستراتیژێکی هاوبەشی نوێ بکەنەوە کە وەڵامدەرەوەی ئێستا بێت، ئێستایەک کە هەلێکی ئەوەندە پڕ بایەخە زیاتر لە سەدەیەکە بۆ گەلی ئێمە نەرەخساوە. ئێستایەک کە پێویستە ئێمە بە جیهان بڵێین: ئیدی ئێمە ئەو ئەکتۆرەین بێ بەشداریی ئێمە ئارامی و سەقامگیریەک لە رۆژ‌ەڵاتی ناوین نایەتە دی، ئیدی بێ لەبەرچاوگرتنی ویست و بەرژەوەندی ئێمە، کەس لە سامانی کوردستان سوودمەند نابێ. ئیدی ئازادی و ئارامی گەلانی ناوچەکە بە ئازادی و ئارامی ئێمەشەوە بەندە. بەڵێ با ئیتر بە راستی ساڵی نوێ بکەینە ساڵیکی جیاواز.

ئەو حیزب و لایەنانەی کە جێژنی نەورۆزیان پێکهێنا بوو بریتین لە:

١. پارتی یەکێتی دیموکراتی کورد – پەیەدە
٢. یەکێتی نیشتمانی کوردستان
٣. حزبی دیموکراتی کوردستان
٤. پارتی کرێکارای کوردستان- پەکەکە
٥. کۆمەڵەی زەحمەتکێشانی کوردستان
٦. پارتی ژیانی ئازادی کوردستان- پژاک
٧. بزووتنەوەی گۆڕان
٨. پارتی سەبەخۆیی کوردستان
٩. رێکخراوی دیموکراتیکی یارسان
١٠. چاودێری کوردۆساید – چاک
١١. کۆمەڵەی کلتوری کوردی لە ئۆسلۆ
١٢. رێکخراوی خەباتی شۆشگێڕی کوردستان
١٣. پارتی سەربەستی رۆژهەڵاتی کوردستان
UngKurd ١٤. رێکخراوی گەنجی کورد
١٥. یەکێتی لاوانی دیموکراتی رۆژهەڵاتی کوردستان
١٦. کۆمەڵەی کوردی سوریا
١٧. یەکێتی ژنانی دیموکراتی کوردستان
١٨. کۆنگرەی نەتەوەیی کوردستان - کنک
١٩. پارتی سەوزی ئوروپای کوردستانی
پێویستە کە بڵەین ئەوە بۆ جاری یەکەمە کە ١٩ حیزب و رێکخراوی کوردستانی و ئوروپایی پێکەوە جێژنی نەتەوەی کورد واتە نەورۆز پیرۆز دەکەن.
شایانی باسە بەشێکی بەرچاو لە ئەندامانی حدک و ستافی کوردکاناڵ بەشداری جێژنی نەورۆز بون.
بەشی راگەیاندنی حیزبی دێموکراتی کوردستان، نۆروێژ
20.03.2013


بگه‌رێوه‌|ئەم بابەتە 1054 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact