. . . .


17 Mar 2013

بەشداری کومیتەی حیزبی دێموکراتی کوردستان له یادی هەڵەبجەی شەهید لە ?


ناوەندی هەواڵ- سویس: ئێوارەی رۆژی شەممە ١٦/٣/٢٠١٣ لە یەکێک لە گۆڕەپانە سەرەکیەکانی شاری زوریخ لە وڵاتی سویس، یادی کارساتی هەڵەبجە کرایەوە. لەو یادەوەریەدا کە لایه ن گرووپی رۆشنبیری وکلتووری هەڵگژان ئاماده کرابوو سەرەتا به دەقیقه یەک بێ دەنگی بۆ ڕێزگرتن لە شەهیدانی هەڵەبجه و هەموو شەهیدانی رێگایەزگاری کوردستان ده ستی پێ کرد. پاشان له لایەن بەرێوەبەری بەرنامه هۆنراوەیەک خوێندرایەوه و پاشان ئەو حیزب و ڕێکخراوانە پەیامەکانی خۆیان پێشکەش کرد:
- پارتی دێموکراتی کوردستان
- کۆمەڵەی پێشمەرگه دێرینەکان
- حیزبی دێموکراتی کوردستان
- یه کێتی نیشتیمانی کوردستان
لە پەیامی کۆمیتەی سویس،ی حیزبی دێموکراتی کوردستان دا کە لە لایان بەڕێز کاک ئەحمەد رەسووڵی،یەوە پێشکەش کرا، سەرەڕای ئیدانە کردنەوەی دوو بارەی ئەو جنایەتەی ڕێژیمی گۆڕکراوی سەدام، ئاماژە بە شیمابارانی شاری سەردەشت کرا و بێدەنگی کۆمەڵگای نێودەوڵەتی لەبارەی ئەم جنایەتەی بەرانبەر بەشاری سەردەشت کرا کە بووە هۆی ئەوەی ڕێژیمی سەدام لە بێکەسی گەلی کورد دڵنیا بێ و کارەساتی هەڵەبجە و سەرەنجام پرۆسەی بەدناوی ئەنفال و کۆمەڵکوژی گەلی کوردی لە باشووری کوردستان بە دوا دا هاتن. لە بەشێکی دیکە لە پەیامی حیزب دا هاتبوو: ئەگەر ئێستاش کۆمەڵگای نێودەوڵەتی و کۆڕ و کۆمەڵە بەشەر دۆستەکان هەوڵی جدی نەدەن بۆ بە جینوساید ناساندنی ئەم جنایەتە و باقی جنایەتەکانی ڕێژیمەکانی ئێران و سوریە و تورکیە، ئەوا هیچ دوور نیە کە کارەساتێکی دیکەی لەوانە گەورەتر و بەربڵاوتر دژ بە گەلەکەمان دووبارە ببێتەوە.
شایانی باسه دەیان وێنەی کارەساتی هەڵەبجه له مەراسیمەکه دا هەڵواسرابوون کە بوونە جێی سەرنجی ڕیبوارانی سویسی و ئەو خەڵکەی کە بەوێدا تێپەڕ دەبوون و بە نزیک بوونەوە لێ وردبوونەوەیان، پرسیاریان له شوێن و جێگە و کات و ساتی کارەساتەکه دەکرد .
حیزبی دیموکراتی کوردستان- کومیتەی سویس
halabja2013.jpg

بگه‌رێوه‌|ئەم بابەتە 784 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact