. . . .


17 Mar 2013

بەشداری هەیئەتکی کومیتەی دانمارکی حدک لە کۆڕێکی لێژنەی ناوچەی دان?


ناوەندی هەواڵ- دانمارک: دوانیوەرۆی رۆژی شەممە ١٦ ی مارسی ٢٠١٣ لێژنەی ناوچەی دانمارکی پارتی دێمۆکراتی کوردستان بە مەبەستی تاووتوێ کردنی بارودۆخی نێوان هەرێمی کوردستان و حکومەتی ناوەندی بەغدا و ئەو کێشە و گرژیانەی لە نێوان هەولێر و بەغدا دا هاتوونەتە ئاراوە و خوێندنەوەی سیاسیانەی سەرکردایەتی کورد لەم بارەوە و هەروەها رەوشی پارچەکانی تری کوردستان، لە شاری کۆپێنهاگی پایتەختی دانمارک سمینارێکی بۆ بەڕێز عۆمەر نوورەدین جێگری سەرۆکی لیستی هاوپەیمانی کوردستانی لە پارلەمانی هەرێمی کوردستان ساز کرد. لە سەر بانگهێشتی فەرمیی لێژنەی ناوچەی پارتی دێمۆکراتی کوردستان، هەیئەتێکی کۆمیتەی دانمارکی حیزبی دێمۆکراتی کوردستان پێکهاتوو لە هاورێیان خالید رەواندوست و ڕەحمان خۆش ئەبرو و خاتوو پەروانە پایان بەشداری ئەم سمینارە بوون.
بەرێز عومەر نوورەدینی لە بەشێک لە قسەکانی دا وێرانی ئاماژە کردن بە سەفەری پارلەمانتارانی پارلەمانی کوردستان بۆ وڵاتی دانمارک و کۆبوونەوەیان لەگەڵ سەرۆک و ئەندامانی پارڵەمانی ئەو وڵاتە، ئاکامی سەفەرەکەیانی بە باش وەسف کرد و هێوای خواست کە ئەوانیش بتوانن لە ئەزموونی چۆنیەتی پێکەوە کار کردنی نێوان ئوپۆزسیۆن و دەسەڵات لە وڵاتانی ئەورۆپایی کەڵک وەربگرن.
لە بەشێکی تری قسەکانی دا بەڕێزیان بە وردی باسی کێشەکانی نێوان هەرێمی کوردستان و حکوومەتی ناوەندیی عێراقی کرد و زۆر بە ڕاشکاوانە باسی ئەوەی کرد کە کێشەکانی نێوان حکومەتی هەرێمی کوردستان و بەغدا تەنیا لە رێگای دیالۆگ و وتووێژ چارەسەر دەکرێن. ئەو سمینارە بە پرسیاری بەشداران و وڵامی کۆڕگێر کۆتایی پێهات.
حیزبی دێموکراتی کوردستان کۆمیتەی دانمارک

بگه‌رێوه‌|ئەم بابەتە 731 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact