. . . .


10 Mar 2013

لە وڵاتی سویس بە بۆنەی جەژنی۸ی مارس و نەورۆزەوە جەژنێکی بە شکۆ بەڕێ??


ناوەندی هەواڵ- سویس: ئێوارەی ۱۹ی ڕەشەمە بەرانبەر بە ۹ی مارسی ۲٠۱۳ بە بەشداری سەدان کەس لە کوردانی دانیشتووی وڵاتی سویس و بەڕێز دوکتوور پیرۆت باڵوێزی حکومەتی عێراقی فیدڕاڵ لە سویس و نوێنەری چەندین حیزبی سیاسی، بۆ ڕێزگرتن لە ۸ی مارس ڕۆژی جهانی ژن و پێشوازی لە جەژنی نەورۆز ڕێوڕسمێکی بە شکۆ بەڕێوە چوو.
ئم ڕێووڕسمە کە لە لایان کۆمیتەی سویس،ی حیزبی دێموکراتی کوردستان، یەکیەتی ژنانی دێموکراتی کوردستان، سازمانی خەباتی کوردستان و کۆمەڵەی کەلتووری کوردی لە سویس پێکهێنرابوو، سەرەتا بە سرودی نەتەوایەتی ئەی ڕەقیب لەلایان هوونەرمەند فەرهاد ئالانی و بەشێک لە ژنان و لاوانی دێموکرات و یەک خولەک بێدەنگی بۆ ڕێزگرتن لە گیانی پاکی شەهیدان دەسپێکی پێکرد.
پاشان لە لایان بەڕێز کاک زاهید شاعیری بەرپرسی کومیتەی حیزبی دێموکراتی کوردستان لە سویس وێڕای بەخێرهاتنی بەشداران بۆ ئەم ڕێووڕسمە چەند وتەیەک سەبارەت بە هەردووک جەژنی پیرۆزی نەورۆز و ۸ی مارس پێشکەش کرا.
پاشان پەیامی هاوبەشی پێکهێنەرانی ڕێووڕسمەکە لە لایان خاتوو پەروین شەکووری، بەرپرسی یەکیەتی ژنانی دێموکراتی کوردستان بە بۆنەی ۸ی مارس ڕۆژی جهانی ژن خوێندرایەوە.
بە بۆنەی جەژنی نەورۆز هاتنی سەری ساڵی ۲۷۱۳ی کوردی پەیامێکی هاوبەش لە لایان کاک ئازاد خەبات بەرپرسی سازمانی خەباتی کوردستان خوێندرایەوە.
پاشان بە هاوکاری موسیکی هونەرمەندی موسیک ژەن کاک ئاکۆ عەلی، هونەرمەندانی گۆرانی بێژ، فەرهاد ئالانی، سەلیم دەرماناوەی و سیروس ئیمامی بە دەنگ و ئاوازە پڕ هەست و خۆشەکانیان شادی و خۆشیان خستە ناو دڵی بەشدارانی ڕێ و ڕسمەکە.
ئەو حیزب و ڕێکخراو و کەسایەتییانەی لەم ڕێووڕسمەدا بەشدار بوون و پەیامی تایبەتیان بۆ ئەم ڕێوڕسمە هەبوو، بریتی بوون لە:
- دووکتور پیرۆت باڵوێزی وڵاتی عراق و نوێنەری حکومەتی هەرێمی کوردستان لە سویس.
- پارتی دێموکراتی کوردستان
- یەکیەتی نیشتیمانی کوردستان
- حیزبی شیوعی کوردستان
- کۆمەڵەی شۆڕشگێری زەحمەتکێشانی کوردستانی ئێران، کە بەداخەوە لە بەر کەمی کات نەکرا پەیامەکانیان بخوێنەوە بەڵام لە لایان دەستەی ئامادەکاری ئەو ڕێورەسمەوە بە گەرمی پێشوازیان لێکرا و پەیامەکانیان بەرز نرخێندرا.
پێویست بە ئاماژیە کە ناوئاخنی بڕگەکانی ئەو ڕێورەسمە بە چەندین هۆنراوە و پەخشانی جوانی بەڕێوەبەرانی ڕێووڕسمەکە خاتوو چیمەن بارام میرزا و خاتوو شەهلا ویجدانی،یەوە ڕازێندرایەوە.
ئەم ڕێوڕسمە لە کاتژمێر ٦ی ئێوارە تا ۱۲ی شەو درێژەی هەبوو و سەرئەنجام لە ناو خۆشی و شادی بەشداران دا کۆتایی پێهات.

حیزبی دیموکراتی کوردستان- کومیتەی سویس

بگه‌رێوه‌|ئەم بابەتە 1021 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact