. . . .


10 Mar 2013

بەرزراگرتنی 8ی مارش لە لایەن یەکێتی ژنانی دێموکراتی کوردستان و چەند ??


ناوەندی هەواڵ- نۆروێژ: ڕۆژی هەینی، 8 ی مارشی ٢٠١٣ ی زایینی، بە بەشداری چەند رێکخراوی ژنان ڕێوڕەسمێکی بەشکۆ لە ژێر ناوی، پیرۆز بێ 100دەمین ساڵی بەشداربوونی ژن لە هەڵبژاردنەکانیدا پێکهێنا.
سەرە تا لە لایەن بەرێوەبەرانی بەرنامە ئۆسە کلێڤەلاند و زوبیا لەتیفەوە بەخێرهاتنی هەموو بەشداربوان کرا.
ئینجا هەر یەک رێکخراوەکانی ژنان کە پێکهاتبون لە یەکێتی ژنانی دێموکراتی کوردستان، یەکێتیی ژنانی ئەفغانستان ، یەکێتی ژنانی پاکستان، یەکێتی ژنانی دێموکراتی کوردستانی ئێران، کۆمەڵەی ژنانی پاکستان، یەکێتی ژنانی ئێریتریا، ژنانی شێسمۆ، تیمێک لە ژنانی کتێبخانەی گشتی و بە سەر پەرشتی شیشتەن ئارنەسەن بەرپرس لە بەشی کولتوری شارەوانی شێسمۆ پەیامی خۆیان پێشکەش کرد کە تێیاندا لە سەر بارودۆخی ژنان لە وڵاتی خۆیان بە زمانی نۆروێژی قسەو باس کرابوو.
پەیامی یەکێتی ژنانی دێموکراتی کوردستان کە بە زمانی نۆروێژی ئامادەکرابوو لە لایەن بەرێز مەحبوبە ڕەحیمی بەرپرسی یەکێتی ناوبرا خوێندرایەوە. لەو پەیامە دا هاتبوو: به‌بۆنه‌ی هاتنی 8ی مارشی 2013، ڕۆژی نێونه‌ته‌وه‌ی ژن، ئێمه‌ وه‌ک یه‌کێتی ژنانی دێموکراتی کوردستان پر به‌ دڵ پیرۆزبایی خۆمان پێشکه‌ش به‌ هه‌موو ژنانی جیهان وبه‌تایبه‌ت ژنانی مافخوازو یه‌کسانی خوازی کورد ده‌که‌ین.
ماوه‌ی سه‌ده‌یه‌ک ده‌بێ که‌ ژنان له‌ سه‌رانسه‌ری جیهاندا، به‌شێوازی جۆراوجۆر به‌ پێکهێنانی کۆرو کۆبونه‌وه‌ وچالاکی تایبه‌ت به‌ 8ی مارش، رۆژی جیهانی ژن جێژن ده‌گرن.
رۆژی 8ی مارش له‌ ڕاستی دا رۆژی پێداگری وپێداچونه‌وه‌یه‌ له‌ سه‌ر ماف و داوا ڕه‌واکانی بزوتنەوەی ژنان له‌ هه‌موو ڕووبه‌ر و ڕه‌هه‌نده‌کاندا.
کۆمه‌ڵگای مرۆڤایه‌تی به‌ گشتی و وڵاتی کورده‌واری به‌ تایبه‌تی بۆ به‌ بنه‌ماکردنی کولتوری بەرامبەری و به‌ نه‌ریتکردنی مافی یه‌کسانی بۆ هه‌مووان، بێ هه‌ڵاواردنی ڕه‌گه‌زی و نه‌مانی هه‌موو ده‌مارگرژی و نه‌ریت ویاسا چه‌وسێنه‌ره‌کانی دژی ژنان، رێگای دوورو درێژی له‌به‌ره‌ و له‌م پێناوه‌شدا کاروانی بزوتنەوەی مافخوازانه‌ی ژنانی یه‌کسانی خواز و هوشیار و خاوه‌ن رۆڵ، زۆر کۆسپی له‌ پشت سه‌ر ناوه‌و زۆریشی له‌ سه‌ر رێگا ماوه.
ژن ئه‌و کیانه‌یه‌ که‌ به‌ درێژای مێژوو چه‌وسێندراوه‌ته‌وه‌ و وه‌ک بوونه‌وه‌رێکی پله‌ دوو سه‌یری کراوه‌. ئه‌گه‌ر بمانهه‌وێ لاپه‌ڕه‌ی ڕاستی ودرووستی مێژوو له‌ سه‌ر ژیان و به‌ سه‌ر هاتی ژنان هه‌ڵ بده‌ینه‌وه‌، بۆمان ده‌رده‌که‌وێ که‌ نه‌ ته‌نیا گه‌له‌ دور له‌ شارستانیه‌کان ژنیان چه‌وساندۆته‌وه‌، به‌ڵکوو نه‌ته‌وه‌ پێشکه‌وتوه‌کانیش هاورێ له‌گه‌ڵ پیاوانی زاناو بلیمه‌تدا ژنیان وه‌ک بوونه‌وه‌رێکی خزمه‌ت گوزار به‌ پیاو یان بگره‌ که‌متریش پێناسه‌ کردوه‌.
ڕەحیمی لە درێژەی پەیامەکەیدا ئاماژەی بەوە کرد کە ژنانی ئێران چه‌ندین ده‌یه‌یه‌ به‌ ده‌ستی رێژیمه‌ دیکتاتۆره‌کانه‌وه‌ ده‌چه‌وسێنه‌وه‌ وله‌ هه‌ر کام له‌ قۆناغ و برگه‌کانی مێژووی ئێراندا به‌ شوازگه‌لێک ماف وئازادیه‌ دێموکراتیک وئینسانیه‌کانی ژنانی وڵاته‌که‌مان پێشێل کراون. ماوه‌ی زیاتر له‌ 3 ده‌یه‌یه‌ له‌ ته‌مه‌نی ده‌سه‌ڵاتداریتی رێژیمی کۆنه‌په‌رستی کۆماری ئیسلامی، یه‌کێک له‌ ڕه‌شترین برگه‌کانی مێژووی سیاسی ئێران به‌ هه‌موو چین وتوێژه‌کانی کۆمه‌ڵگاو به‌تایبه‌تی بۆ ژنانی ئێران به‌حیساب دێت. له‌و بواره‌دا ژنانی ئێران به‌گشتی و ژنانی کوردستان به‌تایبه‌تی له‌گه‌ڵ کۆنه‌په‌رسترین رێژیم به‌ره‌وروون که‌ نه‌ ته‌نیا هه‌ر ژن به‌ڵکو رێز له‌ سه‌ره‌تایی ترین مافه‌کانی هیچ ئینسانێک ناگیرێ. به‌ڵام به‌وحاڵه‌ش نه‌ک هه‌ر نه‌یانتوانیوه‌ پێش به‌ بزووتنەوەی ئازادیخوازانه‌ی ژنان بگرن، به‌ڵکو خه‌باتی ژنان له‌ ناو جووڵانه‌وه‌ی سه‌رانسه‌ری ئێران دا خاوەن پێگه‌یه‌کی تایبه‌ت به‌ خۆیەتی و ته‌نانه‌ت رێکخراوه‌کانی ژنانی کوردستان به‌تایبه‌ت یه‌کێتی ژنانی دێموکراتی کوردستان له‌ ئاستی نێونه‌ته‌وه‌یش دا جێگایه‌کی تایبه‌ت به‌ خۆی هه‌یه‌ رۆژ به‌رۆژیش زیاتر گه‌شه‌ ده‌کا.
لێره‌دا جێی خۆیه‌تی به‌بۆنه‌ی ساڵیادی ئه‌و ڕۆژه‌ پیرۆزه‌ گه‌رمترین پێرۆزبایی خۆمان پێشکه‌ش به‌ هه‌موو ژنانی خه‌باتگێڕ و سه‌رجه‌م ئه‌ویندارانی ڕێگای ئازادی و به‌خته‌وه‌ری کۆمه‌ڵگای مرۆڤایه‌تی بکه‌ین و هه‌ر له‌و کاته‌ش دا سه‌رکه‌وتنیان له‌م ڕێگه‌ پیرۆزه‌ دا به‌ ئاوات ده‌خوازین.

شایانی باسە کە بەشێکی بەرچاو لە ئەندامانی یەکێتی ژنانی دێموکراتی کوردستان بەشداری جێژنەکە بوون و دوای 6 کاتژمێر، بە شایی و خۆشی بەشداران جێژنی 8ی مارش کۆتایی پێ هات.
یەکێتی ژنانی دێموکراتی کوردستان- نۆروێژ

بۆ بینینی وێنەکانی بە قەبارەی گەورە کرتە لە سەر ئالبوومەکە بکە

بگه‌رێوه‌|ئەم بابەتە 1033 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact