. . . .


3 Mar 2013

به‌شداری هەیئەتێکی کومیتەی ڕۆژهەڵاتی کانادای حدک له‌ یادى 34 ساڵه‌


له‌سه‌ربانگهێشتنی فه‌رمی لێژنه‌ی ناوچه‌ی کانادای پارتی دێموکراتی کوردستان، هاوڕێ جەعفەر موقەدەم بە نوێنەرایەتی کومیتەی ڕۆژهەڵاتی کانادای حیزبی دیموکراتی کوردستان ڕۆژی شەممە رێکه‌وتی 2ی فێوریه‌ 2013 له‌ شاری کیچنێر له‌ پارێزگای ئانتارێو، بەشداری لە ‌رێوره‌سمێک دا کرد که‌ به‌ بۆنه‌ی بێره‌وری 34 ساڵه‌ی کۆچێ دوایی تێکۆشه‌ری نه‌ته‌وه‌که‌مان سه‌رۆک مسته‌فا بارزانی،یەوە ڕێکخرابوو. لەو ڕێورەسمە دا کە چەندین حیزب و ڕێکخراوی دیکەی کوردستانی و کۆمەڵێکی بەرچاو لەم کوردانی دانیشتووی ئەو شارە ئامادە ئامادە بوون، باس لە دەور و کاریگەری ژنڕاڵ مستەفا بارزانی وەک مرۆڤێکی شٶڕشگێڕ و خاوەن بڕوا کە وەک ڕێبەرێکی نەتەوەیی دەیان ساڵ دژ بە دڕندەترین حکومەتەکانی ئەو سەردەمە خەباتی کرد کرا. پاشان باس لە دەوری سەرەکی بارزانی نەمەر و هاوڕێیانی لە پارێزگاری لە کۆماری کوردستان و دواتریش دامەزراندنی پارتی دیموکراتی کوردستان و ئەو دەستکەوتانە کرا کە لە سەردەمی ڕێبەرایەتی ئەو ڕێبەرە مەزنە دا لە باشووری کوردستان بۆ کورد دەستەبەر کران، کە وەک نموونە دەکرێ ئاماژە بە بەیاننامەی مێژوویی ١١ی مارسی ١٩٧٠ بکرێت، کە تێیدا بەشێکی زۆر لە مافە ڕەواکانی گەلەکەمان لە لایەن کارەبەدەستانی ئەو سەردەمەی حکومەتی عێراقەوە دانی پێدا نرا. پێویست بە ئاماژەیە کە هاورێ جه‌عفه‌ر موقه‌ده‌م لە لایەن کومیتەی حیزب لەو دەڤەرە به‌شداری ئه‌و رێوره‌سمه‌ی کرد و په‌یامی حیزبی دێموکراتی کوردستان کۆمیته‌ی رۆژهه‌ڵاتی کانادای به‌م‌ بۆنه‌یه‌ پێشکه‌ش کرد، که‌ به‌ گه‌رمی پیشوازی لێکرا.
شایانی باسه‌ که‌ له‌م رێوره‌سمه‌ دا ئه‌م حیزب و رێکخراونه‌ به‌شداربوون:
1- یه‌کیه‌تی نیشتمانی کوردستان ڕێکخستی کانادا.
2- حیزبی دیموکراتی کوردستان
3- حیزبی دێموکراتی کوردستانی ئێران کۆمیته‌ی رۆژهه‌ڵاتی کانادا.
4- کۆمه‌ڵه‌ی شؤڕشگێری زه‌حمه‌تکێشانی کوردستانی ئێران - کانادا
5- ماڵی کورد له‌ تۆرۆنتۆ

حیزبی دێموکراتی کوردستان کۆمیته‌ی رۆژهه‌ڵاتی کانادا
yadi-barzani.jpg

بگه‌رێوه‌|ئەم بابەتە 1040 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact