. . . .


24 Feb 2013

دیداری نێوان کومیتەی حیزبی دیموکراتی کوردستان و یەکێتی نیشتمانی کورد


ناوەندی هەواڵ- دانمارک: لە سەر دەعوەتی هاوڕێیانی یەکییەتی نیشتمانی کوردستان لە دانمارک، ڕۆژی یەکشەممە ٢٤ /٠٢/٢٠١٣ کۆبوونەوەیەکی دۆستانە لە نیوان کومیتەی حیزبی دیموکراتی کوردستان وهاوڕێیانی یەکییەتی نیشتمانی کوردستان پێکهات. سەرەتای کۆبوونەوەکە بەڕێز سەلام بۆسەڵی بەرپرسی پیوەندییە کوردستانییەکانی یە کییەتی نیشتمانی کوردستان باسێکی لە سەر وەزعی ئێستای کوردستان بەگشتی و باشووری کوردستان وعیراق بەتایبەتی پێشکەش کرد. بەریزیان لە باسەکەیاندا ئاوڕێکی گشتی لە وەزعی کورد لەو بەشەی کوردستان دایەوە و هەڵویستی لایەنەکانی بە نسبەت کورد لەو بەشەی کوردستان هێنایە بەر باس. بەڕێزیان لە بەشێکی دیکەی قسەکانی دا باسی یەکییەتی و یەکڕیزی زیاتری هیزه کوردیەکانی کرد. پاش ووتەکانی بەڕێزیان هاوڕییانی حیزبی بە دانی سەرنج و پێشنیاری بەکەڵک بەشداری کۆبوونەوه کە یان کرد. هەیئەتی دوولایە ن دۆخی کوردیان لە هەر چوار پارچەی کوردستان بە هەستیار ولە هەمانکاتدا بە ئەرێنی لە قەلەم دا و پێیان وابوو کە کورد فاکتەریکی بەهێزە لە هەموو بەشەکانی کوردستانیان بەسەر دا دابەش کراوە، هەر بۆیە دوولایەن پێداگربوون لە سەر پێکهێنانی یەکییەتی و یەکریزی زیاتری لایەنە کوردییەکان لە دانمارک، بۆ ئەوەی یەک دەنگ و یەک هەڵویست بین بە نسبەت دەورو و پشتمان وهەروەها کۆمەڵەگەی دانمارکی.
هەیئەتی حیزب پێکهاتبوو لە بەڕیزان حوسێن حەسەن زاده بەرپرسی کومیتەی دانمارک و عومەر شیخەنژاد و سمکۆ محمودزاده و هەروه ها هاوڕێیانی یەکییەتی نێشتمانی بریتی بوون لە بەڕێزان سەلام بۆسەڵی بەرپرسی پەیوەندییە کوردستانیەکان، گوزار سۆسەکانی بەرپرسی کەرتی ئاڵبۆرگ و عەلی میرانی.
کۆبوونەوه لە کەش و هەوایەکی تەواو دۆستانە دا کۆتایی پێ هات.
حیزبی دیموکراتی کوردستان- کومیتەی دانمارک
hdk-ynk-danmark-2.jpg

بگه‌رێوه‌|ئەم بابەتە 852 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact