. . . .


4 Feb 2013

به‌ڕێوه‌چونی رێوڕه‌سمی ساڵروژی دامه‌زرانی کۆماری کوردستان له ئ


ناوەندی هەواڵ- ئاڵمان: کۆمیتەی حیزبی دێموکراتی کوردستان لە شاری کوڵنی ئەڵمان رۆژی شەممە 14 ی رێبه‌ندان، بۆ رێزگرتن لە ساڵرۆژی دامەزرانی کۆماری کوردستان رێوڕەسمێکی بۆ ئەندامان ولایه‌نگرانی حیزب و کوردانی تاراوگە پێک هێنا.
ئه‌و به‌رنامه‌یه‌ به‌ سروودی نه‌ته‌وایه‌تیی ئەی ره قیب و ساتێک بیدەنگی بۆ رێزگرتن لە گیانی شەهیدانی کورد وکوردستان دەستی پێ کرد و دوای به‌خێرهێنانی میوانان و نوێنه‌رانی هێز و لایه‌نه‌ سیاسییه‌کان له‌لایه‌ن هاوڕێ خالید گیاڕه‌نگی، پەیامی دەفتەری سیاسیی حیزبی دێموکراتی کوردستان بەوبونەوە لە لایان بەڕێز خالید وه‌نەوشه، ئەندامی رێبه‌ری حیزب پێشکەش کرا.
دوابه‌دوای په‌یامی ده‌فته‌ری سیاسیی حیزب بەڕێز عه‌بدووڵا عه بداڵی، لەلایه‌ن کومیتەوە وتارێک لەسەر هەلومەرجی ئیستای ئێران و کوردستانی پێشکەش کرد.
لە بەشێکی دیکه‌ی بەرنامەکانی ئه‌و رێوڕه‌سمه‌دا سپاسی ئه‌و حیزب و لایه‌نانه‌ کرا په‌یامی تایبه‌تییان بۆ ئه‌و بۆنه‌یه‌ ناردبوو که‌ بریتین بوو له‌:
پارتی دێموکراتی کوردستان
یەکیه‌تیی نیشتمانیی کوردستان
کۆمێتەی ئەڵمانی کۆمەڵە
سازمانی کوردستانی حیزبی کۆمونیستی ئێران- کۆمەڵە
کۆمەلەی زەحمتکیشانی کوردستان
پارتی ئازادی کوردستان
کۆمه‌ڵه‌ی شۆرشگێری زه‌حمه‌تکێشانی کوردستانی ئێران
پارتی دێموکراتی کوردستان باکوور
شایانی باسه‌ که‌ دوابەشی رێوڕەسمەکه‌ بەبه‌شداریی چەندین هونەرمەندی دەنگ خوش و بە گورانی و گەڕی ڕەشبەڵەکی ئەویندارانی ڕێگای ڕزگاری کوردستان و کوردانی ئامادە بوو لەو ڕێوڕەسمە دا تا درنگانی شەو دەرێژی کێشا.
پێویست بە ئاماژەیە کە بە درێژایی ئەو مەراسمە، کامێرای کوردکاناڵ بە تۆماری کردنی ساتە وەختەکان و وێنەگری ناوەندی هەواڵیش بە هەڵگرتنی وێنەی نایاب ئەو شەوئاهەنگشیان خستە سەر خەرمانی ئارشیوی بیرەوەرییەکانی حیزب و گەلەکەمان.
حیزبی دیموکراتی کوردستان- کومیتەی ئاڵمان
بۆ بینینی وێنەکان بە قەبارەی گەورە کرتە لە سەر ئاڵبۆمەکە بکە



بگه‌رێوه‌|ئەم بابەتە 1065 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact