. . . .


28 Jan 2013

به‌رێوه‌ چوونی یاده‌وه‌ری 2ی رێبه‌ندان له‌ رۆژهه‌ڵاتی کانادا


ناوەندی هەواڵ- کانادا: ئێواره‌ی رۆژی یه‌کشه‌ممه‌ و له‌ سالۆنی کتێبخانه‌ی 545 van Horne A مه‌راسیمی یادکردنه‌وه‌ له‌ 67ه‌ مین ساڵڕۆژێ دامه‌زرانی کۆماری کوردستان له‌ لایه‌ن حیزبی دێمۆکراتی کوردستان کومیته‌ی رۆژهه‌ڵاتی کاناداوه‌ به‌ڕێوه‌ چوو.

ئه‌و مه‌راسیمه‌ که‌ له‌ سه‌عات 6 ئێواره‌ ده‌ستی پێکرد سه‌ره‌تا له‌ لایه‌ن کاک جه‌عفه‌ر موقه‌ده‌م به‌رپرسی کومیته‌ی تۆرۆنتۆ،وە به‌خێر هاتنی میوانه‌کان کرا و پاشان بڕگه‌ی به‌رنامه‌کان خوێندرانه‌وه‌. به‌رنامه‌که‌ به‌ سرودی ئه‌ی‌ره‌قیب و ده‌قیقه‌یه‌ک بێده‌نگی بۆ یادی شه‌هیدانی رێگای ئازادی کورد و کوردستان ده‌ستی پێکرد. پاشان حیزبی دێمۆکراتی کوردستان به‌و بۆنه‌وه‌ له‌ لایه‌ن هاورێ برایم جه‌هانگیری ئه‌ندامی کومیته‌ی تۆرۆنتۆی حیزب پێشکەش کرا. ئینجا ‌په‌یامی حیزب و لایه‌نه‌ سیاسیه‌کان خوێندرانه‌وه‌. پاش ته‌واو بوونی په‌یامه‌کان ئه‌و‌جار سفره‌ی خواردن ئاماده‌کرا، خواردنی هه‌مه‌جۆری ئه‌م رۆژه‌ کە له‌ لایه‌ن بنه‌ماڵه‌ی ئه‌ندامان و لایه‌نگرانی حیزب ئاماده‌کرابوو. پاش نان خواردن به‌رنامه‌ی هه‌ڵپه‌ڕکێ و شادی به‌و بۆنه‌وه‌ ده‌ستی پێکرد، کە بە شادی و هەڵپەڕکێی ئامادە بووان، تا کاتژمێر 9.30ی شەو درێژەی کێشا و له‌ کاتێکدا به‌شدار بووان خۆشحاڵی خۆیان له‌و مه‌راسیمه‌ ده‌ر ده‌بڕی کۆتایی به‌ به‌رنامه‌کان‌ هات. ئه‌و حیزب و لایه‌نانه‌ی به‌شداری مه‌راسیمه‌که‌ بوون و په‌یامیان خوێنده‌وه‌ بریتی بوون له‌ :
1- پارتی دێمۆکراتی کوردستان
2- یه‌کیه‌تی نیشتمانی کوردستان
3- به‌ره‌ی دیمۆکراتیکی ئه‌لئه‌حواز
4- کۆمه‌ڵه‌ی شۆڕشگێری زه‌حمه‌تکێشانی کو‌ردستان
5- په‌یامی ماڵی کورد.
6- په‌یامی کۆمه‌ڵه‌
حیزبی دیموکراتی کوردستان- کومیتەی ڕۆژهەڵاتی کانادا

بگه‌رێوه‌|ئەم بابەتە 1088 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact