. . . .


27 Jan 2013

بەڕێوەچوونی کۆڕی پرسە و سەرەخۆشی سەید کەریم ڕەحیم پوور لە وڵاتی فین


ناوەندی هەواڵ- فینلاند: دوای ئەوەی ڕۆژی پینج شەممەی ڕابردوو ١٣٩١/١١/٥ی هەتاوی، سەید کەریم رەحیم پوور، کوڕی هونەرمەندی ناسراوی گەلەکەمان کاک سەید عەلی سەردەشتی، بە هۆی نەخۆشی شێر پەنجە لەتەمەنی ٢٨ ساڵیدا لە شاری ورمێ کۆچی دوایی کرد، شەپولێک لە هاوخەمی و هاوسۆزی بە دوای خۆییدا هێنا.
بە مەبەستی پرسەو سەرەخۆشی و هاوخەمی لەگەڵ بنەماڵە و کەس و کاری خوالێخۆشبوو سەید کەریم رەحیم پوور، ڕۆژی شەممە ٢٠١٣/١/٢٦ی زایینی کۆرێکی پرسەو سەرەخۆشی لە ولاتی فینلاند و لە شاری تورکوو بەرێوەچوو.
ئەم کۆری پرسەیە کە کات ژمێر ٤ی سەر لە ئێوارە دەستی پێکرد، کۆمەڵێکی بەرچاو لە کوردانی نیشتەجێی ولاتی فینلاند بە بەشداری بەرچاویان هاوخەمی خۆیان لەگەل بنەمالەو کەس و کاری کۆچکردو دەربری.
زۆرێک لە کوردانی نیشتەجێی ولاتانی ئورووپایی بە ناردنی پەیامی هاوخەمی و بە پێوەندی تێلەفوونی، هاوخەمی خۆیان لەگەڵ خاتوو رەعناو خاتوو نەشمیلی رەحیم پوور، خۆشکانی کوچکردوو کاک سەید کەریمی رەحیم پووری جوانەمەرگ و بنەماڵەی رەحیم پوورەکانی سەردەشت دەربری.
سەید کەریمی رەحیم پوور تەمەن ٢٨ ساڵە کوری هونەرمەندی ناسراوی گەلەکەمان کاک سەید عەلی رەحیم پوورە کە بەداخەوە ماوەی نزیک بە حەوت مانگ بوو تووشی نەخۆشی شێر پەنجە ببوو دوای بەربەرەکانێیەکی سەخت و هەوڵی بەردەوامی دوکتوورەکان بۆ چارەسەر کردنی و رزگار کردنی لەو نەخۆشییە، بەداخەوە هەوڵی دوکتوورەکان بێ ئاکام مایەوە و لە رۆژی ١٣٩١/١١/٥ هەتاوی لە نەخۆشخانەی شاری ورمی کۆچی دوایی کرد.
هەر بەم بۆنەیەوە کۆمیتەی حیزبی دیمۆکراتی کوردستان و ناوەندی راگەیاندی حیزبی دێمۆکراتی کوردستان لە دەرەوەی وڵات، وێرای دەربرینی داخ و کەسەر بە بۆنەی کۆچی نابەوەختی کاک سەید کەریم رەحیم پوور ، کوری هونەرمەندی خۆشەویست کاک سەید عەلی سەردەشتی، سەرەخۆشی لە بەرێزیان و خاتوو نەشمیل و خاتوو رەعنا و خاتوو زارا رەحیم پوور سەرجەم خەڵکی ناوچەی سەردەشت دەکا..
هەر لەم پێوەندییەدا خۆشکانی لاوی کۆچکردوو وێرای بنەماڵەی حەسەنپوورو فەقێ نەبی، سپاس و پێزانینی خۆیان بۆ هاوخەمی دەربرین و بەشداریکردنی کوردستانیانی ناوخۆو دەرەوەی ولات دەردەبرن کە بە رێگەی جۆراو جۆر بەشداریان کردوە لە کۆری پرسەو سەرخۆشیدا یا بە پێوەندی گرین و ناردنی پەیامی هاوخەمی بەشداریان کردوە لەگەلیان لە خەمی لەدەستدانی ئازیزی کۆچکردویاندا
هیوادارین رۆحی کۆچکردوو بە بەهەشتی بەرین شاد بێت و سێبووری بۆ بنەماڵەو کەسو کاری بە ئاوات دەخوازین.
sarxoshi-said-karim.jpg

بگه‌رێوه‌|ئەم بابەتە 5003 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact