. . . .


25 Jan 2013

بەرێوەچوونی کۆنفرانسی چوارەمی یەکێتی لاوانی دێموکراتی رۆژهەڵاتی ??


ناوەندی هەواڵ- نۆروێژ:کومیته‌ی تڕۆندهایمی یه‌کیه‌تیی لاوانی دیموکراتی ڕۆژهه‌ڵاتی کوردستان، له‌ ژێر دروشمی "به‌ره‌و یه‌کبوون"، به‌ به‌شداریی زۆربه‌ی لاوانی سنووره‌که‌ و ئه‌ندامانی به‌ڕێوه‌به‌ریی گشتیی یه‌کیه‌تیی لاوانی دیموکراتی ڕۆژهه‌ڵات له‌ نۆڕوێژ، به‌ڕێزان: کاک شۆڕش ئوستادی، سالار عه‌بدی پوور و خوشکه‌ پڕشنگ خنووری ، چواره‌مین کۆنفڕانسی خۆی گرێ دا
کۆنفڕانس به‌ سروودی نه‌ته‌وایه‌تیی ئه‌ی ڕه‌قیب و چه‌ند ساتێک بێده‌نگی بۆ ڕێزگرتن له‌ گیانی پاکی شه‌هیدان و وه‌رگرتنی ده‌نگ بۆ مه‌شرووعییه‌تی کۆنفڕانسه‌که‌ ده‌ستی به‌ کاره‌کانی کرد
سه‌ره‌تا کۆنفرانس لە لایەن بەرێز کامیل ئوستاد ئەحمەدی برای شەهید ئەبوبەکر ئوستاد ئەحمدییەوە کە لە ریزەکانی یەکییەتی لاوان دا گیانی لە دەستداوە کرایەوە ناوبراو لە وتەیەکی کورت دا باسی ئەوەی کرد کە لاوان وەک هێزی هەرە کاراو ئەکتیڤی کۆمەڵگا خۆیان بۆ خزمەت بە توێژی لاوان و کۆمەڵگای کوردەواری بە تیئۆری و هزری سەردەم تەیار بکەن ناوبراو لە بەشێکی تری باسەکەی دا باسی ئەوەی کرد کە رێکخراوی لاوان رێبەری وەک قاسملووی زانای پەروەردە کردووە ئاواتی خواست لاوان هەر وەک پێشوو رۆلی کار بگێرێت لە زۆربەی دەرفەتەکان و مەیدانەکان دا ناوبراو لە کۆتایی دا ئاواتی سەرکەوتنی بۆ کۆنفرانسی لاوان خواست دواتر راپۆرتی کارو چالاکییەکانی کومیته‌ی لاوانی تڕۆندهایم له‌ لایان به‌ڕێزان کاک هه‌ژار خوڕڕه‌مگاهی و کاک رامین شێنانی ئه‌ندامانی به‌ڕێوه‌به‌ری کومیته‌ی لاوانی ترۆندهایمه‌وه‌ پێشکه‌ش به‌ ئاماده‌بووان کرا و له‌ لایان ئه‌ندامانه‌وه‌ خرایه‌ به‌ر باس و هه‌ڵسه‌نگاندن
ئه‌و جار ده‌رگای ره‌خنه‌ به‌ڕووی ئه‌ندامانی کۆنفڕانسه‌وه‌ کرایه‌وه‌ و به‌شداران وێڕای رێزگرتن له‌ کار و جموجۆڵه‌کانی ئه‌و کومیته‌یه‌، سه‌رجه‌م خاڵه‌ لاوازه‌کانی کاری ئه‌م کومیته‌یه‌یان ده‌ستنیشان کرد و رێگا چارەی پێویستیان پێشکەش کرد.‌
بڕگه‌یه‌کی دیکه‌ی کاری کۆنفڕانس، وه‌رگرتنی پێشنیار و ڕا و بۆچوونی ئه‌ندامان بوو سه‌باره‌ت به‌ رێکار و چۆنییه‌تیی به‌ره‌وپێشچوونی کاری رێکخراوه‌یی و هه‌نگاونان بۆ داهاتوو
دواتر به‌ڕێزان کاک هه‌ژار خوڕڕه‌مگاهی و کاک رامین شێنانی وه‌ڵامی سه‌رجه‌م ره‌خنه‌کانیان دایه‌وه‌ و روونکردنه‌وه‌ی پێویستییان پێشکه‌ش به‌ به‌شدارانی کۆنفڕانس کرد
دوایین به‌شی کاری کۆنفڕانس، هه‌ڵبژاردنی ستافێکی نوێی به‌ڕێوه‌به‌ری بوو که‌ له‌ فه‌زایه‌کی ئازاد و دیموکراتیکدا، ستافێکی نوێ هه‌ڵبژێردرا و دوای هه‌ڵبژاردن، ستافی نوێی به‌ڕێوه‌به‌ری کۆبوونه‌وه‌ی خۆی به‌ست و به‌رپرس و جێگر و به‌رپرسی به‌شه‌کانی ده‌ستنیشان کرد:
سۆران شێرزاد -- به‌رپرسی گشتی
پێشه‌نگ خنووری-- جێگری به‌رپرس
هۆزان ئاگوشی -- به‌شی راگه‌یاندن
سروه‌ مه‌عرووفی -- به‌شی ماڵی
ئاسۆ گولابی -- به‌شی پێوه‌ندییه‌کان
سه‌یوان ئیزه‌دی -- به‌شی ته‌شکیلات
محه‌مه‌د زێوه‌یی -- ئاموزش
شایانی باسه‌ ئه‌م کۆنفڕانسه‌ له‌ رۆژی یه‌کشه‌ممه‌ 2013/1/20 کاتژمێر 3ی دوانیوه‌ڕۆ ده‌ستی پێکرد و له‌ کاتژمێر 9 ی شه‌و کۆتایی به‌ کاره‌کانی هێنا.


بگه‌رێوه‌|ئەم بابەتە 1056 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact