. . . .


22 Jan 2013

بەشداری هەیئەتێکی کومیتەی کانادای حدک له‌ ٢٣ هه‌مین ساڵرۆژی دامه???


ناوەندی هەواڵ- کانادا: ڕۆژی یه‌کشه‌ممه ڕێکەوتی ٢٠/١/٢٠١٣ی زایینی، هەیئەتێکی کومیتەی کانادا،ی حیزبی دیموکراتی کوردستان، پێک هاتوو لە هاوڕێیانی براییم جەهانگیری و سیامەند غازی، لە ڕێورەسمی ٢٣مین ساڵەوەگەڕی دامەزرانی بەرە دیموکراتی گەلی ئەحواز دا بەشدارییان کرد. لەو ڕێوڕەسمە دا کە‌ له سالۆنی کتێبخانه‌ی نۆرت یۆرکی شاری تۆرۆنتۆی کانادا ڕێکخرابوو، چەندین حیزب و ڕێکخراوی دیکەی کوردستانی، نەتەوەکانی دیکەی ئێران و چەند ڕێکخراوێکی عەرەبیش بەشدار بوون و پەیامی پیرۆزباییان بەو بۆنەوە پێشکەش کرد.
بەرەی دیموکراتی گەلی ئەهواز ساڵانێکی دوور درێژە بۆ بەدەست هێنانی سەربەخۆیی ناوچەی عەرەب نشینی ئەهواز خەبات دەکات و لەو پێناوە سەدان کەس لە ڕۆڵەکانی ئەو نەتەوە بەشخوراوەی ناو جەگرافیای ئێران، لە لایەن جەلادەکانی ڕژیمی دژی ئازادی ئیسلامی ئێرانەوە لە سێدارە دراون و هەر ئێستاش سەدان ئازادی خوازی ئەحوازی لە چاڵە ڕەشەکانی ئەو ڕژیمی دژی گەلییە دان. پارێزگای خوزستان کە بە درێژایی دەیان ساڵی ڕابردوو لە ژێر چەوساندنەوە و زوڵم و زۆری ڕژیمە یەک لە دوای یەکەکانی ئێراندا بووە، بە هۆی چاڵە نەوتی و گازییەکانیەوە بە یەکێک لە دەوڵەمەندترین پارێزگاکانی ئێران دێتە ئەژمار. ساڵانە میلیۆنان بەرمیل نەوتی ئەو ناوچەیە بەرەو بازاڕەکانی جیهان هەناردە دەکرێ، بەڵام تاکوو ئیستاشی لەگەڵ دا بێت ئەو ناوچەیە لە دواکەتووییەکی یەکجار گەورە دایە و بنخانە ئابوورییەکەی لە بنەڕەوە هەڵتەکاوە. پێڕاگەشتن بە خەڵکی شار و گوندەکانی لەو پەڕی لاوازی دایە و تەنانەت بەشێکی زۆر لەو ناوچە بە پیت و بەرەکەتە، بە دەست بێ ئاوییەوە دەناڵێ.
پێویست بە ئاماژەیە کە ئەو حیزب و ڕێکخراوانە لەو ڕیوسمە دا بەشدارییان کرد:
1- حیزبی دیمۆکراتی کوردستان
2- حیزبی دیمۆکراتی کوردستانی ئێران
3- کۆمه‌ڵه‌ی زه‌حمه‌تکێشانی کوردستان
4- حزب سه‌ربه‌خۆیی ئازه‌ربایجان
5- ماڵی فه‌له‌ستین
6- پارله‌مانی ئازادی سوریه‌
7- حزب گه‌لی بلۆچستان
8- رێکخراوی مافی مرۆفی به‌لوچستان
9- رێکخراوی مافی مرۆفی تورکه‌مه‌نستانی جنووبی

حیزبی دیموکراتی کوردستان- کومیتەی کانادا

بگه‌رێوه‌|ئەم بابەتە 4988 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact