. . . .


15 Jan 2013

ڕاپۆرتی کۆنفرانسی 2 ڕۆژه‌‌ی "چشم انداز تغییر در ایران" له‌ هامبورگ


ناوەندی هەواڵ- ئاڵمان: له‌ رۆژانی شه‌ممه‌ و یه‌کشه‌ممه‌ رێکه‌وتی 12 و 13ی مانگی ژانویه‌ له‌ شاری هامبورگ له‌ سه‌ر بانگهێشتی ئه‌لبۆرز نیوز و بۆ لێک حاڵی بوون و لێک نێزیک بوونه‌وه‌ی ئۆپۆزسیۆنی ئێرانی، کۆنفرانسێکی 2 رۆژه‌ بۆ باس له‌ سه‌ر چۆنییه‌تی ئاڵوگۆر له‌ داهاتووی ئێراندا به‌رێوه‌ چوو.
ئه‌و کۆنفرانسه‌ 5 پانێلی له‌ خۆ گرتبوو که‌ بریتی بوون له‌ پانێلی روانگه‌کان، ژنان، سیاسی، نه‌ته‌وه‌کان، میدیا و راگه‌یاندن.
هاورێیان کاوه‌ ئاهه‌نگه‌ری به‌رپرسی پێوه‌ندییە ئێرانییه‌کانی حێزبی دێمۆکراتی کوردستان و ئه‌ندامی کۆمیته‌ی ناوه‌ندی حیزب و گوڵاله‌ شه‌ره‌فکه‌ندی ئه‌ندامی کۆمیته‌ ناوه‌ندی، به‌ نوینه‌رایه‌تی حیزبی دێمۆکراتی کوردستان له‌ پانێله‌کانی سیاسی، نه‌ته‌وه‌یی و ژناندا وه‌ک پانێلگێر به‌شدار بوون و ڕوانگه‌کانی حیزبیان سه‌باره‌ت به‌و پرسانه‌ شی کرده‌وه.
له پانێلی میدیا، کریستۆف درایه‌ر له هه‌واڵنێرانی بێ‌سنوور، سیروس مه‌له‌کووتی چالاکی سیاسی و میدیا کار، وتاریان پێشکه‌ش کرد و مازیار خۆسره‌وبه‌یگ و‌ه‌ک به‌رێوه‌به‌ری پانێل به‌شدار بوون. له‌م پانێله‌دا ته‌ئکید له‌سه‌ر پێویستی میدیای گشتگر و رێک وپێکتر کراو و ئاماژه به زه‌رووره‌ت هاوکاری رێکخراو و ناوه‌نده هه‌واڵنێرییه‌ نێوده‌وڵه‌تییه‌کان له‌گه‌ل رۆژنامه‌وانانی ئێرانی و هه‌روه‌ها سه‌رنجی زیاتری هه‌والنێرانی بێ سنوور له سه‌ر باردۆخی نێوخۆی ئێران کرا.
له‌ پانێلی ژناندا به‌رێزان ناهید حوسه‌ینی به‌ باسێک له‌ سه‌ر هه‌ڵاواردن له‌ په‌روه‌رده‌ و چۆنییه‌تی وه‌زعی ژنانی ئێرانی له‌ زانستگاکان، شؤعله‌ زه‌مینی به‌ باسێک له‌ سه‌ر به‌نده‌کانی یاسای ئێران و هه‌ڵسه‌نگاندنی له‌گه‌ڵ یاسا نێوده‌وله‌تییەکان و جیاوازیه‌کانیان، گوڵاڵه‌ شه‌ره‌فکه‌ندی به‌ باسێک له‌ سه‌ر ژنان له‌ داهاتووی سیاسی ئێراندا و حه‌سه‌ن مه‌کاره‌می به‌ باسێک له‌ سه‌ر ده‌وری ژنان له‌ ئێراندا له‌ مه‌شروته‌ هه‌تا ئێستا به‌شدار بوون و به‌رێز مێرسێده‌ موحسێنیش به‌رێوه‌به‌ری پانێل بوو.
هاورێ گوڵاڵه‌ شه‌ره‌فکه‌ندی له باسه‌که‌ی خۆیدا ئاماژه‌ی کرد که‌ بۆ باس له‌ سه‌ر داهاتووی ئێران و ژنان ده‌بێ چه‌ند خال له‌ به‌ر چاو بگرین؛ یه‌که‌م ئه‌وه‌یکه به‌شێک له‌ جووڵانه‌وه‌ی ژنان له‌ ناوخۆی وڵاته‌ و شێوه‌ی تێکۆشانی‌یان به‌ته‌واوی له هی ژنانی ده‌ره‌وه‌ی وڵات جیاوازه و ده‌بێ بۆ‌ لێک نێزیک کردنه‌وه‌ی ئه‌و دووانه‌ هه‌وڵ بدرێ. به‌شێکی ئه‌و جووڵانه‌وه‌‌یه‌ش که تایبه‌ته به ژنانی سه‌ر به‌ نه‌ته‌وه‌کانه، ‌ ‌ تایبه‌تمه‌ندی خۆی هه‌یه و لێره‌دایه له جیاوازییه‌کان زیاتر ده‌ن. بۆیه شێوه‌ی هه‌ڵسوکه‌وتی کۆر و کۆمه‌ڵی نێوده‌وله‌تی له‌ ئاست داهاتووی ژنان له‌ ئێراندا، سه‌رنج و دیقه‌تتی خۆی ده‌وێ. هاورێ گوڵاله شه‌ره‌فکه‌ندی گووتی که به داخه‌وه هه‌تا ئێستا کۆمه‌ڵی نێوده‌وله‌تی گرینگی ئه‌وتۆی به‌ ماف و وه‌زعی ژنان له‌ ئێران نه‌داوه‌ و ته‌نانه‌ت له‌و باره‌یه‌وه‌ ئێران تووشی سزا نه‌کراوه‌ته‌وه‌ و له‌ داهاتووشدا له‌وانه‌یه‌ موعامیله‌ به‌و به‌شه‌ بکرێ.
خاتوو گوڵاڵه‌ گوتی ئێمه‌ له‌ 2 زه‌مینه‌ی کلتوری و مێکانیزم دیاری کردندا ده‌بێ هه‌وڵ بده‌ین بۆ ئاڵۆگۆر و هێنانه‌ مه‌یدانی ژنان له‌ سیاسه‌تدا. به‌ له‌ به‌ر چاو گرتنی ده‌وری په‌روه‌رده‌ له‌ به‌رهه‌م هێنانه‌وه‌ی هه‌ڵاواردن له‌ دوای ئینقلابی فه‌رهه‌نگی که‌ به‌ دژایه‌تی له‌گه‌ڵ مۆدێرنیته‌ کرا، پێویسته‌ بۆ گۆرینی وه‌زعی ژنان له‌ فیکری به‌رنامه‌یه‌کی چر و پر و نوێ بۆ په‌روه‌رده‌ دابین و هێندێک میکانیزمی ده‌ست نیشان کرد.
پانێلی سێهه‌می رۆژی یه‌که‌م ته‌رخان کرابوو به باسی سیاسی که حه‌سه‌ن شه‌ریعه‌تمه‌داری به باسێک له‌سه‌ر باردۆخی سیاسی هه‌نووکه و داهاتووی ئێران و پرۆژه‌ی هه‌ڵبژردانی ئازاد، مێهدی فه‌تا پوور ه باسێل له‌سه‌ر رابردوو وداهاتوو سیاسی ئێران و که‌مایه‌سییه‌کانی پرۆژه‌ی هه‌ڵبژاردنی ئازاد، گوڵاله شه‌ڕه‌فکه‌ندی به باسێک له‌سه‌ر دێوکراسی و داهاتووی ئێران، مه‌جید عبدوالرحیم‌پور به باسێک له‌سه‌ر گرینگی پرۆسه‌ی دێموکراتیزه‌کردنی ئێران و نه‌هێشتنی جه‌مسه‌ره‌کان و گه‌یشتن به پلاتفۆرمێکی هاوبه‌ش له نیوان ئۆپۆزیسیۆن و ئه‌حمه‌د پورمه‌ندی وه‌ک به‌ڕێوه‌به‌ری پانێل به‌شدار بوون.
له‌ پانێلی سیاسیدا شه‌ره‌فکه‌ندی که‌ رووبه‌رووی ئه‌و پرسیاره‌ کرابوو که‌ مه‌به‌ست له‌ دێمۆکراسی له‌ داهاتوودا چییه‌ و پرۆژه‌ و پلا‌ن بۆ ئه‌و دێمۆکراسییه‌ ده‌بێ چۆن بێ، له‌ وڵامدا گوتی وێده‌چێ هێندێک لا‌یه‌ن ده‌یان هه‌وێ ته‌فسیری تایبه‌تی خۆیان له‌ دێمۆکراسی وه‌ک ته‌فسیری دروست به‌ هه‌مووان قالب بکه‌ن و وێده‌چی ئه‌و ته‌فسیره‌ی ئه‌وان زۆرتر بۆ مه‌سره‌فی ده‌ره‌کی و بۆ خۆ بواردن له‌ ئاڵوگۆری بنه‌ره‌تی ئاماده‌ کرابێ.
سه‌باره‌ت به‌و پرۆژه‌یه‌ که‌ به‌ ناوی هه‌ڵبژاردنی ئازاد باسی ده‌کرێ، خاتوو گوڵاڵه‌ نیگه‌رانی له‌و مه‌سه‌له‌یه‌ ده‌ربرێ و گوتی پرۆژه‌ هێندێک مه‌رجی هه‌یه‌ که‌ له‌و پرۆژه‌ی هه‌ڵبژاردنی ئازاددا ئه‌و مه‌رجانه‌ زۆر وه‌به‌ر چاو ناکه‌وێ.

له یه‌که‌مین پانێلی رۆژی دووهه‌م ، جه‌مشید ئه‌سه‌دی به باسێک له‌سه‌ر هۆکاره‌کانی داڕمانی نیزامی ئابووری ئێران گه‌نده‌ڵی‌یه نه‌ک ته‌حریم، مه‌حموود ته‌جه‌للی مێهر به باسێک له‌سه‌ر پسپۆری و به‌رپرسایه‌تی کۆمه‌ڵایه‌تی زانست، فه‌رهاد ثابتان وته‌بێژی کۆمه‌ڵگای جیهانی به‌یائیان به باسێک له‌سه‌ر عه‌داڵه‌ت و به‌رابه‌ری، حه‌سه‌ن مه‌کارمی به باسێک له‌سه‌ر چۆنێتی که‌ڵک وه‌رگرتن له رێکاره راهبوردییه‌کان بۆ ئێرانێکی ئازاد و ئاوا، مێهدی وه‌زیری وه‌ک به‌ڕێوه‌به‌ر له پانێلی روانگه‌کاندا به‌شدار بوون.
دوایین پانێلی کۆنفرانسی دوو رۆژه ته‌رخان کرابوو بۆ پرسی نه‌ته‌وه‌یی که کاوه ئاهه‌نگه‌ری لە حیزبی دیموکراتی کوردستان، جه‌مشید ئه‌سه‌دی له رێکخراوی کۆماریخوازانی ئێران، ناسر بولیده‌یی له حیزبی خه‌ڵکی به‌لووچستان، یوسف عه‌زیزی به‌نی‌تۆرۆف ده‌بیری کانوونی دژ به ره‌گه‌زپه‌ره‌ستی و دژایه‌تی له‌گه‌ڵ عه‌ره‌ب له ئێراندا، بێهزاد که‌ریمی، وریا مه‌حه‌مه‌دی له کۆمه‌له‌ی زه‌حمه‌ت کێشانی کوردستان، سیروس مه‌له‌کووتی چالاکی سیاسی و ئه‌حمه‌دی پورمه‌ند وه‌ک به‌ڕێوه‌به‌ری پانێل به‌شداربوون.
هاورێ کاوه ئاهه‌نگه‌ری سه‌ره‌تا له وڵامی پرسیارێکدا ئاماژه‌ی به پێداچوونه‌وه به واژه‌ و مانای سه‌راسه‌ر بۆ رێکخراوه‌ و حیزبه ئێرانییه‌کان کرد و به‌رگری له هه‌ر شکلێکدا ته‌نانه‌‌ت چه‌کدارانه به مافێکی ره‌وا ناساند. دواتر باسی له‌وه‌ کرد که خاڵی حه‌ره‌که‌ت و گۆشه‌نیگای ئێمه قه‌بووڵی پلۆرالیزم له ئێراندایه و ئه‌گه‌رئێران وڵاتی هه‌موو ئێرانییه‌کانه ده‌بێ هه‌موان له ئیداره و به‌ڕێوه‌چوونی وڵاتد ابه‌شدار بن و باسی له سیسته‌می سه‌همی ( پرۆپڕشناڵ) وه‌ک گونجاوترین شێواز و مێتۆد بۆ ئیداره‌ی وڵاتو پاڕلمان هێنایه‌ به‌ر باس. دواتر هاورێ کاوه ئاهه‌نگه‌ری روانگه‌ی خۆی به نیسبه‌ت فدڕالیزم و داهاتووی ئێران و رۆڵ و جێگه‌ی نه‌ته‌وه‌کانی له داهاتووی سیاسی ئێراندا هێنایه‌ به‌ر باس و له روانگه‌ی حدک به نیسبه‌ت فێدڕالیزم و پرسی نه‌ته‌وه‌کان دوا. هه‌روه‌‌ها هاورێ ئاهه‌نگه‌ری گووتی که به باوه‌ڕی ئێمه ئێران و ئێرانی له قه‌یراندا ده‌ژین و کێشه‌کان زۆر ئالۆزتر بوون هه‌ر بۆیه پێویسته به‌رخوردی ته‌شکیلاتیان پێ بکرێ و ده‌بێ دژه‌به‌رانی کۆماریئیسلامی بایه‌خی زیاتر بده‌ن به رۆڵی حیزب و رێکخراوه‌کان بۆ رووبه‌ڕوو بوونه‌وه له‌گه‌ڵ کێشه‌کان. هاورێ کاوه ئاهه‌نگه‌ری له درێژه‌ی باسه‌که‌یدا ئاماژه به دێموکراسی '' توافقی و مشارکه‌تی'' بۆ داهاتووی ئێران کرد له به باوه‌ڕی حدک له مۆدێلی فدڕالیدا خۆی ده‌بینێته‌وه و ته‌ئکیدی کرد که کۆپی کردنی سیسته‌می سیاسی درووست نیه و پێویسته له پرۆسه‌یه‌کی زه‌مانی و به دوای کاری کارشناسی جۆر و چۆنێتی فیدڕالی بۆ داهاتووی ئێران بدرێته ده‌ست. هاوڕێ کاوه باسی ئه‌وه‌یکرد که دێموکراسی بۆ ئێمه ستراتژییه و له مافی دیاریکردنی چاره‌نووس وه‌ک ئه‌سلێک بۆ گه‌ڕاندنه‌وه‌ی ئازادی و پێگه‌ی ئینسانی به مرۆڤه‌کان کرد.
alman2.jpg
alman.jpg

بگه‌رێوه‌|ئەم بابەتە 1007 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact