. . . .


11 Nov 2012

بەشداری هەیئەتێکی کومیتەی سویس،ی حدک لە سمینارێکی لقی پارتی دیموکرا?


ناوه‌ندی هه‌واڵ- سویس: ڕۆژی یه‌کشه‌ممه رێکه‌وتی 11 / 11 / 2012 له سه‌ر داوای لیژنه‌ی ناوچه‌ی سویس،ی پارتی دێموکراتی کوردستان، هه‌یئه‌تێکی کۆمیته‌ی سویس،ی حیزبی دێموکراتی کوردستان پێکهاتوو له به‌رێزان: مامۆستا عه‌زیز ئه‌حمه‌دی ئه‌ندامی دێرینی حیزب و یاسین مه‌ولوودی به‌رپرسی کۆمیته،‌ به‌شداریان کرد له سمینارێک که بۆ به‌رێز قادر قاچاغ ئه‌ندامی کۆمیته‌ی ناوه‌ندی پارتی دێموکراتی کوردستان، رێکخرابوو.
سه‌ره‌تا سمینار به خوله‌کێک بێ ده‌نگی بۆ رێز گرتن له شه‌هیدانی کورد و کوردستان ده‌ستی پێکرد. پاشان به‌رێز قادر قاچاغ باسیێکی تێرو ته‌سه‌لی له مێژووی کورد کرد و ئاوڕێکی وردی لە مێژوویی هه‌موو قۆناغه‌کانی هه‌ڵگیرسانی شۆرشه‌کانی کورد دایەوە. ناوبراو له به‌ر ئه‌وه‌ی باسه‌که‌ی ته‌نیا له سه‌ر پرسی نه‌ته‌وه‌یی بوو، به وردی باسی که‌مووکووریه‌کان و ئه‌و به‌ربه‌ستانه کرد که له ڕابردوو و ئێستا دا له‌و باره‌یه‌وه هاتوون و دێنه سه‌ر رێگای خەبات و پێی وابوو که له مێژووی کورد دا چەندین نموونەی بەرچاو به‌دی ده‌کریت که کورد هه‌ستی نه‌ته‌وه‌یی ون کردووه و کردوویه‌تی به قوربانی هەستی عه‌شیاری و ئاینی. هه‌روه‌ها به‌رێزیان ئاماژه‌ی به‌وه کرد کە نه‌ته‌وه‌ی بێ کیان وه‌ک مرۆڤی بێ گیان وایه، پێرێ تورک،عه‌ره‌ب و فارس به تیر و رم ئه‌نفال و ته‌عریبیان ده‌کردین و دوێنێ به چه‌کی پێشکه‌وتوو سبه‌ش به شێوه‌یه‌کی خراپتر له‌وه‌ی پێشوو. شایه‌نی باسه سمیناره‌کە ٣ کاتژمێری خایاند.
حیزبی دێموکراتی کوردستان - کۆمیته‌ی سویس
qadr-qachax-1.jpg

بگه‌رێوه‌|ئەم بابەتە 899 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact