. . . .


14 Oct 2012

وەڤدێکی کۆمیتەی حدک لە نۆروێژ بەشداری لە کۆریادی یەک ساڵەی ترۆر کردن


ناوەندی هەواڵ_نۆروێژ: کاتژمێر ٤ی دوانیوەڕۆی رۆژی یەک شه‌مه‌ رێکەوتی ٢٣ی رەزبەری ١٣٩١ی هەتاویی، بەرانبەر به‌ ١٤ی ئۆکتۆبری ٢٠١٢ی زایینی ساڵیادی ترۆر کردنی شەهید مەشعەل تەمۆ، سه‌رکرده‌ی کورد له‌ رۆژئاوایی کوردستان به‌ ده‌ستی رێژیمی کۆنه‌په‌ره‌ستی به‌عسی سوریه‌ به‌رێوه‌ چوو.

سه‌ره‌تای بە یەک خولەک بێدەنگی بۆ گیانی پاکی شەهیدانی کوردستان کۆریادەکە دەستی پێ کرد، پاشان له‌ لایه‌ن برێوه‌به‌رانی کۆریادەکە باسێک له‌ سه‌ر تیرۆر کردنی شه‌هید مه‌شعه‌ل ته‌مۆ کراو ئه‌و کرده‌وه‌ نائینسانیه‌ ئیدانه‌ کرا.
ئینجا لە لایەن ئەختەر چاودری ئەندام پارلمانی نۆروێژ سەر بە حیزبی سوسیالیست چەپ وتارێک لە سەر ترۆر کردنی شەهید مەشعەل تەمۆ و مەسەلەی چەوساندنەوەی گەلی کورد لەهەموو پارچەکانی کوردستان پێشکەش بە بەشداربوان کرا، ناوبراو ئەو کردەوە ترۆریستیەی بە تووندی مەحکووم کرد.
پاشان په‌یامی ناره‌زایی هیزه‌ سیاسی و مه‌ده‌نێکان له‌ مه‌ر ئه‌و کاره‌ساته‌وه‌ خوێندرانه‌وه‌ و ئه‌و تیرۆره‌ مه‌حکووم کرا.

شایانی باسه‌ که‌ په‌یامی کۆمیتەی حیزبی دێموکراتی کوردستان لە نۆروێژ له‌ لایه‌ن بەرێز ئه‌حمه‌د نه‌قشی خوێندرایه‌وه‌ و له‌ په‌یامه‌که‌دا هاتبوو، بەرێزان ئێمە لێرە کۆبووینەوە کە یادی یەک ساڵەی ترۆرکردنی سەرکردەیەکی کورد کە وەک هەموو لایەک ئاگادارن بە فەرمانی خودی بەشار ئەسەد ترۆر کرا بەرز رابگرین، بێگومان شه‌هیدکرانی مه‌شعه‌ڵ ته‌مۆ به‌ له‌به‌رچاوگرتنی ئه‌و ده‌وره‌ گرنگه‌ی له‌ نێو بزووتنه‌وه‌ی نه‌ته‌وه‌یی رۆژئاوای کوردستان و راپه‌ڕینی ئێستای خه‌ڵکی سووریه‌ له‌ دژی ده‌سه‌ڵاتی سه‌ره‌ڕۆیانه‌ی بنه‌ماڵه‌ی ئه‌سه‌دو حیزبی به‌عس دا هه‌یبوو، به‌ خه‌سارو زه‌برێکی به‌ژان ده‌ژمێردرێ. به‌ڵام ئه‌وه‌ به‌و مانایه‌ نیه که‌‌ خه‌ڵکی ڕاپه‌ڕیوی سووریه‌ به‌ کورد و عه‌ره‌به‌وه‌ به‌م زه‌برانه‌ به‌ چۆک دابێن و به‌ڵکوو ئازادیخوازانی سووریه‌ به‌ شه‌هیدبوونی مه‌شعه‌له‌کان له‌ بڕینی رێگای خه‌بات شێلگیرتر ده‌بن، لە دوایی پەیامەکەی حدک دا هاتبوو، ئێمە وەک حدک پشتیوانی ئەو سەرهەڵدانانەین کە لە رۆژئاوای کوردستان هاتۆتە ئاراوە و هیوادارین کە هەرچی زووتر ئەو بەشەی کوردستانمان لەژێر دەستی رێژیمی بەعسی سووریە رزگار بکرێت.

جێگای ئاماژه‌پێکردنه‌ که‌ وەڤدی کۆمیتەی نۆروێژی حدک لە بەرێزان ئەحمەد نەقشی، عەبدووڵڵا شەقاس، سەعید باختە و حوسێن حاجی ئەحمەدی پێک هاتبوو.
بەشی راگەیاندنی حیزبی دێموکراتی کوردستان، نۆروێژ.

mashal.jpg

بگه‌رێوه‌|ئەم بابەتە 1078 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact