. . . .


21 Sep 2012

وڵامی وەزارەتی دەرەوەی بریتانیا بە نامەی پارلەمانتارێکی ئەو وڵاتە ?


هەروەک ئاگادارن، هاوکات لەگەڵ مانگرتنی سەرۆکی ڕێکخراوی مافی مرۆڤی کوردستان، محەممەد سدیق کەبوودوەند، بەڕێز مەلوود سوارە نوێنەری حیزبی دیموکراتی کورردستان، نامەیەکی سەرئاوەڵای بەڕێز خالید عەزیزیی سکرتێری گشتی حیزبی دیموکراتی کوردستان، کە باسی لە دۆخی نالەباری ناوبراو لە کاتی مانگرتنەکەیدا کردبوو و ئاڕاستەی پارلەمانتار و کاربەدەستانی بەرزی حکومەتی بریتانیا کرد.
لە بەشێک لەو نامانە دا داوا لە پارلەمانتارەکانی بریتانیا کرابوو گووشار بخەنە سەر کاربەدەستانی ڕژیمی تاران کە زەخت و زۆری سەر بەندکراوانی سیاسی هەڵگرن و کەبوودوەندیش ئازاد بکەن.

ئەوەی لە خوارەوە دەیبینن نامەیەکی بەڕێز " فابیان هامیلتۆن،ە" کە بۆ وەزارەتی دەرەوەی ناردبوو و هەرروەها وەزارەتی دەرەوەش وڵامی نامەی ناوبراوی داوەتەوە.

فابیان هامیلتۆن ئه‌ندامی پارلمان
ئه‌نجومه‌نی نوێنه‌ران
له‌نده‌ن

زۆر به‌ڕێز ویلیام هێیگ
وه‌زیری کارو باری ده‌ره‌وه‌
نوسینگه‌ی وه‌زاره‌تی ده‌ره‌وه‌ و کامنوێڵس

18ی جولای 2012

هاوپێچی ئەو نووسراوەیە، نامه‌ی خالید عه‌زیزی، سکرتێری گشتی حیزبی دێموکراتی کوردستان ئه‌نێرمه‌ خزمه‌تتان. ئه‌م نامه‌یه‌ له‌ لایه‌ن بەڕێز مه‌ولود سواره‌، ئه‌ندامی حیزبی دێموکراتی کوردستان له‌ بریتانیا بۆ من نێردراوە. نامه‌که‌ باسی هه‌ل‌ و مه‌رجی ترسناکی زیندانی کوردی-ئێرانی محه‌ممه‌د سه‌دیق که‌بودوه‌ند، ڕۆژنامه‌وان و چالاکوانی دامه‌زرێنه‌ری ڕێکخراوی مافی مرۆفی کوردستان ده‌کا.

ئاغای که‌بودوه‌ند له‌ جولای 2007 به‌ هۆی چالاکیی له‌ بواری مافی مرۆڤ ده‌ستبه‌سه‌ر کرا و پێش تاوانبار کران به‌ کۆمه‌ڵێک تاوانی وه‌ک "هه‌ڵس وکه‌وت له‌ دژی به‌رژه‌وه‌ندی نه‌ته‌وه‌یی له‌ رێگای دامه‌زراندنی رێکخراوی مافی مرۆفی کوردستان"، "دژبه‌ریی یاسا و ڕێساکانی ئیسلامی و پشتیوانی له‌ زیندانیانی سیاسی" بۆ ماوه‌ی 5 مانگ له‌ ژووری تاکه‌ که‌سی دا ڕاگیرابوو.

دوای 7 ساڵ زیندانی بوون نیگه‌رانییه‌کی زۆر له‌ مه‌ڕ وه‌زعی ئاغای که‌بودوه‌ند له‌ ئارا دایه‌، به‌ تایبه‌تی که‌ ناوبراو 50 رۆژ له‌وه‌پێش ده‌ستی کردووه‌ به‌ مانگرتن له‌ خواردن. سه‌ره‌ڕای گیرو گرفته‌کانی په‌یوه‌ندیی نێوان بریتانیا و ئێران، داواتان لێده‌که‌م، گشت کاناڵێکی که‌ پێتان شیاوه‌ بۆ گوشار خستنە سەر کاربە دەستانی ئێران، بۆ ئازادی ده‌ستبه‌جێی ئاغای که‌بودوه‌ند به‌ کار بێنن. تکایه‌ له‌ هه‌وڵه‌کانتان بۆ چاره‌سه‌ریی ئه‌م وه‌زعه‌ ئاگادارم بکه‌نه‌وه‌.

له‌ گه‌ڵ رێزمدا،

فابیان هامیلتۆن
ئه‌ندامی پارلمان له‌ سه‌ر لیسته‌ی حزبی کرێکار له‌ باکووری ڕۆژهه‌ڵاتی لیدز

وڵامی وەزارەتی دەرەوەی بریتانیا بۆ نامەی فابیان هامیلتۆن

وه‌زاره‌تی ده‌ره‌وه‌ و کامۆنوێڵس
10ی سێپتامبری 2012

فابیان هامیلتۆن نوێنه‌ری پارلمان
ئه‌نجومه‌نی نوێنه‌ران
له‌نده‌ن

به‌رێز فابیان:
سوپاس بۆ نامه‌ی 17ی سێپتامبر که‌ به‌ ناوی ئاغای مه‌ولود سواره‌، ئه‌ندامی حیزبی دێموکراتی کوردستان له‌ بریتانیا، ‌ بۆ وه‌زاره‌تی کاروباری ده‌ره‌وه‌تان ناردبوو، که‌ تێیدا دا نیگه‌رانیی خۆتان له‌ مه‌ڕ وه‌زعی ڕۆژنامه‌وانی کوردی-ئێرانی و چالاکوان و دامه‌زرێنه‌ری رێکخراوی مافی مرۆڤی کوردستان، موحه‌ممه‌د سه‌دیق که‌بودوه‌ند ده‌ربڕیبوو.
ئێمه‌ش نیگه‌رانی ئاغای که‌بودوه‌ندین که‌ به‌ پێی ڕاپۆرت سڵامه‌تی ناوبراو به‌ دوای مانگرتن له‌ خواردن خراپتر بووه‌، هه‌رچه‌ند ئێمه‌ ئاگادارین که‌ مانگرتنی ناوبراو رۆژی 24ی جولای کۆتایی پێهاتووه‌. ئێمه‌ 3ی مانگی مای دۆسیه‌ی ناوبراومان له‌ چوارچێوه‌ی که‌مپه‌ینێکی یه‌ک حه‌وتوویی له‌ باره‌ی زیندانی کردن و به‌د ڕه‌فتاریی رێژیم به‌رامبه‌ر به‌ ڕۆژنامه‌نووسان له‌ لاپه‌ڕه‌ی فه‌یسبوکی وه‌زاره‌تی ده‌ره‌وه‌ و کامۆنوێڵس نیشان دا. هه‌روه‌ها له‌ 24ی ئاگوست وه‌زیری کاروباری ده‌ره‌وه بۆ تیشک خستنه‌ سه‌ر وه‌زعی ئاغای که‌بودوه‌ند جارێکی تر لێدوانێکی بڵاو کرده‌وه‌ و له‌ ویدا پێشێلکاریی به‌ربڵاوی مافه‌کانی مرۆڤ له‌ لایه‌ن ئێرانه‌وه‌ی وه‌ک‌ "شه‌رمه‌زاریی" و "تاوانی ئابڕووبه‌رانه‌ی رێبه‌رانی ئێران" مه‌حکوم کرد.
ده‌وڵه‌تی بریتانیا چالاکانه‌ سه‌رقاڵی ئه‌و ده‌ستپێشخه‌رییانه‌یه‌ که‌ له‌وێدا ئێران وه‌ک به‌رپرسیاری‌ پێشێلکاریی په‌یمانه‌ نێونه‌ته‌وه‌ییه‌کانی مافی مرۆڤ ده‌ستنیشان ده‌کرێ. له‌ مانگی مارس ده‌وڵه‌تی بریتانیا له‌ گه‌ڵ هاوبه‌شه‌کانی له‌ یه‌کیه‌تیی ئوروپا له‌ کرده‌وه‌یه‌کدا بۆ به‌رپه‌رچدانه‌وه‌ی کارنامه‌ی مافی مرۆفی ئێران بڕیاری دا که‌ سه‌فه‌ری‌ به‌رپرسانی پێشێلکاریی مافی مرۆڤ (بۆ ئوروپا) قه‌ده‌غه‌ بکا و ده‌ست به‌ سه‌ر داراییه‌کانیان (له‌ بانکه‌کانی ئوروپا) دا بگرێ. لیسته‌که‌ ناوی ئه‌ندامانی داموده‌زگا ئه‌منییه‌تیه‌کان، به‌شی دادوه‌ریی و دادوەر و دادستانە‌کان که‌ ئه‌نجامده‌ری تاوانی قورسی وه‌ک ئه‌شکه‌نجه‌ و پێشگیری له‌ دادگاییه‌کی ڕه‌وا بوون ده‌گرێته‌ خۆ. لیسته‌که‌ له‌ ژێر پێداچوونه‌وه‌ی بێ پسانه‌وه‌ دایه‌ و ئێمه‌ خه‌ریکی کۆ کردنه‌وه‌ی به‌ڵگه‌ له‌ دژی ئه‌و که‌سانه‌ین که‌ به‌شداریی له‌ پێشێلکاریی چڕ و پڕی مافه‌کانی مرۆڤ دا ده‌که‌ن. ئێمه‌ ده‌مانهه‌وێ ئه‌وانه‌ی ناویان له‌ لیسته‌که‌ دایه‌ رێبازی خۆیان بگۆڕن و هه‌روه‌ها خه‌ڵکی تر وریا ببنه‌وه‌ و تێکه‌ڵاوی پێشێلکاریی مافی مرۆڤ نه‌بن.
ڕاپۆرتی ساڵانه‌ی وه‌زاره‌تی ده‌ره‌وه‌ و کامۆنوێڵس له‌باره‌ی مافی مرۆڤ و دێموکراسی که‌ له‌م دواییانه‌دا بڵاو بووەوە‌ به‌ ئاشکرا باس له‌ نیگه‌رانیی ده‌وڵه‌تی بریتانیا له‌ باره‌ی کارنامه‌ی ئێران ده‌کا. لەگه‌ڵ هاوبه‌شانی یه‌کیه‌تی ئوروپا و نێونه‌ته‌وه‌یی، بریتانیا درێژه‌ به‌ باس کردنی دۆسیه‌ی تایبه‌تیی له‌گه‌ڵ کاربه‌ده‌ستانی ئێرانی ده‌دا و ئێمه‌ به‌ چڕ و پڕی کار له‌گه‌ڵ رێکخراوه‌ نا حوکومییه‌کان و داکۆکیکه‌رانی مافه‌کانی مرۆڤ بۆ کۆکردنه‌وه‌ی زانیاریی له‌ سه‌ر دۆسیه‌ جیاجیاکان پێشێلکاری مافەکای مرۆڤ لە ئێراندا ده‌که‌ین.
من دڵنیاتان ده‌که‌مه‌وه‌ که‌ ده‌وڵه‌تی بریتانیا درێژه‌ به‌ داخوازیی له‌ ئێران بۆ رێز گرتن له‌ مافی ته‌واو و یه‌کسانی هاووڵاتیانی که‌ هاوته‌ریبی به‌رپرسیارییه‌ نێونه‌ته‌وه‌ییه‌کانیه‌تی ده‌دا.

ئالیسته‌یر بورت ئه‌ندامی پارلمان لە وه‌زاره‌تی ده‌ره‌وه‌
ئه‌نجومه‌نی نوێنه‌ران
له‌نده‌ن

بگه‌رێوه‌|ئەم بابەتە 1128 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact