. . . .


8 Jul 2009

له‌ ئوتریش کۆمیته‌ی حدک و ناوه‌ندی چاک یادی کاره‌ساتی سه‌رده‌شت


ئوتریش - محه‌ممه‌دی فه‌قێ‌عه‌لی: ڕۆژی 5/7/2009 به‌ به‌ ده‌ستپێشخه‌ری ڕێکخراوی چاک و به‌ هاوکاریی کۆمیته‌ی حیزبی دیمۆکراتی کوردستان له‌ وڵاتی ئوتریش و به‌ به‌شداری چه‌ندین حیزب و ڕێکخراوی دیکه‌ی کوردستانی له‌و وڵاته‌ یادی 22 ساڵه‌ی شیمیاباران کردنی شاری سه‌رده‌شت له‌ ڕۆژهه‌ڵاتی کوردستان کرایه‌وه‌.

ئه‌م یاده‌وه‌ریه‌ که‌ له‌ کاتژمێر 4 دوانیوه‌ڕۆ ده‌ستی پێکرد به‌م شێوه‌ییه‌ی خواره‌وه‌ به‌ڕێوه‌ چوو:

سه‌رتای به‌رنامه‌ وێڕای پێشکه‌شکردنی سرودی نه‌ته‌وایه‌تی ئه‌ی ڕه‌قیب به‌شداران ده‌قیقه‌یه‌ک به‌بێ ده‌نگی بۆ شه‌هیدانی ئه‌م کاره‌ساته‌ و تیکڕای شه‌هیدانی گه‌له‌که‌مان به‌ سه‌رپێوه ‌ڕاوه‌ستان. پاشان په‌یامی ناوه‌ندی چاک به‌م بۆنه‌وه‌ له‌ لایه‌ن ناهیده‌ ئه‌حمه‌دیه‌وه‌ پێشکه‌ش کرا.

وته‌یه‌کی کورت له‌ لایه‌ن دوکتۆر موسته‌فا ئاکگون به‌رپرسی ڕێکخراوی گه‌لانی ژێرهه‌ڕه‌شه‌ بابه‌تێکی دیکه‌ی ئه‌م یاده‌وه‌ریه‌ بوو.

په‌یامی حدک کۆمیته‌ی ئوتریش له‌ لایه‌ن کاک قادری ڕه‌سولیان‌ه‌وه‌ پێشکه‌شکرا.

په‌یامی پارتی یه‌کیه‌تی دیمۆکراتی کورد له‌ سوریه‌ به‌شێکی تری ئه‌م به‌رنامه‌یه‌ بوو که‌ لا لایه‌ن کاک دوکتۆر سه‌بریه‌وه‌ پێشکه‌ش کرا.

له‌ ناو په‌یامه‌کان دا په‌یامی پارتی چاره‌سه‌ری دیمۆکراتی کوردستان و هه‌روه‌ها مه‌جلیسی گه‌ل خوێندرایه‌وه‌.

دوابه‌دوای خوێندنه‌وه‌ی په‌یامه‌کان نۆره‌ گه‌یشته‌ به‌رنامه‌ی سه‌ره‌کی که‌ بۆ ئه‌م مه‌به‌سته‌ بانگهێشتنی به‌ڕێز کاک که‌مالی حه‌سه‌نپور وه‌رگێڕ و تێکۆشه‌ری سیاسی شاری سه‌رده‌شت کرابوو .
otrish-yadiserdesht-jpg2.jpg
کاک که‌ماڵ له‌ وتارێک دا که‌ به‌م بۆنه‌وه‌ پێشکه‌شی کرد، دوای گێڕانه‌وه‌ی بیره‌وه‌ری خۆی له‌ کاتی بۆمباراران کردنی شاری سه‌رده‌شت، هێندێک خاڵی خسته‌ به‌ر زه‌ینی خوێنه‌ران، له‌ وانه‌ گوێنه‌دانی پێویست به‌ برینداره‌کانی ئه‌وکاتی شاری سه‌رده‌شت له‌ کاتی بۆمباباران کردنه‌که‌دا و هه‌روه‌ها تا ئێستاش قه‌ره‌بو نه‌کردنه‌وه‌ی به‌شیکی زۆری ئه‌م خه‌ڵکه‌و پێڕانه‌گه‌یشتنی پێویست له‌ بواری ده‌واو ده‌رمان و زۆر شتی تر.

پێویسته‌ بگوترێ که‌ ڕێکخراوی چاک کۆمیته‌ی ئوتریش له‌ وته‌کانیان دا زۆر به‌گه‌رمی ڕێز و سوپاسیان پێشکه‌شی حدک به‌ گشتی بۆ یادکردنه‌وه‌ی هه‌موساڵه‌ی ئه‌م کاره‌ساته‌ و ڕاگرتنی وه‌ک به‌ڵگه‌یه‌کی زیندوی مێژوی بۆ نه‌وه‌کانی داهاتوو، و هه‌روه‌ها کۆمیته‌ی ئوتریش به‌ تایبه‌تیان کرد بۆ هاوکاری و پشتیوانیان له‌م بیره‌وه‌ریه‌ تاڵ و ناخۆشانه‌ی نه‌ته‌وه‌که‌مان دا به‌ گشتی و شاری سه‌رده‌شت به‌ تایبه‌تی.
otrish-yadiserdesht-jpg1.jpg

بگه‌رێوه‌|ئەم بابەتە 1315 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact