. . . .


3 Jun 2012

پێک هێنانی ئێوارە کۆڕێک لە لایەن یەکێتی لاوانی دیموکراتی ڕۆژهەڵات??


ناوەندی هەواڵ- فینلاند: ڕۆژی پێنج شه‌ممه‌ ڕێکه‌وتی ٣١/٥/ ٢٠١٢ يه‌کيه‌تی لاوانی ديموکراتی ڕۆژهه‌ڵاتی کوردستان به‌ بۆنه‌ی کۆتايی هاتنێ سالی خویندنی ٢٠١١ ، ٢٠١٢ ئيواره‌ کۆريکی خنجيلانه‌يان بۆ بنه‌ماڵه‌ و و لاوانی خويندکار له‌ هه‌رێمی تورکوی وڵاتی فينلاند پێک هێنا.
به‌رنامه‌کانی ئه‌و ئیواره‌ کۆره‌ له‌ کاتژمير ٦:٣٠ خوله‌کی ئێواره‌ ده‌ستی پێکرد ، سه‌ره‌تا له‌ لایه‌ن ده‌سته‌ی به‌ريوه‌به‌ری يه‌کیه‌تی لاوانه‌وه‌ ویڕای به‌خيرهێنانی بنه‌ماڵه‌ی قوتابيان و لاوانی خويندکار ، به‌ کورتی ئامانج له‌ پێکهینانی ئه‌و به‌رنامه‌یه‌ و گرینگی و تایبه‌ت مه‌ندی ئه‌و ئێواره‌ کۆره‌ له‌ لایه‌ن به‌ريوه‌ به‌رانه‌وه‌ بۆ به‌شداران باس کرا، پاشان کاک سامران خزری وه‌ک مامۆستایه‌کی سه‌رکه‌وتوو له‌ قوتابخانه‌کانی هه‌رێمی تورکو و به‌رپرسی پێشوی يه‌کيه‌تی لاوانی دیموکراتی ڕۆژهه‌ڵاتی کوردستان له‌ فينلاند وتاريکی له‌ سه‌ر ڕۆڵی لاوانی کورد له‌ کۆمه‌لگای فينلاند و گرینگی و ئه‌هه‌میه‌تی خویندن بۆ لاوان له‌ تاراوگه‌ پیشکه‌ش کرد، که‌ سەرنجی ئاماده‌ بووانی بۆ لای خۆی ڕاکێشا، ئینجا کورته‌ په‌خشانێک له‌ سه‌ر قوتابی کورد له‌ لایه‌ن تۆفیق دادکوش خويندرايه‌وه‌.
پاشان ده‌سته‌ی به‌ڕێوه‌به‌ری يه‌کيه‌تی لاوان له‌وحيکی ڕێزگرتنی بۆ ئه‌و لاوانه‌ی سه‌رکه‌وتن و پله‌ی به‌رزی خویندنیان به‌ده‌ست هێناوه‌ ئاماده‌ کردبوو ، که‌ وه‌ک ڕێزگرتنی یه‌کيه‌تی لاوانی دیموکراتی ڕۆژهه‌ڵاتی کوردستان له‌ لاوانی خويندکاری سه‌رکه‌وتوو، پێشکه‌ش به‌ ١٤ لاوی سه‌رکه‌وتوو له‌ بواری خویندندا کرا، که‌ بوو به‌ مایه‌ی خۆشحاڵی و دڵگه‌رمی خويندکاران و بنه‌ماڵه‌کانیان نێوئاخنی به‌رنامه‌کان بريتی بوون له‌ : پارچه‌ک موسیقایه‌ک له‌ لایه‌ن يۆنس ملکاری، نیشاندانی جل و به‌رگی کورده‌واری له‌ لايه‌ن منداڵانی ژێر ١٢ساڵ، نيشاندانی شانۆيه‌کی زه‌ماوه‌ندی کورده‌واری له‌ لایه‌ن کیژان و کورانی سه‌ر به‌ یه‌کیه‌تی لاوان، چه‌ند کورته‌ شێعرو په‌خشان. هه‌روه‌ها ده‌نگی خۆش و به‌ سۆزی هونه‌رمه‌ند فه‌رهاد ئالانی و موسيقاژه‌نی لاو ئازاد زاخۆیی و هه‌ڵپه‌رکی کورده‌واری ڕازێنه‌ره‌وه‌ی ئه‌و ئیواره‌ کۆڕه‌ی لاوان بوون که‌ خۆشيه‌کی زۆری له‌ نيو بنه‌ماله‌کاندا پێک هینا بوو و وێڕای خواردنی نانی ئێواره‌ به‌ یه‌که‌وه‌، ده‌سته‌ی به‌ڕێوه‌به‌ری یه‌کیه‌تی لاوان له‌ ماوه‌ی به‌رنامه‌کاندا به‌ شێوه‌يه‌کی جوان و سه‌رده‌ميانه‌ به‌ په‌زیرايی کردن پێشوازیان له‌ ميوانه‌کان ده‌کرد.
جێ ئاماژايه‌ ئه‌و ئێواره‌ کۆره‌ خنجيلانه‌یه‌ که‌ به‌ پێشکەشکاری سروشت ڕه‌سووڵی و گزينگ خاڵدنژاد به‌ڕێوه‌ ده‌چوو، کاتژمێر ١٠ی شه‌و به‌ پيشوازی گه‌رمی به‌شداربووان و به‌ هه‌ستێکی پڕ له‌ خۆشی و شادی کۆتایی پێ هات.
بۆ بینینی ئەو چالاکییە کرتە لێرە بکە

بگه‌رێوه‌|ئەم بابەتە 1395 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact