. . . .


20 May 2012

بەشداری هەیئەتێکی کومیتەی حدک لە کۆنگرەی ڕێکخراوی چاک لە وڵاتی ئوتر?


ناوەندی هەواڵ- ئوتریش: له‌ سه‌ر بانگهێشتی ڕه‌سمی ڕێكخراوی چاك نوێنه‌رایه‌تی كۆمیته‌ی حدك له‌ ئوتریش پێكهاتوو له‌ محه‌ممه‌دی فه‌قێ عه‌لی به‌رپرسی په‌یوه‌ندیه‌كانی حیزب و ئاسۆ پیرۆتی بەرپرسی به‌شی ڕاگه‌یاندنی کومیتە، لە کۆنگرەی ڕێکخراوی چاک دا بەشدارییان کرد.
كۆنگره‌ له‌ رۆژی شەممە ١٩/٥/٢٠١٢ كاتژمێر ١٠ی به‌یانی به‌خولەکێک وه‌ستان بۆ گیانی پاكی شه‌هیدان ده‌ستی به‌ كاره‌كانی كرد و تا رۆژی ٢٠/٥/٢٠١٢ درێژه‌ی كێشا. سەرەتا ڕێکخەران و بەڕیوەبەرانی‌ رێكخراوی چاك وتارێکیان سه‌باره‌ت به‌ به‌رێوه‌چوونی كۆنگره‌كه‌ و هه‌روه‌ها ئاوڕ دانه‌وه‌یه‌ك له‌ كار و چالاكیه‌كانی كۆمیته‌كانی ئه‌و رێكخراوه‌یه‌ پێشکەش کرد. دوا به‌ دوای ئه‌و په‌یامی حێزب و رێكخراو و ناوه‌نده‌كانی پانگێشت كراو بۆ ئه‌م كۆنگره‌یه‌ خوێندرایه‌وه‌ .
په‌یامی كۆمیته‌ی حیزب له‌و وڵاته‌ له‌ لایه‌ن هاوڕێ محه‌ممه‌دی فه‌قێ عه‌لی پێشكه‌شی به‌شداربووان كرا .
شایه‌نی باسه‌ چەندین حیزب و رێكخراوی کوردستانی بۆ ئه‌و كۆنگره‌یه‌ بانگێشت كرا بوون کە له‌ نێویان دا نۆینه‌رایه‌تی حكومه‌تی هه‌رێمی كوردستان هه‌ر وه‌ها نۆینه‌رایه‌تی وزاره‌تی شه‌هیدان و ئه‌نفال كراوه‌كان په‌یامیان پێشكه‌ش كرد .
له‌ په‌راوێزی پشوو دانه‌كان دا نۆینه‌رایه‌تی حیزب توانی له‌گه‌ڵ زۆربه‌ی حیزب و لایه‌ن و رێكخراوه‌ به‌شدار بووه‌كان بكه‌ونه‌ ئاخاوتن و له‌ نزیكه‌وه‌ به‌ بۆچوونه‌كان و بڕیاراتی كۆنگره‌ی ١٥ی حیزب له‌ مه‌ڕ مافی مرۆف زانیاریان پێدرا.
په‌یامنێری كورد كاناڵ له‌ وڵاتی ئوتریش ڕاپۆرتێکی له چۆنیەتی بەڕیوەچوونی ئەو‌ كۆنگره‌كه‌ ئامادە کرد. شایانی باسه‌ كه‌ رێكخراوی چاك سپاس و پێ زانینی خۆیان بۆ هاوڕێیانی حیزب ده‌ربڕی كه‌ له‌ ڕابردوو دا هه‌میشه‌ پشتیوان و هاوكاری رێكخراوه‌كه‌یان بوون.
پێویست بە ئاماژەیە کە ڕێکخراوی چاک ڕێکخراوی سەربەخۆی غەیرە حیزبییە بۆ داکۆکی لە مافی بەرکەوتووانی چەکی کیمیایی و ئەنفال و بەندکراوانی سیاسی کورد لە بەندیخانەکانی وڵاتانی داگیرکەرانی کوردستان دا دامەزراوە و تاکوو ئیستا توانیویەتی چەندین کە لەوانەی کە لە دانی کەرەستەی چەکی کیمیاوی بە حکومەتی ڕوخانی بەعس دا دەستیان هەبوو بکێشێتە بەردەم یاسا و بە دەیان و سەدان خۆپیشاندان و کۆڕ و کۆبوونەوەیان بۆ داکۆکی لە مافی مرۆڤی کورد لە کوردستان و هەموو وڵاتانی جیهان ڕێکخستووە.
chak.jpg

بگه‌رێوه‌|ئەم بابەتە 1075 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact