. . . .


7 May 2012

کۆبونەوەی بەرپرسی پێوەندیەکانی دەروەی پارتی دێمۆکراتی کوردستان لە


ناوەندی هەواڵ- فینلاند: رۆژی ٤ی مایی ٢٠١٢ لە شاری هێلسینکی ولاتی فینلاند کۆبونەوەیەک بە بەشداری بەرێز هێمن هەورامی ئەندامی ئەنجومەنی سەرکردایەتی و لێپرسراوی پێوەندیەکانی دەرەوەی پارتی دێمۆکراتی کوردستان لەگەڵ کۆمیتەی هاوکاری هێزەسیاسیە کوردستانیەکان پێک هات، لەو کۆبونەوەیەدا هەیئەتێکی کۆمیتەی حیزبی دێمۆکراتی کوردستان پێکهاتوو لە: ئەییوب سوری بەرپرسی پێوەندیەکانی حیزب لە فینلاند و محەممەد پوزش هاوکاری بەشی پێوەندیەکان بەشدار بوو. ئەوکۆبونەوەیە کە لە کاتژمێر ٦ی ئێوەرێ هەتا ٩ی شەو درێژەی هەبوو گەلێک باس و بابەتی تێدا هاتنە گۆرێ لەوانە: هەلومەرجی ناونەتەوەیی و ئالوگۆرەکان و دەرفەت و هەرەشەکانی بەردەم گەلی کورد ، هەلومەرجی ئێستای کوردستان لە هەرکام لە بەشەکانی دا و ئەرکەکانی نوێنەرایەتی حیزب و رێکخراوە سیاسیەکانی کوردستانی دەرەوەیی ولات لەو هەلومەرجە دا ،پێوەندیەکانی نێوان حیزب و لایەنە سیاسیە کوردستانیەکان و پێویستی دیالۆگ و لێک تێگەیشتن هاوکاری و گەلێک باس و بابەتی تر.


رۆژی ‌شەممە ٥ی مانگی مایی سیمینارێک بۆ بەرێز هێمن هەورامی ئەندامی ئەنجومەنی سەرکردایەتی و بەرپرسی پێوەندیە دیپلۆماسیەکانی پارتی دێمۆکراتی کوردستان لە شاری هێلسینکی ولاتی فینلاند پێک هات. لەو سیمینارە دا هەیهەتێکی نوێنەرایەتی حیزبی دێمۆکراتی کوردستان بە سەرپەرستی بەرێز حەسەن حاتەمی ئەندامی رێبەری حیزب و بەرپرسی پێوەندیە کوردستانیەکانی حیزب لە دەرەوەی وڵات بەشداری سیمینارەکە بوو . ئەو سیمینارە کە لە کاتژمێر ٣ی دوای نیوەرۆ تا ٧،٣٠ی ئێوارە درێژەی کێشا کۆمەڵێک باس و بابەتی لەسەر هەلومەرجی ئەمرۆی کوردستان و سیاسەتی ناوچەیی و ناونەتەوەی و بەتایبەت لەسەر هەلومەرجی کورد لە سوریە تێدا هاتنە گۆرێ و ئالوگۆری بیرورا کرا.
وێنەکانی ئەو دیدارانە لێرەوە ببینە

بگه‌رێوه‌|ئەم بابەتە 962 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact